رد: ساعدوني انا محتار اشتري عربية ايه
 

انا بافضل نيسان صني، يمكن عشان انتشارها اكتر وقطع غيارها افتكر ارخص من الرينو ومريحة من الداخل اكثر واوسع في حجمها وبالتوفيق

رد: ساعدوني انا محتار اشتري عربية ايه
 

ازيك يا بشمهندس محمد ... كل سنه و انت طيب ...
حضرتك عارف طبعا ان في تحالف بين رينو و نيسان
وبالتالي السكالا والصني يعتبروا نفس العربيه من حيث الابعاد والمواصفات العامه
لكن الصني موتور نيسان و السكالا موتور رينو
والصني تجميع محلي و فيه نسب مكونات محليه و السكالا كوري
للاسف التجميع المحلي مش اد كده .. هو في الصني اول ما ابتدت كان احسن والواحد استبشر خير ... عن تجربه بعربيه زميلي في الشغل سوقتها و وركبتها معاه كتير .. بس عيوب تقفيل بسيطه ممكن تتغاضى عنها ... لكن اساسيات العربيه كموتور و عفشه و فرامل و فتيس ممتازه ...
عيب الصني الاكبر انها ضيقه شويه من ورا مقابل شنطه كبيره وواسعه و غالبا حيكون ده نفس الوضع في السكالا بس للامانه انا مركبتهاش و انصحك تبص عليهم بنفسك في نفس اليوم علشان تقدر تقارن صح ... خصوصا في جزئيه التقفيل و الخامات ووسع الصالون ...

الغريب بقى ان اللوجان رغم انها فئه اقل منهم الا انها واسعه جدا من جوه و شنطتها كبيره
وتقفيلها مقبول جدا

فلو حيفرق الموضوع ده معاك وتقدر تدفعها كاش .. يبقى توكل على الله بدل ما تزنق نفسك في اقساط وفوايد ونظام مرابحه في ظاهره ربا رسمي في باطنه

وان شاء الله ربنا يوفقك لاحسن حاجه ... وابقى طمنا عملت ايه

رد: ساعدوني انا محتار اشتري عربية ايه
 

ازيك يا باشا كل سنة و انت طيب :) عامل ايه؟
عاوزين نتقابل قريب ان شاء الله
الف شكر علي الرد و النصيحة الجميلة

رد: ساعدوني انا محتار اشتري عربية ايه
 

انا الي بفكر فيه دلوئتي اني اجي علي نفسي شوية و ازود المقدم شويتين
و بدل ما اقسط علي 5 سنين هقسط ان شاء الله علي 24 شهر او 30 شهر بالكتير و بالتالي المبلغ الي هيزيد علي تمن العربية هيبقي اقل بس في الحالة دي مش هيبقي ادامي غير اللوجان او اي عربية في نفس الفئة السعرية

و بصراحة انا كدة كدة بزهق بسرعة رهيبة من العربيات فمش ناوي تقعد معايا اكتر من سنتين و اغير

و الحسابات بتاعتي كالتالي:
مرابحة كونتاكت كارز حوالي 10.78% كل سنة
انا عارف ان في بنوك بتدي بمرابحة 6 او 7 % بس بعد مداولات و مشاورات استقر الرأي علي ان كونتاكت هم الاقرب و الاكثر تطبيقا للنظام الاسلامي

اللوجان تمنها 68500 علي 5 سنين هتقف عليا ب 98000
اللوجان تمنها 68500 علي سنتين اتنين بس هتقف عليا ب 77000

طبعا الفرق رهيب عشان كدة هتوكل علي الله في قسط السنتين

السؤال المهم هنا طالما انا ناوي اغيرها بعد سنتين فهل اللوجان اختيار جيد؟ يعني هل هتتباع بسهولة؟ و المتوقع ان تمنها بعد سنتين يكون كام؟
انا عارف السؤال صعب لان متغيرات السوق كتير جدا

رد: ساعدوني انا محتار اشتري عربية ايه
 

السلام عليكم ورحمة الله وبركاتة
عايز اشترى عربية فى حدود 17000 او18000 ومحتار بين 128 - 131 - رجاتا
ممكن حد من الاخوة ينصحنى
ولكم جزيل الشكر