مصر موتورز مجتمع السيارات - سؤال في الابيزا ال 98 المتحوله

اقتباس:

المشاركة الأصلية كتبت بواسطة RAMY_MOSTAFAA (المشاركة 123625)

جبيب قلبي دكتور محمد ابيزا انا مش عارف اشكرك ازاي على اجاباتك السلسه
\انا الكربراتير مش مزعلني بالعكس انا كاره الانجيكشن لان كان معايا بولو 99 بعتها بسبب مشاكل الانجيكشن
بس انا مشكلتي اني اظبط استهلاك البنزين واقلله
ومش عارف ليه صوت التاكيهات عالي ماتعرفش ايه حلها يا دكتور
ومعلش لو طولت عليك احسن زيت فتيس التقيل ولا الخفيف للابيزا
ومتشكر جدا ليك

لا شكر علي واجب يا باشا:)

بص انت عايز ميكانيكي كويس يفك الكربراتير و يشوف البيكات وسعت ولا لا عشان لو وسعت هتاكل بنزين اكتر لو الكربراتير حالته بقت وحشه متصلحش و تقرف نفسك ساعتها هديك نمرة تاجر صاحبي في دمياط كلمه و قوله انك من طرفي و هيبتعلك كربراتير استيراد و انا مجربه كتير و راجل 100 100 و بيبعت الحاجة علي مكتب شحن في العتبه تروح هناك تدفع و تستلم و تركب و تديله الاوكيه و ان شاء الله هيعجبك لو اضطريت انك تغير يعني

يا اما تعملها صيانة و تشوف هيتحسن ولا لا يعني من الاخر روح للميكانيكي يكشف علي الكربراتير لقاه جايب اخره يبقي شيله و حط غيره و اعمل صيانة لقاه مش محتاج اكتر من تنضيف يبقي تجيب فلتر هوا و بنزين و بوجيهات و منظف كربراتير و تعمل صيانة و هتلاقيها ظبطت معاك عن الاول و نصيحة استخدم بنزين 90 لو كنت بتستخدم 92 يعني ال 92 بيطير بسرعة و عن تجربه

بالنسبة لزيت الفتيس حط زيت 140 متحطش 90 عشان خفيف اوي ده ينفع للعربيات الجديدة الابيزا حطلها تقيل او 140 هما نفس المعني يعني

التاكيهات الميكانيكي يفك وش التاكيهات و طبعا هتجيبله جوان وش تاكيهات جديد و يظبطلك التاكيهات ممكن يكون فيه تاكيه مفتوح ولا حاجة فا معلي الصوت

و اي سؤال انا موجود :)