رد: العربية الالتيا يا شباب
 

حضرتك قصدك علي سعرها زيرو ولا مستعمله ؟!

حضرتك مش قايل سعرها مستعمله كام اللي معروضه عليك

اما سعرها جديدة انا شايف انه كويس لعدة اسباب

1-عائلية الصالون و الشنطه واسعين جدا و اعدتها مريحه جدا و تقفيلها ممتاز
2-موتور 1600 مع الفتيس المانوال بييدك اداء مرضي جدا سواء في البلد لانه مش بيستهلك بنزين كتير او علي الطرق السريعة لانها بتجيب سرعات عالية كويسه جدا
3-كماليات ملهاش حصر من فتحة سقف لانظمة الفرامل للجنوط ال 16 و ايرباجز و سي دي و المساعد الالكتروني و هكذا فيها حاجات كتير اوي يعني و لما تجربها بنفسك و تجرب الحاجات اللي فيها هتعرف ان كمالياتها حلوه جدا و سعرها مش كتير عليها

رد: العربية الالتيا يا شباب
 

يا استاذ محمد متشكر لحضرتك
انا قدامي التيا 2008 بحوالي 90000 ومش عارف دا سعر كويس واللا لا انا مش بسال عن حالتها والكلام ده لانها كويسة وحلوة جدا انا بسال علي اعادة البيع بقي موديل من سنتين بس ينزل تمنها 50000 مرة واحدة؟
طيب ومش منتشرة ليه وهل ليها مشاكل؟ انا سامع انها واطية وبتحك من تحت ؟ده صحيح

رد: العربية الالتيا يا شباب
 

العربية جميله وكويسة وبديل لفولكس فاجن الشهيرة بسعر اقل لكن لو كان هذا الا انه توجد عدة علامات استفهام
السيارة لا تمتلك وكيل قوى بمصر
متداوله او انتشارها شبة معدوم ان لم تكن عدة سيارات معدودة على اليد الواحدة
سعر اعادة البيع مخيف وفية خسارة فادحة
يا ترى قطع الغيار منتشرة وممكن تعمل تجربة تنزل وتسال عن حاجتها وتعمل نفسك جدى فى الشراء وتطلب اكصطدام وفوانيس وشوية قطع هامة وضرورية وشوف التوكيل حيرد ويقول اية لان الطبيعى التوكيل لو مش عارف يبيع عمرة ما يخزن قطع غيار بشكل وافر للسيارة مهما اقنعتنى انة محترم مش ممكن يصرف على مركز خدمة وقطع غيار وناس مؤهلين وهما قاعدين بينشوا ومش بيبعوا سيارات الا محدودة
هناك بدائل كثيرة بالمبلغ اللى فى امكانياتك وتحافظ على استثمارك بشكل افضل
اذا السيارة السيات ليست سيئة لكن ظروف سوقها فى مصر غير جيد مطلقا وشبة معدوم وبالتالى انصحك بالعدول عنها حفاظا على استثمارك الخ ودمت بود وتقبل تحياتى

رد: العربية الالتيا يا شباب
 

90 الف سعر حلو اوي بس اتأكد من حالتها و السعر ده اقل من سعرها العادي في السوق هي بتعمل في حدود 110-120 الف معرفش هو منزل سعرها كده ليه يمكن عشان يبيع بسرعة

بس هي عموما تقيله في بيعها شوية لان مش اي حد بيشتريها لازم حد غاويها بس لو صبرت عليها شوية في البيع هتبيع بسعر كويس مش هتخسر جامد ولا حاجة

ملهاش مشاكل لان محركها و عفشتها موجودين في الليون و الجولف و دول منتشرين اكتر منها و مظهرلهمش مشاكل !

كل السيات و الفولكس واطي عشان الثبات انا عربيتي اساسا واطيه مش عاليه و لازم تاخد المطب براحه و كده والدي من مدة كده حطلها علايات ورا هي لسه ثابته و كل حاجة بس ثباتها اتأثر بالعلو ده يعني قل بنسبة 25-30% تقريبا فا هما عارفين بيعملوا ايه و وطو العربية ده مش عيب بالعكس بيديها ثبات رائع