رد: سخونة العربيه... مشكلة تتطلب اهل الخبره
 

ممكن تكشف على الخراطيم ممكن تكون سخنت و نشفت و الكوليهات إللى بتربطها مبقتش ماسكه كويس فبتسرب
حاول تزود مياه زياده عن الماكس شويه و تطلع مشوار طويل شويه (يعنى العربيه تأخد حرارتها الطبيعيه - 90 درجه مثلاً) و بعدين تركن و تنزل تبص على وصلات الريداتير كلها و تبص على بلوكه الموتور من تحت (عند طبب المياه) لو فيه حاجه بتسرب مع ضغط المشوار على دورة المياه هتلاقيها ناشعه مياه و لو المياه ملونه يبقى هتلاقى البقع ملونه و هتظهر بسهوله إن شاء الله.
و برضه تبص على غطا قربة المياه و لو الريداتير عندك ليه غطا برضه بص عليه.

لو موصلتش لحاجه يبقى زى ما الأخوه هنا قالوا:
واحد متخصص ريداتيرات و يعمله تسليك و يكشف عليه و لو محتاج لحام (ده لو طلع بيسرب) هو هيعمله.
و لو باظت خالص يبقى كده كده هتشترى واحد جديد زى ما التوكيل قال, يعنى دى محاولات غالباً هتحل المشكله لأن التوكيلات بتستسهل و تغير و كله على حساب الزبون.

رد: سخونة العربيه... مشكلة تتطلب اهل الخبره
 

باشا بص ما دام قال لحضرتك مقاومة مراوح يبقي اتاكد ان المراوح شغالة كويس والمفروض انها سرعتين منخفضة وعالية وبالتالي ممكن اغير مقاومة المراوح الاول - ممكن تلاقيها استيراد او جديدة

رد: سخونة العربيه... مشكلة تتطلب اهل الخبره
 

روميو,, المراوح شغاله تمام انا متأكد, واول م المؤشر بيعلى السرعه العاليه بتشتغل علطول وبتبرد في اقل من دقيقه المؤشر بينزل تاني
بس المشكله ان بتحصل كتييير ... يعني تقريبا كل 5 دقايق المؤشر يرفع والمروحه تشتغل تبرد!!

رد: سخونة العربيه... مشكلة تتطلب اهل الخبره
 

معظم العربيات فى العالم كله متوسط شغل المروحة بعد وصول الماتور لحرارة التشغيل الطبيعية و التوقف على السالانسيه
بتبقى ما بين دقيقتين ل 3 دقايق توقف و بعدين تشتغل مثلا دقيقة و هكذا

عندى كدا فى اللانوس من ساعة ما كانت زيرو
و i10 زيرو قريب من كدا برضه
و كذا موضوع من اعضاء اكتشفت منه ان عربياتهم كدا

الكلام دا صيف او شتا

رد: سخونة العربيه... مشكلة تتطلب اهل الخبره
 

انا عربيتي مكانتش كدا يا بشمهندس احمد
العربيه كانت المروح بتشتغل وتفصل طبيعي بس المؤشر ميعلاش

دلوقتي المؤشر بيعلى ومعدل تبخر الميه عاالي جدااا!!