رد: سيات ابيزا 94 ولا 99 ولا 2000-2002
 

أنا هرد يا جماعة بخصوص ال 2002 اللى هى هى ال2000 و 2001 العربية ممتازة ثبات ملوش حل وقوة تخليك متصدقش أن العربية 1000 سى سى التكييف بيخنق العربية على خفيف لحد الثانى بعد كدة أنسى ولا كأنة شغال وتمشى وهو شغال 140 و150 كمان المطلوب شوية أهتمام بنظافة فلاتر الهواء العربية فيها فلترين هواء الاهتمام أيضا بالبوجيهات وسلوك البوجيهات ويسلام بقى لو بنزيين 95 لو أمكن انا عن نفسى بستعملة من أول ما شتريت العربية النتيجة بتبقى أكثر من رائعة سحب العربية بيبقى جامد أوى وصوت المكنة هادى وجميل

رد: سيات ابيزا 94 ولا 99 ولا 2000-2002
 

الله يخليك يا باشا بس لو ممكن سؤال تاني بعد اذنك انا كنت سمعت ان الي بعد ال2000 صيانة معقدة و في شوية مشاكل مع الكمبيوتر يعني كل شهر لازم تدفعك شوية كدة يعني 300 400 جنية سنسور او اي حاجة كدة انا سمعت دة من واحد اعرفة كان معاة واحدة 2001 بس انا بقول ان ده مش مقياس ممكن تكون عربيتو هو الي فيها حاجة

رد: سيات ابيزا 94 ولا 99 ولا 2000-2002
 

طبعا الكلام دة مش صحيح أنا معاك أن العربية صيانتها مش سهلة بتبقى عايزة ميكانيكى شاطر بس مش كيمياء أما موضوع مشاكل الكمبيوتر دة كلام مش مظبوط خالص العربية ممتازة وكل شىء فيها مصنع بأحترافية ممكن تكون المشكلة فى عربيتة هو متنساش أن الابيزا عربية شبابية جدا ومغرية جدا فى موضوع الجرى والشد والبهدلة فلو كان هو بيعمل الكلام دة مع شويت أهمال فى صيانة العربية يبقى الحكاية باينة عربية متهانة لازم تهين صحابها . والله يا أخى العربية معايا من حوالى 7 شهور بفضل الله ونعمتة بحط بنزيين وبس وبنظف فلاتر الهواء بنفسى وبوابة الأنجكشن وكذلك البوجيهات وبس . عربية ولا كلمة يبقى السر فى الأهتمام بالعربية وعدم أهانتها .

رد: سيات ابيزا 94 ولا 99 ولا 2000-2002
 

السلام عليكم الاستاذ محمد ابيزا
انا عاوز من حضرتك تفيدنى ضرورى فى اسئلتى لانى قدامى عربية ورايح اشتريها وخايف يتضحك عليا الموضوع باختصار هو انى قدامى عربية ابيزا موديل 94 فابريكة من جوه مرشوشة من بره تكييف وزجاج كهربا وسنتر وجنوط سبور والعربية متسقطلها موتور جولف 98 2000 سى سى وحالتها العامة 70 % والسؤال هو تستاهل كام وهل سهلة البيع والا لا وهل تغيير الموتور يعيبها وياريت اعرف ضريبتها كام ومعلش لو طولت عليك بس معلش قولى الرد بالتفصيل

رد: سيات ابيزا 94 ولا 99 ولا 2000-2002
 

الف شكر يا باشا علي المعلومات القيمو دي وريحت قلبي بجد الف شكر