رد: أشترى العربية دى ولا لأ؟
 

ياعم يغور القديم انا معايا 404 1963 علشان اخليها عروسه وامشي اشد مع اي حد صرفت جامد و في الاخر زهقت و عايز ابيعها

رد: أشترى العربية دى ولا لأ؟
 

رد: أشترى العربية دى ولا لأ؟
 

السلام عليكم
بص يا باشا انت عايز تركب عربيه عشان تجري ولا عايز عربيه اعتماديه
لو عايز تجري وتشد ممكن تجيب موتور 1900 او 2000 وده عن تجربه
لو عايز تركب عربيه موفره في البنزين يبقي موتور 1400 ( انا مركبه في عربيتي )
لو عايز تركب عربيه بالتكييف والباور يبقي ال1600 وده بيحتاج تعديل
حدد بس واحنا معاك
وربنا بيوفقك

رد: أشترى العربية دى ولا لأ؟
 

ألف شكر ليك على المساعدة ... وانا كنت افضل انها تبقى تكيف وباور وخصوصا التكييف لان الجو فى مصر دلوقتى مبقاش يستحمل الواحد يمشى كده من غير تكييف فكده هندخل ان شاء الله فى موتور 1600 بس هو بتاعها أصلا ولا بتاع 405 وبيتسقط فيها وعلشان كده محتاج تعديل انا اعرف ان ال205 بينزل ليها مواتير 1600 بس انا بسأل عن اللى بيبقى موجود هنا ده بيبقى 1600 بتاعها أصلا ولا مش بيبقى موجود ال 1600 وده موتور 405؟

ويا ترى اداء التكييف بتاعها بيبقى مرضى ولا لأ؟

ومعلش بقى سؤال اخير بس علشان الواحد لسه جديد فى الموضوع ده ومشكلة الموضوع ده بالذات الواحد صعب يعرفه لوحده فمعلش بدشكو :)

هو فرق التكلفة بين الموتور ال 1400 وال 1600 تقريبا كام وهو فى كاربيراتير وانجكشن ولا كاربيراتير بس؟

رد: أشترى العربية دى ولا لأ؟
 

بس يا باشا
الموتور ال1600 هو هو بتاع ال405
وعشان تركبه لازم تجيبه بالعفشه الاماميه عشان تريح دماغك
ولو العربيه موديل فوق 88 يبقي مش محتاجه تعديل قواعد ودي احسن
لو قبل 88 يبقي محتاج تركب قاعده موتور علويه في الشاسيه و نصيحه بلاش تجيبها موديل قديم عشان تركيبها صعب شويه
بالنسبه للموتور خليك في الكربراتير احسن لان الانشجكشن محتاج موال كبير ومش اي حد بيشتغل فيه