مصر موتورز مجتمع السيارات - نتيجة الكشف على ساجا ماشية 21000 كيلو فقط: مصيبة.

مصر موتورز مجتمع السيارات (https://www.masrmotors.com/vb/index.php)

- بروتون PROTON (https://www.masrmotors.com/vb/forumdisplay.php?f=40)

- - نتيجة الكشف على ساجا ماشية 21000 كيلو فقط: مصيبة. (https://www.masrmotors.com/vb/showthread.php?t=38550)

رد: نتيجة الكشف على ساجا ماشية 21000 كيلو فقط: مصيبة.

ايه ياترىايه ياترىايه ياترى

رد: نتيجة الكشف على ساجا ماشية 21000 كيلو فقط: مصيبة.

اقتباس:

المشاركة الأصلية كتبت بواسطة khatypically (المشاركة 275523)

سلام يا شباب

أحب بس أعرفكم الأول إني أنا طبيعتي ماشتريش إلا كسر زيرو عشان تكون قيمتها قلت، وعشان أتفادى إنها تكون فيها مشاكل مستخبية لازم أكشف عليها في التوكيل.
المهم كان في إعلان عن ساجا 2010 من حوالي إسبوعين في أحد مواقع السيارات على النت.
أنا شفت العربية، وكانت ترخيص يناير 2010. والعربية دي بالذات أنا كشفت عليه في التوكيل عشان صاحبها كان قايللي إنه مغير باب في التأمين، وكان في خبطة صغيرة في الرفرف الخلفي.
لما كشفت عليها في التوكيل في طريق مصر اسكندرية (ودفعت خمسمائة جنيه ربنا يعوض علينا) فوجئت بإن مهندس الخدمة بيقول لي "العربية دي محتاجة جوان وش السلندر لأن الجوان ضارب". بس قال لي لا تقلق، السيارة مازالت في الضمان وهو بيتغير في الضمان. فسألته عن السبب فقال لي إن ده "عيب صناعة" معروف وإن ممكن حتى السيارة تكون ماشية أسبوع واحد فقط وتيجي تغير جوان وش السلندر.

الحقيقة أنا لم أقتنع تماما بما يقوله المهندس، وتشككت في إمكانية إن التوكيل يستطيع إصلاح عيب ينتجه مصنع السيارة بهذا الشكل أصلا. فكيف للتوكيل أن يكون عنده الإمكانيات وقطع الغيار التي هي أفضل من المصنع؟ فقال لي مهندس الخدمة إن إحنا التوكيل ولا تقلق وهانصلحهالك وده عيب طبيعي جدا.

معلوماتي المتواضعة بتقول إن جوان وش السلندر غالبا بيضرب لسببين: الحرارة العالية إن العربية تكون سخنت جامد مثلا أو السائل المبرد نقص نتيجة تسريب أو غيره، والسبب الثاني إن يكون صاحبها بيشد جامد وبيعلي الآر بي إم فوق الأحمر بس يكون ده أسلوب سواقة عموما مش مرة ولا مرتين.

أفيدوني أفادكم الله. أنا طبعا صرفت نظر عن المستعملة، ولكن هل أصدقائنا المشتركين في هذا الموقع صاحبي الساجا واجهوا نفس المشكلة فعلا أم إن المهندس بيقول أي كلام وخلاص؟ وهل فعلا الجديدة ممكن يكون فيها نفس العيب؟ طيب ليه المصنع ماعالجوش من البداية؟

ولكم خالص الشكر
الخطيب

ANAA7TG انا معيا العربيه 37 الف واخل فى 40 الف كم يعنى اكتر واحد ماشى بيها فى مصر الله اكبر ومشاء الله العربيه زى الفل وممتازة وسعرها زاد ومن باب العلم ان اى عربيه فى الدنيا ممكن تجيب وش سلندر لو مشيت ناقص مياة او دورة مياة بها هواء او رادياتير مخروم ودى الحالات الى يجى منها وش سلندر اما غير كده انا راضى الحمد لله عن العربيه وعاوز اجيب الاتوماتيك يعنى لو حد عاوز يبدل والسلام عليكم HUUM

رد: نتيجة الكشف على ساجا ماشية 21000 كيلو فقط: مصيبة.

