مصر موتورز مجتمع السيارات - للنقاش:تصاميم تويوتا

مصر موتورز مجتمع السيارات (https://www.masrmotors.com/vb/index.php)

- تويوتا TOYOTA (https://www.masrmotors.com/vb/forumdisplay.php?f=28)

- - للنقاش:تصاميم تويوتا (https://www.masrmotors.com/vb/showthread.php?t=5375)

رد: للنقاش:تصاميم تويوتا

انا كان قلبي حاسس ...
قلت اكيد حازم باشا حيلقط الموضوع
بس الحمد لله ان رأيك طلع كده ...
فعلا الياريس من احلا تصميمات تويوتا ... على الاقل في محموعه عربياتها اللي موجوده عندنا
واول ما طلعت كانت صورتها في الجرنال تهبل ... فاكرها كويس اوي و اللون الفضي كأنها عربيه فضائيه فعلا..
لكن على الطبيعه فعلا وشها ارنوب خالص ...
التصميم حلو ... لكن النسب هربت منهم شويه .. كانو يقدرو يظبطوه اكتر من كده و كانت تبقى تحفه
لكن هي دي تويوتا ... شكل العربيه النهائي حاجه ثانويه ... المهم الشكل يتباع و خلاص !!!!!
صور حلوه لكن على الطبيعه تظهر العيوب خصوصا بروز الشبكه عن الفوانيس ( بوز الارنب ) و رجوع الفانوس لورا اوي لحد الباب ...
هي مع واحد صاحبي وسوقتها .... ما شاء الله ناااااعمه و وعمليه و اقتصاديه و قعدتها تحفه ... تابلوه بسيط وجميل لكن لدرجه اني بحس ان قدامي جاون ... كل ما اقعد جنب صاحبي احس اني حشيل الطاره من قدامه اركبها قدامي و اسوق انا ..... ههههه
انا كنت حشتريها على فكره لحسن تفتكر بتريق عليها ... لكن كانت الاوتوماتيك فول اوبشن ساعتها ب 100 الف و الماتريكس ب 84 الف ..... يعني اسباب اقتصاديه مش اكتر ...
وبرغم فرق الهورس باور و كدب التوكيل عن قوتها الحقيقيه .... لكن الياباني ياباني ...
بس بصراحه لما قعدت جواها وانا بدور على عربيه ساعه الشرا ... كنت مستريح فيها جدا

ويمكن دي اكتر حاجه بتشد الناس للياباني .... عربيه عمليه جدا و ناعمه جدا .. مريحه ... جوده و اعتماديه ... وكفاءه تضنيع ... و انتشار
فعلا احسن ناس تصنع عربيات هما اليابانينن .... و الا مكنتش تويوتا تبقى نمره واحد على العالم في المبيعات

اكتر كورولا عجبتي الجيل السابع اللي كانت في منتصف التسعينات و اسواء كورولا الجيل اللي بعدها على طول ... الفانوس المدور .... بشعه ... مفيهاش اي جمال ... مستفزه
معرفش كانو بيفكرو في ايه لما صمموها ... الظاهر كانو بيفكرو في الجيل اللي بعدها ... ومفيش جيل له علاقه باللي قبله .. يمكن السابع واخد من السادس .. والباقي كله على هواه ... تصميم جديد و مفيش اي خطوط تربط الجديد بالقديم
هي دي تويوتا

بالرغم ان جيمي كلاركسون بيهاجم دايما الياباني ... وواضح ميوله الاوروبيه
الا ان وصفه لتصميمات تويوتا بالملل عنده حق فيه
لكن عربيه ممله و تريحين احسن 100 مره من عربيه حلوه تطلع عيني

رد: للنقاش:تصاميم تويوتا

شكراً يا حورس على فكره المناقشة وبعد اذنك اضفت استطلاع للموضوع علشان تبقى النتيجةاوضح

طبعاً احنا بنتكلم عن التصميم مش على قيمة العربية ولا جودتها

من ناحية التصميم فانا من اشد الناس عداوة لتصميمات التويوتا بداية من الايكو لحد الافالون بس على النقيض بحب جدا تصميم الكامرى والكامرى فقط

