رد: عايز أشترى عربية دايهاتسو سيريون وان 1000 سى سى ايه رأيكم فيها؟
 

زى ما استاذ حازم قالك بالضبط,
ال3 سيلندر يعنى ال1000 سى سى هيتوزعوا على عدد اقل من السيلندرات,
و معنى كده انو :
- الباور ستروك هتكون على سيلندر أكبر حجما و بالطريقة دى يبقى الباور ستروك أقوى.
-و قت احتراق المخلوط هيبقى أكبر, و كل ما يزيد وقت الاحتراق تقل دقة عملية الحقن,و تصعب عملية ضبط المخلوط , و بالتالى يزيد استهلاك الوقود.

رد: عايز أشترى عربية دايهاتسو سيريون وان 1000 سى سى ايه رأيكم فيها؟
 

الف شكر على التوضيح

رد: عايز أشترى عربية دايهاتسو سيريون وان 1000 سى سى ايه رأيكم فيها؟
 

يا جماعة ...مع كامل الاحترام لكل الاراء اللى قولتوها... اللى انا عارفه انه سريون وان معدل استهلاك الوقود فيها 5 لتر لكل 100 كم و كمان هما قايلين 416 كم فى الصفيحة ...بس ده طبعا ببنزين 92 ... بس هيا كمان تاخد بنزين 90 برضه ....يعنى اعتقد انها اوفر عربية فى البنزين على الرغم من انها 3 سلندر بس... و برضه لو قارنت قدرة الموتور 69 حصان و فى البونتو كلاسيك 4 سلندر و 1300 سى سى و بتدى 62 حصان بس .....و لا ايه رايكم ؟
انا عن نفسى بفكر فيها جدا ...بس ان شاء الله على اخر السنة دى ....ptmnlo123per154

رد: عايز أشترى عربية دايهاتسو سيريون وان 1000 سى سى ايه رأيكم فيها؟
 

مع الاحترام لجميع الاراء بس انا مش عارف ازاى اشترى عربيه 3 سلندر ب 70000 بس هى اكيد اراء بس اللى انا متاكد منه ان مافيش وجه مقارنه بين السريون والجميله بونتو كلاسيك من حيث كل حاجه (الشكل الاداء الثبات) ومعروف ان البونتو ايطالى ptmnlo123per1116

رد: عايز أشترى عربية دايهاتسو سيريون وان 1000 سى سى ايه رأيكم فيها؟
 

انا ركبتها وعلى فكرة ثبات غير عادى واتساع من الداخل غير عادى ومريحة جدا فى السفر وموفرة جدا فى البنزين يعنى ممكن تروح من القاهرة للاسكندرية بخوالى10جنية وكفاية انها يا بانى وقطع غيرها متوفرة وسعرها معقول