مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- نيسان NISSAN (https://www.masrmotors.com/vb/forumdisplay.php?f=32)

- - نيسان ألتيما (https://www.masrmotors.com/vb/showthread.php?t=5111)

رد: نيسان ألتيما

لا انا شفتها قبل كدة فى مصر و كانت ملاكى جيزة كمان

كانت عند السندباد

كان شكل الفوانيس بتاعتها خرافة

انا بقيت ماشى ابص على الفوانيس الى ورا

http://www.up-3rb.net/uploads/images/3rb-44e39b911e.jpg

http://www.up-3rb.net/uploads/images/3rb-63d81507cf.jpg

رد: نيسان ألتيما

شكرا علي الموضوع المميز
الالتيما من العربيات الناجحه جدا
و كانت في الخليج و الناس طايره بيها

اقتباس:

الا ان العربية دى فيها غلطة واحد فظيعة ..... و هى
285 حصان او حتى 188 حصان على عربية جر امامى = كارثة حقيقية و جربتها بنفسى و لولا ستر ربنا كان حصل ما لا يحمد عقباه

معاك و مش معاك يا باشا في النقطه دي
الكلام دا لو عربيه متعدله انما العربيه نازله كده و اكيد خضعت لاختبارات كتير
مش معقول حينزلوا قوه زي دي علي جر اماي من غير ما يكونوا عاملين حسابها

رد: نيسان ألتيما

اقتباس:

المشاركة الأصلية كتبت بواسطة bmkbmk (المشاركة 21935)

لا يا باشا

دفع أمامى

و ده اللينك بتاعها

http://www.nissanusa.com/altima/specifications.html

شوف اول سطر فى Drivetrain
هتلاقيها محرك امامى و دفع أمامى فى جميع الطرازات

و لو جت لك الفرصة و ركبتها تانى ابقى تعالى فى حتة فاضية و لف الدركسيون سنة و دوس جامد سنة مش جامد قوى و شوف ايه اللى هيحصل بس لازم تكون حتة فاضية الله يكرمك

شكرا يا معلم بس للأسف مش هاروح الخليج غير في أجازه أخر السنه عشان الكليه ptmnlo123per144
وبصراحه أنا مبحبش هناك أي حاجه غير سواقه العربيات!!!

رد: نيسان ألتيما

اقتباس:

المشاركة الأصلية كتبت بواسطة lancer.style (المشاركة 22031)

إنت ساكن فين يا لانسر أنا ساكن عند السندباد ومشفتهاش!!!ptmnlo123per11 1

رد: نيسان ألتيما

السلام عليكم

حازم باشا خضر

انا بكلمك يا باشا عن تجربة واقعية عملتها بنفسى للعربية و ده لأن واحد قريبى كان عاوز يشتريها فا اخدت العربية و طلعت بيها و للعلم هى كانت ال 4 سلندر مش 6 سلندر اللى هى 188 حصان العربية كانت جديدة ماشية اقل من 10000 كيلو و انا خارج من الباركنج كنت هعمل حادثة اساسا... العربية خفيفة جدا جدا و الموتور قوى عليها يا دوبك لفيت الدركسيون و دوست لقيت العربية بتزحف من قدام و الدركسيون مش عاوز يرجع مستقيم ... و كنت هطلع فوق رصيف الباركنج من قوة اللفة ,,, و كملت بالعربية و سقتها شوية كل ما اجى ادخل ملف او يمين او شمال احس نفس الاحساس غير انى حاسس بالكبالن فى الدركسيون (والله اعلم ده بلى الكبالن ولا حاجة تانية بس بخبرتى البسيطة متهيالى هو بلى الكبالن)

و بعدين طلعت على طريق سريع و وصلت سرعة 140 لقيت الدركسيون بدا يترج و الهوا هوايا عمال ياخدنى يمين و شمال و بصراحة مش مطمن خالص و انا راكبها (الانطباع..... زى ما قلت فى اول مشاركة ليا لو كانت دفع خلفى كانت فرقت كتير جدا)

و بعدين انا مليش دعوة بتجارب الشركة ,, ما كل الشركات بتشكر فى العربيات اللى بتطلعها و تيجى تركب العربية تلاقيها مش بنفس مستوى الشكر فيها او على الاقل مش زى ما انت متوقع

و برده احتمال اكون انا اللى اسلوبى فى السواقة مش صح ,الله اعلم,,, بس انا بحب اركب عربية اعتمد عليها و ارتاح لها و مكونش ماشى خايف و قلبى بيدق كل ما اركبها

للعلم فقط (أنا عربيتى كابريس 2004 و هى 5700 سى سى و 330حصان)
يعنى اقوى بكتير جدا جدا من الألتيما بس هى طبعا دفع خلفى و عمرها ما عملت معايا اللى عملته الالتيما ,,, ان بمشى بيها على سرعة 200 و اكتر و زى الفل(طبعا مش زى المرسيدس يعنى) و فى اللفات و الدورانات والله لو ايه حتى ,,, راسية و ثابتة ,, إلا لو انا موقف التراكشن و مشغل السبور علشان العب بيها... طبعا بتزحف للصبح ,,, بس انا اللى ببقى قاصد اعمل كدة مش هى اللى بتعمل فيا كدة غصب عنى زى الالتيما

بس يا باشا ..و فى النهاية دى وجهة نظرى الشخصية و اللى عمرها ما تقلل من نجاح العربية و انتشارها الواسع,,, بس انا عن نفسى ماعتقدش انى لو حبيت اغير عربيتى انها هتكون من ضمن اختياراتى