رد: نصائح لو نازل سوق مدينة نصر لشراء سيارة ادخل هنا
 

اتفق معك تماما في هذا ولكن نزول السوق وضع والشراء وكيفية الشراء وضع تاني يعني مع احترامي لحضرتك هو لو خد ميكانيكي فدا معناه ا الشخص اللى معاه هيكشفله على مكنة العربية بس طب وفين اساسيات العربية بقا اللى هيا اهم من المتور ؟؟؟؟؟؟؟؟؟ يبقا لازم ياخد سمكري مش ميكانيكي لان السمكري هو اللى يقدر يفيده في موضوع اساسيات العربية اللى هيا اهم الف مره من ميكانيكة العربية ولو مختلف معايا وضحلي ونخلي الناس هيا اللى تحكم دا اولا ......... لكن ثانيا بقا ودا الاهم السمكري هيقدر يفيدك في موضوع الاساسيات والميكانيكي هيفيدك في ميكانيكة العربية لكن الاتنين مش هيقدرو يفيدوك في السعر لأنهم مش كل يوم في السوق وحكمهم على اسعار السيارات بتكون سماعي بمعني انه بيسأل اي حد رايحله هو شاري العربية بكام ودا بيكون تقديره الوحيد لثمن العربية وطبعا كلنا عارفين ان معظم الناس بتبالغ يعني لو شاري العربية ب 50 الف هيقول انه شاريه ب 55 لأنه بيبقا عامل حساب الخسارة عند اعادة البيع اذا الشاري ممكن يدبس في 5 الاف زياده على ثمن العربية طب مبالك بقا بناس كل يوم في السوق وارسه السوق كويس هتشتريلك بسعر تجاري وكمان هتفحصلك السيارة فحص دقيق تفتكر دلوقتي مين يكون الافضل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟ طبعا انا مقدر ان حضرتك بتقول الكلام دا نظرا لكثرة عمليات النصب وان فيه ناس كتير بقت معدومة الضمير بتبيع الناس في السوق علشان العمولة وخلافه ؟؟؟؟؟؟؟؟؟؟ لكن أوكد لحضرتك اننا نتعامل بما يرضي الله نسعى صحيح للمكسب المادي لأن دا شغلنا ومصدر رزقنا لكن نتعال بما يرضي الله ونسعى الى الرزق الحلال ودايما الثقة مبتجيش الا بالتعامل وانشاء الله نكون عند حسن ظنكم واسف على الاطاله
ملحوظة : احنا 2 جامعيين لكن ملقناش مصدر رزق غير كدا وأعتقد اننا لو عايزين ننصب كنا نصبنا بطرق كتير اشيك من كدا لكن نسعى للزرق الحلال انشاء الله
مع تحياتي أبو مازن