مصر موتورز مجتمع السيارات - لو سمحت محتاج مساعدة في موضوع طقم الشنبر ده

مصر موتورز مجتمع السيارات (https://www.masrmotors.com/vb/index.php)

- سيات SEAT (https://www.masrmotors.com/vb/forumdisplay.php?f=20)

- - لو سمحت محتاج مساعدة في موضوع طقم الشنبر ده (https://www.masrmotors.com/vb/showthread.php?t=42158)

رد: لو سمحت محتاج مساعدة في موضوع طقم الشنبر ده

اقتباس:

طيب ولو منه اية التكاليف وشكرا

نحسبها كا لآتى بصوره تقريبيه

1- طقم كاوتش صباب بحوالى 20 ج ويمكن أقل

2- جوان وش سلندر بحوالى 80 ج بكتيره

3- مصنعيه تشمل حل الوش وتنظيفه وتغيير الكاوتش وجوان الوش ونظافة مجارى التبريد

بالبلوك وعمل روديه للوش بالمره ( طالما حتغير كاوتش صباب )

المصنعيه .........طبقا لزيادة الأسعار اليومين دول ممكن يطلب منك 150 أو 200 ج

يبقى على أقصى تقدير

300 ج يظبطوا الأمور تمام

بشرط عدم تواجد متطلبات أخرى

رد: لو سمحت محتاج مساعدة في موضوع طقم الشنبر ده

اقتباس:

المشاركة الأصلية كتبت بواسطة a.abdelfatah (المشاركة 308316)

طب يا جماعة انا عندى سؤال بعد اذنكو

انا معايا ايبيزا 94 وعليها مكنة 2e 2000 cc

والمكنة بتاكل زيت وفى دخنة بيضاء فى اول الدوارة فقط

فكده انا شكلى داخل على طقم شنبر وصبابات

السؤال هنا : اعمل طقم شنبر ؟

وفى واحد فى الحرفيين قاللى هات بلوك بالوش وده معناه انى لازم اغير رقم الموتور

فى الرخصة واذا كان كده ايه المطلوب للمرور علشان اغير رقم الموتور

وايه رأيكو اعمل طقم شنبر ولا بلوك بالوش !!!!!
واسف للاطالة . بس الموضوع مهم جدا يا جماعة ومش عارف اخد قرار

والبركة فى رأى الخبراء برده .. وشكرا

أكشف على غرف الحريق من الداخل بعد أخراج مجموعة البساتم بالبيلات

لقيت الغرف نظيفه والبساتم نظيفه وسبايك الكرنك تمام والكرنك تمام

يبقى عمر مكنتك أفضل من شراء ماكينه أستيراد

___________________

العمره ستشمل فقط

تغيير طقم شنبر

وعمل روديه لوش السلندر مع تغيير كاوتش الصباب

القصه دى بكتيره

حتعملها حوالى من (800 ج إلى 1000 ج )

لو حطينا بقشيش بليه كمان فى الأعتبار

رد: لو سمحت محتاج مساعدة في موضوع طقم الشنبر ده

أولا: شكرا م/ سمير على رد واهتمام حضرتك

ثانيا : للأمانة فكرة البلوك بالوش دى كانت فكرة العضو رياح التغير

فى مشاركة قبل كده بس اللى اكدلى انها الأفضل الراجل بتاع الحرفيين لأن مصاريف

العمرة هتبقى قريبة من شراء البلوك .

أرجع لحضرتك تانى م/ سمير : ده معناه انى احل الموتور الأول وابتدى اشوف الدنيا فيها ايه . ومعنى كده اننى انا لو لقيت العملية محتاجة طقم شنبر والباقى تمام
أعمله على كده والمكنة هترجع كويسة ولا ايه .. وشكرا

رد: لو سمحت محتاج مساعدة في موضوع طقم الشنبر ده

اقتباس:

أرجع لحضرتك تانى م/ سمير : ده معناه انى احل الموتور الأول وابتدى اشوف الدنيا فيها ايه . ومعنى كده اننى انا لو لقيت العملية محتاجة طقم شنبر والباقى تمام
أعمله على كده والمكنة هترجع كويسة ولا ايه .. وشكرا

بالضبط هذا ما أعنيه

فبعد تفوير المكنه والكشف عليها من الداخل

تقدر تاخد القرار

الحاله تمام ومفيش تلف فى الكرنك أو البلوك

يبقى العمره أفضل وأرخص لك

رد: لو سمحت محتاج مساعدة في موضوع طقم الشنبر ده

شكرا يا م/ سمير جدااااااااااااااااااا

وانا شايف برده ان ده افضل قرار ROSE4U