مصر موتورز مجتمع السيارات - مقارنة شاملة بين الاسبيرانزا و اللوجان

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - مقارنة شاملة بين الاسبيرانزا و اللوجان (https://www.masrmotors.com/vb/showthread.php?t=26051)

رد: مقارنة شاملة بين الاسبيرانزا و اللوجان

السلام عليكم

انا يا أ/ رينجو لو تسمحلى أعبر عن سعادتى بأنى الحمد الله اننى حجزت اللوجان بعد فضل من ربنا طبعا هو حضرتك و خلتنى احب العربية قبل ما استلمها من ردود حضرتك المتمكنة و اخلاصك و حياديتك اتجاه اللوجان و حبك الشديد لها الظاهر فى كل ردودك.

بارك الله فيك عن مسعتدك لناس متعرفهمش.

يكفينى ان اركب عربية حضرتك راكبها و ياريت لما تغير متنساش تقولنا

رد: مقارنة شاملة بين الاسبيرانزا و اللوجان

اقتباس:

المشاركة الأصلية كتبت بواسطة Prince2003 (المشاركة 182814)

يا باشا الله يخليك ومتشكر على المجاملة الجميلة دى ... واللوجان يزيدها شرف انها تكون ملك لانسان محترم وشيك وذوق زى حضرتك كدة
......................... ........
وانا ان شاء الله قررت ان اللوجان حتفضل معاية كام سنة عقبال ما اغير لاسباب كتيرة منها ان العربية مريحة جدا
وكل اللى بيركب معايا بيكون قاعد مبسوط ورايق سواء العائلة او زمايلى فى الشغل او صحابى
سواقة العربية ممتعة جدا ... عربية من العربيات اللى بتركبها زى ما ركبت زى ما نزلت منها .. فى عربيات تركب .. تنزل منها ضهرك واجعك .. لا اللوجان ممكن تتمشى بيها اى فترات بدون تعب بالاضافة لدواسة الدبرياج (خليها مفاجئة ليك)
فى حاجة جميلة لازم اذكرها انا حتى مادفعتش مليم فى صيانة العربية وانا عامل 9000 كيلو حتى الان (بنزين وبس وصيانات مجانا من التوكيل) بالاضافة انها موفرة فى البنزين بشكل ملفت للنظر
......................... ......
عموما يا باشا ان شاء الله تستلم على خير وربنا يباركلك فيها ويعطيك خيرها ويحفظها ويحفظك من كل شر
ومستنى تقييمك عن الجميلة لوجان واى استفسار انا تحت امرك :waving:

رد: مقارنة شاملة بين الاسبيرانزا و اللوجان

انا بردو ناوى اشترى لوجان ان شاء الله بصراحة انا سمعت عنها كلام للصبح
ما شاء الله
افضل فى كل حاجة من وسع داخلى والشنطة والارتفاع عن الارض والسعر وكل حاجة

رد: مقارنة شاملة بين الاسبيرانزا و اللوجان

السلام عليكم ورحمة الله وبركاته
ربنا يبارك لكم فى عربياتكم ويرزقكم خيرها ويحفظكم من شرها
الحقيقة انا حاسس ان المقارنة فيها حاجة مش مظبوطة
انا ركبت العربيتين لمسافات مش كبيرة أوى
اللوجان بصراحة معجبتنيش وحسيت انها شاهين بس متطورة شوية خصوصا الكماليات اللى فيها
مثلا الكلاكس فى ذراع النور وكمان وضعية الأزرار بتاعة الزجاج الكهربائى
الكاسيت المستخدم خامته رديئة جدا فضلا عن نوعه اللى مش عارفه بس الصوت نقى بصراحة
كمان الاسبيرانزا تفرق حوالى 4000 إلى 5000 جنية أقل من اللوجان الفول أوبشن
أعتقد احنا عاوزين مقارنة تفصيلية حيادية دقيقة أكتر من كده
على فكرة انا كان معايا تويوتا كورولا 93 فو أوبشن مانيوال وبعتها ومش معايا حاجة دلوقتى
معايا الستر والحمد لله عشان محدش يقول أنا متحيز لحاجة أملكها.
وشكرا ليك على مجهودك واهتمامك وآسف للإطالة

رد: مقارنة شاملة بين الاسبيرانزا و اللوجان

اقتباس:

المشاركة الأصلية كتبت بواسطة أبو أحمد (المشاركة 205641)

السلام عليكم ورحمة الله وبركاته
ربنا يبارك لكم فى عربياتكم ويرزقكم خيرها ويحفظكم من شرها
الحقيقة انا حاسس ان المقارنة فيها حاجة مش مظبوطة

مش عارف ليه نفس الاحساس

انا ركبت العربيتين لمسافات مش كبيرة أوى
اللوجان بصراحة معجبتنيش وحسيت انها شاهين بس متطورة شوية خصوصا الكماليات اللى فيها

بس عربية محترمة اوى واعطالها تكاد لا تذكر

مثلا الكلاكس فى ذراع النور وكمان وضعية الأزرار بتاعة الزجاج الكهربائى

مع التعود عليها بتكون افضل ليك من ازرار الزجاج اللى فى البيبان مع العلم ان التعود عليها مش حياخد اكتر من ساعة

الكاسيت المستخدم خامته رديئة جدا فضلا عن نوعه اللى مش عارفه بس الصوت نقى بصراحة

يا راجل يا طيب دة كاسيت محترم ومن اشهر الانواع على مستوى العالم blaupunkt عيبه انه اوديو

كمان الاسبيرانزا تفرق حوالى 4000 إلى 5000 جنية أقل من اللوجان الفول أوبشن

اه والنيو اكسينت اغلى من اللوجان 10000 جنيه والنيسان صنى اغلى من النيو اكسينت 10000 جنيه تفتكر ليه

أعتقد احنا عاوزين مقارنة تفصيلية حيادية دقيقة أكتر من كده
على فكرة انا كان معايا تويوتا كورولا 93 فو أوبشن مانيوال وبعتها ومش معايا حاجة دلوقتى
معايا الستر والحمد لله عشان محدش يقول أنا متحيز لحاجة أملكها.
وشكرا ليك على مجهودك واهتمامك وآسف للإطالة

ربنا يباركلكوا فى سياراتكم جميعا