رد: من هو فرعون موسى (بحث قيم )
 

ايه المانع ان يكون فرعون هو فرعون؟؟
بمعنى انه يكون شخص اسمه فرعون مش مسألة ان الحاكم بيكون اسمه فرعون ولا انها لقب وظيفي
لان الاسماء المذكورة في القرآن كلها اسماء حقيقية .. فرعون . . هامان .. موسى ..
وخصوصا ان لغتهم لم تكن العربية.. اي انها لو كانت كلمة فرعونية معناها الحاكم .. اكيد كانت هاتختلف في العربية وعند ذكرها في القرآن..
وطبعا هي كلمة غير عربية لأن ليس لها معنى في العربية..
ومعروف ان الاسم يظل بنفس الصيغة ونفس النطق من لغة لأخرى ..

رد: من هو فرعون موسى (بحث قيم )
 

معرفش

عمري في حياتي ما اقتنعت لحظه انه رمسيس الثاني

انا قرأت اصل نفرتاري كله الذي يرجع الى انها من نسل ملكي مصري خالص

اما عن كلام ابونورا انه ممكن يكون تغير اسمها فهو غير وارد اصلا

فيه كتاب كامل عن اصول نفرتاري

الافتراضيه التانيه انها زوجه ثانيه

فبرضك ديه مش قابلها لسببين

كل ازواج رمسيس بما فيهم بناته اللاتي تزوجهن لم يذكروا و ضلت نفرتاري هي الاولى

على الرغم من انه يقال انه بعد وفاتها اصبح كالمجنون

و لكن فرعون موسى كانت زوجته ايا كان اسمها التي ذكرت به كانت هي المفضله و الادله من الكتب السماويه الثلاث و الاحاديث كثيره على ان الشعب كان يعرفها و كانت هي ملكه و اهم زوجه للفرعون

لذا بتفكيري اعتقد و الله اعلم ان هذا كله حدث في فتره الهكسوس و ليس المصرين

او تحديدا فالفتره الانتقاليه الثانيه*

رد: من هو فرعون موسى (بحث قيم )
 

شكرا على هذا الموضوع الشيق يا بو نورة، موضوع زي ده دايما يثير في المسلمين شجونا ويعيدهم للتفكير في آيات الله عز وجل ومعجزاته. أنا أيضا أميل للرأي القائل أنه رمسيس الثاني لإن ربنا عز وجل في القرآن الكريم بيقول لفرعون ساعة غرقه لما كان بيموت وهو برضة لسة متكبر على الله وبيقول: بسم الله الرحمن الرحيم "آمنت بالذي آمنت به بنو إسرائيل" صدق الله العظيم، وكإنه بيقول آمنت باللي بيقولوا عليه ومش مهم بأه يطلع إيه، قمة التكبر حتى في سكرات الموت مش عاوز برضة يقول آمنت "بالله"، ربنا قال له: بسم الله الرحمن الرحيم "فاليوم ننجيك ببدنك لتكون لمن خلفك آية، وإن كثيرا من الناس عن آياتنا لغافلون" صدق الله العظيم. من الآية العظيمة دي باقول يمكن فعلا تكون مومياء رمسيس التاني الموجودة في متحف القاهرة هي جيفة فرعون عدو الله. وتحقيقا لقول الله عز وجل شوف اهو كل الناس دلوقتي بتبص عليه، تخيل بأة الجيفة دي كانت بتقول إنها ربنا؟!!! الجيفة دي كانت قالبة الدنيا في عهد سيدنا موسى، الجيفة دي جمعت السحرة من كل مكان وحاربت سيدنا موسى. سبحانك يارب، تخيلوا بأة إن الجيفة موجودة في متحف القاهرة وفي نفس الوقت مخلدة في نار جهنم. ربنا يجيرنا منها جميعا إن شاء الله.

أشجان ماقدرتش أكتمها يا بو نورة لما شفت الصورة.

صباح الفل..