مصر موتورز مجتمع السيارات - حبايب قلبى الى بيجرو على الدائرى خدو بالكم

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

- - حبايب قلبى الى بيجرو على الدائرى خدو بالكم (https://www.masrmotors.com/vb/showthread.php?t=37618)

رد: حبايب قلبى الى بيجرو على الدائرى خدو بالكم

خليك انتا كدا عمال بتجبلنا اخبار المصايب وبس مفيش مره تجيبلنا خبر عدل وبعدين احنا مبيهمناش ردارات لمؤخذه

رد: حبايب قلبى الى بيجرو على الدائرى خدو بالكم

ROSE4Uالسلام عليكم و رحمة الله و بركاتهROSE4U

طاب بس هما يركبوا الرادارات بالفعل و مايكونش كلام فى الهوا و خلاص , بقى هى الحكومة المصرية , هيهون عليها تركب رادار كل 3 كم عشان سلامة المواطنين المصريين !!!!!!!!!!!! ؟؟؟

أشك بصراحة فى الموضوع ده .

و بعدين المشكلة عندنا , كانت دايما فى اللى مشغلين الرادار , مش فى الرادار نفسه, يعنى أنا لو واصل و لى ضهر , ممكن أمشى عالدائرى على 180كم/س و ماحدش يقوللى حاجة , لكن لو ماليش ضهر , لو مشيت على 86كم/س , هبقى مخالف جدا , ده غير أنى هنضرب على بطنى .

على رأى المثل:

( الرادار اللى النهاردة بفلوس , بكره يبقى ببلاش )

MERCEDES S320

رد: حبايب قلبى الى بيجرو على الدائرى خدو بالكم

اقتباس:

المشاركة الأصلية كتبت بواسطة luckyman (المشاركة 267246)

بصراحة انا شفت حوادث مميتة على الدائرى ربنا يستر علينا وتقريبا مفيش يوم الا لما يكون فية حادث مروع خصوصا من مطلع المهندسين المحور لغاية منزل الرماية وحش جدا الدائراى والسبب هو سلوك الناس وطريقتهم وكمان المشاه اللى بتعدى الطريق العريض فى اماكن مش متوقعة فعلا التشديد مطلوب لحد الصرامة حتى لو كان الهدف هو المال لان يا جماعة الانسان هو اغلى استثمار وياريت نفس اللى اطبق على المحور يكون مثله تماما على الدائراى خاصة سيارات النقل الثقيل يكون القانون زى السيف على رقاب هولاء سائقين التريلات وشكرا

كلامك مظبوط بس كمان لازم نراعى ان ممكن يكون تصميم الطريق اللى غلط بمعنى ان السرعة المقررة على الطريق لا تناسب الملفات و كمان زاوية ميل الطريق و دى بالذات هتفرق فى الشتاء كتير اوى و كمان نوعية الاسفلت .. لان الحكومة عاوزة ترمى اللوم كلة على السائق لكن هيا مبتغلطش ابدا

رد: حبايب قلبى الى بيجرو على الدائرى خدو بالكم

ياريت يخصصوا حارة لسيارات النقل ويشوفوا لهم صرفة في الميكروباصات اللي عاملة الطريق محطات ركاب .. انا مسمي الطريق الدائري طريق الرعب .. ولا أستعمله بسبب جبروت النقل والمقطورات وسباقاتها المرعبة مع الميكروباصات .. واستعمل طرق وسط المدينة برغم طولها وازدحامها رافعا شعار " أمشي بطئ توصل أسرع " لآن السير علي الدائري أصبح غير مأمون بكل المقاييس .. وكأن سائقي النقل والميكروباصات يتآمرون لإخلاءه من الملاكي ليمرحوا بحريتهم .. منهم لله هم والحكومة العاجزة عن التصدي لهم !!

رد: حبايب قلبى الى بيجرو على الدائرى خدو بالكم

هى دى مصر يا عبلة