اقتباس:

المشاركة الأصلية كتبت بواسطة SALAHHAKIM (المشاركة 275936)

شكرا أستاذ صلاح على شرح حالة سيارتك. المشكلة إن المهندس قال لي إنه عيب صناعة، يعني هو لو كان قال لي مثلا العربية المية نقصت، أو الدورة فيها حاجة، كان ممكن تبقى مبلوعة. ومش معقول مهندس في مركز خدمة يشوه شكل توكيلهم بالشكل ده (اللهم إلا إذا ماكنوش بيدوه مرتبه ANAA7TG) وبعدين إزاي المية تنقص من عربية جديدة بالشكل ده، غالبية العربيات الجديدة بيكشفوا على المية في التوكيل بس في صيانة كل خمسة أو عشرة (زي الأوكتافيا) أو خمستاشر (زي المرسيدس). وحتى لو افترضنا إن العربية دي بالذات المية نقصت فيها فأكيد صلحوا المشكلة وكان هايبان في تقرير السيارة وكشف الصيانة بتاعتها؟ ولا عملها في الحرفيين؟ تبقى مصيبة برضه

وبالنسبة لسؤال الأستاذ عيون فقط (eyesonly) نعم كان في أشياء أخرى في الكشف بس ليس لها علاقة بالموتور، مثال: قال 3 جنوط محتاجين يتغيرين عشان واخدين خبطات، بس قال لي أيضا إنه ممكن ممكن يعني مع الترصيص يبقوا كويسين. ولكن قال لي الخبطة اللي في الرفرف لم تؤثر على شيء، وإن الباب اللي اتغير تغير في التوكيل نزاهة بس لأنه كان في التأمين والتأمين اللي بيدفع.

رد: نتيجة الكشف على ساجا ماشية 21000 كيلو فقط: مصيبة.

لو حضرتك فتحت الباب اليمين ها تلاقي على العربية دي مكتوب انها مقبولة للمواصفات الخليجية الكاملة يعني العربية دي مصصممة انها تتحمل درجة حرارة اعلى من اللي عندنا في مصر والحمد لله انا من ساعة ما جبتها والعربية درجة الحرارة همة الـ 3 شرط بس مش بتزيد ولا بتقل معنى كده انه دروة التبريد الحمد لله زي الفل ولكن اعتقد اللي عند حضرتك ده جي من سوء استعمال 200% والحمد لله انه التوكيل ها يغيرها في الضمان خيرا والله ..

رد: نتيجة الكشف على ساجا ماشية 21000 كيلو فقط: مصيبة.

كلام الاستاذ صلاح و الاستاذ سيد صح
مش قادر اقتنع ان عربيه تنزل من المصنع فيها مشكله زي دي
العربيه ممكن تنزل فيها مشكله في طلمبه البنزين او مشكله في الزوايا او التقفيل
انما مشكله في جوان وش السلندر ؟؟!!!!!
طب ازاي؟؟؟؟
الجوان دا اساسا حاجه عبيطه كده بين البلوك و راس الموتور علشان يحدد اتجاه المياه و العادم و الزيت .
استحاله حاجه زي دي تحصل

و اتمني من الاستاذ سيد و الاستاذ صلاح كتابه تقرير شامل عن السياره خصوصا حول اشاعات استهلاكها العالي للوقود

اقتباس:

وبالنسبة لسؤال الأستاذ عيون فقط (eyesonly) نعم كان في أشياء أخرى في الكشف بس ليس لها علاقة بالموتور، مثال: قال 3 جنوط محتاجين يتغيرين عشان واخدين خبطات، بس قال لي أيضا إنه ممكن ممكن يعني مع الترصيص يبقوا كويسين. ولكن قال لي الخبطة اللي في الرفرف لم تؤثر على شيء، وإن الباب اللي اتغير تغير في التوكيل نزاهة بس لأنه كان في التأمين والتأمين اللي بيدفع.

عزيزي واضح من الكشف ان السياره غير آمنه بالمره
مافيش عربيه زيرو فيها كميه المشاكل دي ابدا