رد: ممكن مساعدة لوسمحتم..بالنسبة لسيارة المعاقين ..
 

أسف على التأخير في الرد

اولا حضرتك بتعمل كشف طبي وقومسيون لجنة ثلاثية ( مش فاكر بتتعمل فين بالضبط بس اظن انه في وزارة الصحة )
بتاخد الجواب وتطلع على بورسعيد تجيبها من هناك وتعملها افراج جمركي
لو هتجيبها استيراد من الخارج باسمك معرفش هل ينفع والا لأ لو كده ممكن تكلف حد يسألك في المرور
أو تتصل باي مكتب من اللي بجيب سيارات وتسأله على التفاصيل هل ينفع واال مينفعش
هيقولك تعالى يا باشا وشرفني وانا تحت امرك قوله انا بسألك ينفع والا لأ لو ينفع اجيلك ونشوف المطلوب ايه
طبعا العربية هتيجي بأسمك انت ومحدش هيسوقها غيرك انت ( ولا بتوكيل ولا غيره ) الا لو في الضرورة يبقى لزم تكون موجود في العربية لو وقفت في اي لجنه اللي سايق هيقول بيريح او بيبدل معاك
والعربية محظور بيعها 5 سنين الا لو هيتفك الحظر عنها ويتدفع جماركها



العربية 405 عربية كويس جدا ومحترمه لكنها زي العربيات الاوربي كلها اسعار قطع الغيار بتكون غالية شويتين لكنها معمره يعني اللي هتعمله النهاردة هتنساة من حساباتك خالص

أرجو اكون افدتك

رد: ممكن مساعدة لوسمحتم..بالنسبة لسيارة المعاقين ..
 

حضرتك مش واخد بالك ان العربية 405 اصلا فرنساوي بس عمه هو اللي في ألمانيا هيجيبهاله من هناك

ثم ان حضرتك بتقارن بين الياباني والاوربي من حيث قطع الغيار
الاثنين سعرهم متقارب من بعضهم في الموديلات الحديثة
والاثنين بيعمروا اكتر من غيرهم

رد: ممكن مساعدة لوسمحتم..بالنسبة لسيارة المعاقين ..
 

طيب ممكن اعرف اسعار السيارات المعاقين اللي في حدود 20 الف الي 40 الف ويفضل الاسعار اللي في بورسعيد