مصر موتورز مجتمع السيارات - أرجو إمدادي بمعلومات عن السيارة (ريجاتا) Regata

مصر موتورز مجتمع السيارات (https://www.masrmotors.com/vb/index.php)

- FIAT Regata (https://www.masrmotors.com/vb/forumdisplay.php?f=233)

- - أرجو إمدادي بمعلومات عن السيارة (ريجاتا) Regata (https://www.masrmotors.com/vb/showthread.php?t=1323)

رد: أرجو إمدادي بمعلومات عن السيارة (ريجاتا) Regata

شكرًا يا إخوة على الردود الطيبة
وجزاكم الله كل خير على الإفادة

بس بصراحة انا قلقان من موضوع المستعمل ده تاني ! عشان كده نفسي أجيب حاجة زيرو بس سعرها يكون مريح (على أد الحال !) فبفكر في اتنين:
1- الهيونداي الآي تو سعرها معقول وعربية قرأت عنها في المنتدى هنا كتير والناس بتشكر فيها، بس ده متوقف على حجم المبلغ اللي هيبقى معايا ساعتها.
2- أما لو المبلغ متوفرش (عشان داخل في مشروع) فبفكر في لادا 2107 ، وسبب تفكيري فيها عدة أسباب: منها إنها عربية (حمارة شغل !) -لا مؤاخذة يعني- وقطع غيارها ببلاش، وفي نفس الوقت فيها كماليات معقولة مش هحتاج غيرها زي التكييف مثلاً، وكمان سعرها كويس جدًا وأخيرًا عشان كاربريتير مش إنجكشن، وأنا لسة ملسوع من تجربة الإنجكشن في الزفتة الماتيز ! اللي صرفت عليها دم قلبي (حوالي تلت تمنها !!!) وفي الآخر بعتها بخسارة كبيرة جدًا، عشان كده عايز عربية أي حد بيفهم فيها.

فإيه رأيكم ؟ عايز توجيهاتكم

رد: أرجو إمدادي بمعلومات عن السيارة (ريجاتا) Regata

الـ I2 مبشرة جدا
و اللادا كما قلت باستثناء انها (الجديد منها) ضعيف زيادة شوية

ربنا يباركلك في أي منهم أو غيرهم رزقك

رد: أرجو إمدادي بمعلومات عن السيارة (ريجاتا) Regata

شكرًا يا إسلام على الرد الجميل والنصيحة والدعاء، وربنا يوفقك لكل خير

على فكرة أنا كان قاصدي I10 مش I2 !! غلطة مطبعية معلش، لأن الـ I2 دي حاجة تانية خااااالص !!!

http://www.motorauthority.com/wp-con...lue/i_blue.jpg

رد: أرجو إمدادي بمعلومات عن السيارة (ريجاتا) Regata

و الله برضه أنا قرأتها و رديت علي انها I10
و لا يهمك من الكلام يا ابو عبد الرحمن المهم ان القلوب عند بعضها:w6w200504111340266d

رد: أرجو إمدادي بمعلومات عن السيارة (ريجاتا) Regata

ربنا يحفظك أخي إسلام
أنا كنت عارف برضه إنك قصدك على الآي 10 مش الآي 2 !! هههههه
ولعلها بشرة خير ! غلطنا احنا الاتنين وقولنا آي تو .. مين عارف ؟!!