مصر موتورز مجتمع السيارات - ممكن تقولولي اذا كانت البيكانتو تنفع للسفر مسافات طويلة؟؟

مصر موتورز مجتمع السيارات (https://www.masrmotors.com/vb/index.php)

- بيكانتو Picanto (https://www.masrmotors.com/vb/forumdisplay.php?f=138)

رد: ممكن تقولولي اذا كانت البيكانتو تنفع للسفر مسافات طويلة؟؟

زى ما قال باقى الاعضاء مفيش مشكلة خالص طالما محافظة على الصيانة الدورية
ومهم كمان الطريقة اللى هتسوقى بيها وانتى مسافرة
يعنى لازم تمشى على سرعة معقولة بداية من 80 - 100 على الغيار الخامس ولو هتمشى اقل تنزلى للغيار الرابع بس الانسب دائما السرعة مابين 80 - 100 على الغيار الخامس ده اريح غيار للموتور واكتر سرعة مريحة وموفرة فى الاستخدام وثبات العربيه هيبقى كويس حتى بالكاوتش الستوك وممكن تغيرى الكاوتش لو عايزة ثبات اكتر

بالنسبة للشنطة هى صغيره فعلاً بس ممكن تفتح على الكنبه وتبقى واسعة جداً

رد: ممكن تقولولي اذا كانت البيكانتو تنفع للسفر مسافات طويلة؟؟

شكرا يا جماعة ليكوا مرة تانية،، وكويس اوي امكانية اني اركب شبكة وانا مسافرة بس وبعدين اشيلها بدل مش هيبقى ليه تأثير على صاج العربية؟؟ وبالنسبة للكنبة هيه فيها امكانية اني افتح الكنبة بسهولة اثناء السفر وارجعها تاني دي هتبقى حاجة كويسة اوي ولا الموضوع كبير؟؟ معلش اعذروني على سذاجة اسالتي بس انا فعلا معنديش اي خبرة عن العربيات!!
وبالنسبة لسعرها ومقدمها بالتقسيط ممكن حد يفيدني فيه؟؟ يعني المانيوال والاتوماتيك وكماليات العربية؟؟ فيها كاسيت او سي دي ولو مش فيه ممكن اركب انا؟؟

رد: ممكن تقولولي اذا كانت البيكانتو تنفع للسفر مسافات طويلة؟؟

اقتباس:

المشاركة الأصلية كتبت بواسطة roty (المشاركة 227312)

ميرسيي اوي يا جماعة على رايكم بجد طمني كتيير
ومش تخاف انا عندي 23 سنة وعمري ما سقت عربية قبل كده ومعتقدش اني يوم ما اجيبها هعدي ال60 :-) بس انا كان عندي سؤال بالنسبة لشنطة العربية هيه صغيرة جدا زي ما بيقولو؟؟ يعني مش تشيل حتى شنطة سفر كبيرة واحدة؟؟ ولا ممكن اركبلها شبكة مثلا؟؟ بس اعتقد ان شكلها مش هيبقى ظريف خاالص :-( وبالنسبة لسعرها ومقدمها يعني هيه تعمل حاليا حوالي 53 الف جنيه ومقدمها ممكن 10000 فعلا؟؟ ودي الاتوماتيك ولا والفرق بين سعر المانيوا والاتوماتيك كبير؟؟؟

الشنطة فعلا صغيرة مش هتشيل كتير ممكن شنطة سفر متوسطة شوية. بالنسبة للسعر ال 53 الف دي مانيوال و هاف اوبشن انما الاوتوماتيك فول اوبشن ب 71 الف موديل 2011.

رد: ممكن تقولولي اذا كانت البيكانتو تنفع للسفر مسافات طويلة؟؟

الفاضيه ب 61 الف جنيه و الفول اوبشن ب 64 الف

رد: ممكن تقولولي اذا كانت البيكانتو تنفع للسفر مسافات طويلة؟؟

موضمع الكنبه وفتحها سهل خالص
من الافضل مع التقسيط شراء سيارة كاملة
انا من الاسكندرية -اى سؤال - ت:0107662415