وديه بعض الصور للموديلات القبيحة (فى وجهه نظرى الشخصية) والموديلات الجميلة (فى وجهه نظرى الشخصية برضو)

http://www.logical-source.com/images...s/TORA9697.jpg

http://new-toyota.ru/wallpapers/Toyo...llpaper_01.jpg

http://static.howstuffworks.com/gif/...2061990001.jpg

تويوتا سوبرا بالرغم من ادائها المتميز بس عمرى ماحسيت ان شكلها رياضى خالص حتى الجديد منها برضو شكله وحش جدا

http://www.autoblog.com/media/2006/1...ris-Family.jpg

اليارس بكل اشكالها ومعانيها

http://images.autoexposure.co.uk/AET...3739659_1b.jpg

وطبعا البريوس الشنيعة

http://blog.leasetrader.com/images/b...rius-thumb.jpg

http://www.swotti.com/tmp/swotti/cac...a%20Prius1.jpg

الافالون

http://upload.wikimedia.org/wikipedi...Avalon_XLS.jpg

ابوخ موديلات كرولا على الاطلاق

http://img.alibaba.com/photo/1129368..._Xli_1_5cc.jpg

ده طبعا بالاضافة لنمازج القبح القياسية اللى بيقولوا عليها نمازج مبدئية

http://www.alhnuf.com/gallery/albums...ear_corner.jpg

http://4.bp.blogspot.com/_lsyt_wQ2aw...llpaper_01.jpg

http://www.autoblog.com/media/2006/0...go-resized.jpg

http://www.autocult.com.au/img/galle...eOmata3715.jpg

وفى المقابل بتعجبنى اوى تصميم الكامرى

http://2007toyotacamry.com/wp-conten...20pictures.jpg

http://upload.wikimedia.org/wikipedi...mry_hybrid.jpg

والتاندرا والهايلوكس

http://www.452-engines.com/uploaded_...Cab-703810.jpg

http://www.autospectator.com/cars/fi...undraSport.jpg

وبقية موديلات نموزج للملل والتصميمات المستنسخة من بعضها البعض

رد: للنقاش:تصاميم تويوتا

يا شباب موضوع التصميم دة نسبي يعني مثلا انا مش بحب شكل الاند كروزر لكن اكيد في ناس معجبة بالشكل.
و بالنسبة لليارس و الكورولا و الكامري ال 3 فيهم من بعض من مع الفرق في الأبعاد و الكماليات و مش شايف ان التصميم سيئ (فرق أزواق) .
أكيد مش احسن و لا احلي تصميم بس مش اسواء تصميم كفاية انها تويوتا.
و لو التصميم سيئ اكيد مكنتش عملت المبيعات دي علي مستوي العالم .
بالنسبة للكورولا شايف ان افضل موديل كان العيون .
و عن نفسي معاية الكورولا 2008 و اعتقد انها كويسة من حيث السعر و الأوبشن و الوكيل و اسعار قطع الغيار و التصميم (عدا السيفيك تصميمها احسن بس شكرا ليها بسبب قطع غيرها)

رد: للنقاش:تصاميم تويوتا

صباح الخير يا استاذ وليد

احنا مش بنتكلم عن التويوتا كعربيات حتى وان كان فيه ناس كتير دلوقتى بتشكك فى جودتها واعتماديتها وانها اقل من المستوى المعروف عنها فى السنين الماضية بس احنا بنتكلم تحديداً عن تصميماتها وكونها مملة وغير مبتكرة او متشابهه ومكررة

وانا معاك طبعا ان قبول التصميم من عدمة ده موضوع نسبى بس احنا عايزين نعرف راى الغالبية او تقييمها من حيث الذوق العام

رد: للنقاش:تصاميم تويوتا

في ناس كتيره بتحب شكل الكورولا 2006 ... وبيحبوه جدا
رأيي الشخصي انه شكل عادي جدا لدرجه الملل
هي وجهات نظر شخصيه فعلا
ولولا اختلاف الاذواق لبارات السلع
لكن وجهه نظري الشخصيه ان الناس اللي بتحب تويوتا بتحبها اكتر لاعتماديتها و كفائتها و سمعتها الطيبه ... والشكل شيء ثانوي
اعرف واحد كان معاه الكورولا الشكل القديم ( 2006 ) و لما غيرها جاب الكورولا الجديده .... فده معناه انه ارتبط بالعربيه كجوده كمنتج اكتسب ثقته لدرجه انه مبيفكرش يغير لنوع تاني ....
وده السبب الاول في انتشار مبيعات تويوتا على مستوى العالم .... لكن مسأله الشكل و التصميم ... مسأله ثانويه بالنسبه لتويوتا نفسها .... واعتقد بالنسبه للي بيشتروا تويوتا ..... اعجابهم بالعربيه اكبر من اعجابهم بشكلها
ومش معناه انه وحشه اوي كتصميم وكشكل ... لكن مش حلوه للدرجه
وده طبعا شيء منطقي ومفهوم للعميل

لكن ليه تويوتا متحاولش تبتكر في تصميماتها زي اختها هوندا مثلا (ومش حنقول ايطالي و لا الماني)
يعني شكل السيفيك و لا شكل الكورولا
الاكورد و لا الكامري