مصر موتورز مجتمع السيارات - هل فعلا النيسان صنى حوت بنزين

مصر موتورز مجتمع السيارات (https://www.masrmotors.com/vb/index.php)

- صنى SUNNY (https://www.masrmotors.com/vb/forumdisplay.php?f=205)

- - هل فعلا النيسان صنى حوت بنزين (https://www.masrmotors.com/vb/showthread.php?t=39241)

رد: هل فعلا النيسان صنى حوت بنزين

اقتباس:

المشاركة الأصلية كتبت بواسطة moatazrhm (المشاركة 284543)

شاكر جدا يا استاذ خالد على ردك ونصائحك القيمة .
واتمنى لك دوام العافية

ربنا يكرمك ياحبيبى ويخليك وتحت أمرك فى اى وقت

اقتباس:

المشاركة الأصلية كتبت بواسطة AboNoRa (المشاركة 284556)

استاااااااااااااااااذ يا عم خالد والله

ربنا يخليك ياعم وائل
م انت فاهم بقى انا تقريبا شبه عايش جوه النيسان الصنى بتاعتى ههههههههههه

رد: هل فعلا النيسان صنى حوت بنزين

أنا عندى نيسان صنى EX 2009 نبيتى أتوماتيك عامله 10000 كيلو لأنى معايا عربية تانية وأسمع منى هذه النصيحة ، أى سيارة جديدة سواء نيسان أو لانسر أو لانوس ( لخبرتى فى هذه السيارات ) لا تدع مؤشر البنزين يهبط إلى النصف لآنه إذا تركته البنزين حتى أخر التانك فإن البنزين فى هذه الحالة لا يكون نظيف حتى لو بتحط بنزين 95 لآن هذا يؤثر على رشاشات السيارة ويجعلها تأكل بنزين وتؤثر على السيارة ككل وعلى فكرة أنا بحط بنزين 90 من ساعة ما أستلمت السيارة وتقريبا أستهلاك سيارة 1500 cc

رد: هل فعلا النيسان صنى حوت بنزين

حكاية نص التانك دى غلط طبعا لان فى علامة فى التابلوه بتنور لما البنزين يخلص وتحتاج العربية بنزين
ساعة العلامة دى م تنور يبقى التانك فيه 15 لتر يمشوك 175 كيلو تقريبا دول بقى اللى فيهم الكلام يعنى متمشيش زيادة عن 50 كيلو بعد العلامة م تنور
لكن حكاية نص التانك دى فيها اهدار لحوالى 20 لتر بنزين
ونصيحة
النيسان بالذات متحطش فيها بنزين 90 لانك كده بتأثر على قدرة موتور قوى جدا وواضح ان فى حد لعب فى العربية وفاكر نفسه بيخدمك ولو قريت كتالوج العربية هتعرف انك متحطش اقل من 92
موتور النيسان ب27000 جنيه الاصلى
المواتير الاستعمال ام 5000 جنيه دى مواتير تمشى العربيات لكنها ليست لها قدرة ولاقوة ولاعزم موتور النيسان الاصلى

رد: هل فعلا النيسان صنى حوت بنزين

اقتباس:

المشاركة الأصلية كتبت بواسطة خالدخليفة (المشاركة 283563)

شوف ياعم معتز
واضح ان اللى قرو الموضوع كتير ومحدش عنده فكرة
ومعذرة انا اكتشفته متأخر
ونرد ونقول
انا عندى صنى 2008 وعاملة 79 الف كيلو لحد دلوقت ولاحوت بنزين ولاغيره
استهلاكها فى البنزين ممتاز رغم ان موتورها اقوى موتور 1600 فى السوق (118 حصان )
الـ 10 لتر بيمشوها 125 كيلو على الطرق السريعة
يعنى بأسلوب بعض اخواننا 250 كيلو فى الصفيحة
وداخل المدينة بتعمل حوالى 100 كيلو لكل 10 لتر
ولو فلتر البنزين تعبان شوية هتعمل 80 كيلو لكل 10 لتر
عيب العربية ان زيها زى معظم السيارات الحديثة لاتقبل الا بنزين 92 واذكر مرة انى حبيت اوفر وحطيت بنزين 90 كركرت وطلعت صوت وروحت للتوكيل وحذرونى من استعمال بنزين اقل من 92 وفرغو ال 90 كله
طبعا ممكن تسمع بعض الفلاسفة هيقول لك نعمل كذا ونسوى كذا علشان نحط لك فيها بنزين 80 متسمعش كلام حد لانك هتبوظ موتور قوى جدا
ويكفى انك تعرف ان موتور النيسان الأصلى تمنه 27000 جنيه
ولو عايز توفر بعد م تمشى بيها10000 ركب غاز وهو ممتااااااااااااااز
وانا مشيت بالغاز اكتر من 45 الف كيلو وماشاء الله ممتااااااااااز
لكن طبعا مفروض كل 10000 كيلو تمشى مشوار حوالى 500 كيلو بنزين علشان تعمل نوع من تكسير الفحم ( الكربون ) اللى بيتراكم على الشربون

ياريت يااستاذ خليفة تشرحلنا موضوع الغاز فى الصنى وانطباعاتك عنه بعد تجربته وما هى الشروط او الاحتياطات اللى يجب مراعاتها عند التحويل للغاز واثناء استخدامه وشكرا

رد: هل فعلا النيسان صنى حوت بنزين

مشكوررررررررررررر يا ا/ خالد