مصر موتورز مجتمع السيارات - افيدوني في الجراند بيكاسو الله يكرمكم

مصر موتورز مجتمع السيارات (https://www.masrmotors.com/vb/index.php)

- ستروين Citroën (https://www.masrmotors.com/vb/forumdisplay.php?f=18)

- - افيدوني في الجراند بيكاسو الله يكرمكم (https://www.masrmotors.com/vb/showthread.php?t=151023)

رد: افيدوني في الجراند بيكاسو الله يكرمكم

طيب يا بشمهندس الجراند تيريوس 7 راكب ولا 5 ؟ ولو 7 الكرسيين اللي من ورا دول مرتاحين في القعده ولا ضيقين .. وشكرا كتير لاهتمامك

رد: افيدوني في الجراند بيكاسو الله يكرمكم

مانت عارف يا اسلام اليابانيين بيعملو العربيات على مقاسهم وزى ما قولتلك مش هتلاقى الرحابة بتاعة التصميم الاوروبى لا فى اليابانى ولا الكورى باستثناء حالات محدودة فى النيسان مثلا لكن التويوتا وفرعها ديهاتسو يادوب على قد القعدة مش رحرحه بس فى المقابل عربية دفع رباعى وكرونة يعنى بقوه عربية نص نقل تطلع بيها فوق رصيف ومتشيلش هم حاجة وقطع غيار منتشره جديدة ومستعمل وصيانة فى كل حته
مفيش حاجة كاملة لازم حاجة على حساب حاجة وترتيب اولوياتك هو الفيصل
وبرضو افضل تنزل معرض وتقعد فى العربية وتشوف وتحس بالابعاد بنفسك

رد: افيدوني في الجراند بيكاسو الله يكرمكم

اقتباس:

المشاركة الأصلية كتبت بواسطة islamhany32 (المشاركة 1081106)

ال 7 هى نفس العربية بس اطول كام سنتى ومساحة الشنطة مستغلة ككرسين زيادة انما اساسيات العربية واحدة مع اختلاف ان الخمسة راكب بتتصنع بالكامل فى اليابان واصلها فى اليابان تويوتا راش

http://d1evvto86t5vms.cloudfront.net...oyota-Rush.jpg

https://toyota.com.my/ToyotaOfficial...er-feature.png

لكن الجراند تريوس بتتصنع فى ماليزيا

https://imgct2.aeplcdn.com/img/800x6...ota-rush-4.jpg

http://3.bp.blogspot.com/-KdX47J6d_1...+Rush+2014.jpg

رد: افيدوني في الجراند بيكاسو الله يكرمكم

بجد الف شكر ليك علي دعمك . حضرتك كنت قولتلي اني لو جبت البيكاسو يفضل اني اكون مأمن عليها ممكن اعرف التأمين ده هايفيدني بي ايه وايه نظامه اصلي ماعملتش تأمين قبل كده علي اي عربيه كانت معايا .
حاجه تاني كمان لو تقدر تجيبلي اسعار تقريبيه لقطع غيار البيكاسو اكون شاكر جدا ..
وفي جميع الاحوال انا محظوظ لوجودك هنا بدعمك الممتاز

رد: افيدوني في الجراند بيكاسو الله يكرمكم

اسف على التاخير ،
التامين بيغطى تكاليف الحوادث بكل درجاتها بنسبة تحمل تكاليف منك او بدون تحمل خالص حسب اختيارك وقيمة التامين
بحيث لا قدر الله لو حصل للعربية حادثة بتروح تصلحها فى التوكيل او اى مركز صيانة او سمكرة ودهان ومبتدفعش فلوس وشركة التامين هى اللى بتحاسب المركز او التوكيل
ولو لاقدر الله الحادث كبير total loss ولا يمكن اصلاحه او لاقدر الله تعرضت للسرقة شركة التامين بتدفع كامل مبلغ التامين على السيارة لصاحب التأمين
لو العربية كاش بتعمل التامين لصالحك وباسمك اما فى حالة القسط فاللى بيحصل انك اجبارى لازم تامن لصالح البنك وبالطريقة ديه يضمن البنك انك تستمر فى تسديد الاقساط او يتردله مبلغ التامين لو لاقدر الله العربية فقدت بالسرقة او بحادث كبير
ده نظام التامين عموما وباختصار لكن التفاصيل كلها هتلاقيها فى قسم التأمين فى مصر موتورز وده الرابط بتاعة : http://www.masrmotors.com/vb/forumdisplay.php?f=61

اما بخصوص الاسعار فاللى بسمعة من اصدقائى يمكن يكون مبالغة بس الاكيد انه من ضعفين الى تلات اضعاف اللى هتدفعة فى قطعة غيار كورى او يابانى