|
رد: عايزة رأيكم
بدام سيدان وستايل حريمى يبقى اتى رينو ميجان
|
رد: عايزة رأيكم
اقتباس:
http://www3.0zz0.com/2008/07/03/09/707205833.gif وبشدة معلش يا درش أنا معايا الميجان 2 والعربية طبعا جميلة وزي الفل بس أكبر فخ ممكن تقع فيه في حياتك أنك تشتري مـــــيـــــجـــــان 2 أولا عشان قطع غيارها غالية جدا جدا جدا وياريت الموضوع موضوع قطع غيار غاليه وبس لكن إللي يفرسك من العربيه دي انها متبرمجة وكل شيء فيها متوصل بالكومبيوتر غللي بيتحكم في كل شيء في العربيه حتى البوجيهات والفارمل طبعا هاتقوللي مش عيب إن الكومبيوتر يتحكم في كل شيء هاقوللك مش عيب بس وعندي مثلا الكمبيوتر الموجود في الـ"أوكتافيا" طيب وأبن حلال وماحدش أشتكى منه قبل كده بس العيب لما يكون الكومبيوتر ده متبرمج (طبعا قصدي على الميجان) على أنه يدفعك دم قلبك كل شوية في التوكيل وعاوز ءأكد على كلمة (في التوكيل دي) لأن برضه الحاج كومبيوتر متبرمج على القبلة بتاعته وماينفعش يغيرها يعني يا إما التوكيل أو مراكز الخدمة بتاعته يا بلاش و كــُــع بقى ياريس ده غير إن العربيه بتاكل بطاريات بالهبل يعني أنا مثلا في 60 ألف كم غيرت بطاريتين لحد دلوقتي والتالته راكبها أهي وربنا يستر عليها وبعدين يا جماعه كفاية إن العربيه سعرها زيرو من 120 ألف لغاية 140 ألف جنيه ولما تيجي تبيعها تلاقيها في حدود الـ80 ألف جنيه وماحدش يجيب سيرة الميجان 2 دي تاني يا جدعان ونبي لحسن الواحد كاتم في قلبه وساكت وإللي عاوز يعرف الميجان دي على حقيقتها يروح التوكيل عندنا في العبور ويقابل الناس إللي بتعمل صيانه هناك وهو يسمع احلى قصايد سب في الميجان وفرنسا نفسها معلش بقى أنا مستعجل دلوقتي وهارجعلكم تاني |
رد: عايزة رأيكم
اولا اهلا بيكى يا (انسة / مدام) عبير فى مصر موتورز واتمنى اننا نقدر نفيدك ونساعدك فى اتخاذ قرارك
بخصوص الاعتمادية فديه نقصد فيها قلة اعطال السيارة وجودة وطول عمر قطع الغيار وده عامل مهم للى عايز يجيب عربية للاستخدام الشاق فيهمة ان العربية متكونش بتعطل كتير وقطعة الغيار اللى يجيبها تعيش اطول وقت ممكن بس ده للاستخدام الشاق بخصوص قطع الغيار فمهم انها تكون مش غالية حتى لو حضرتك مامنة على العربية فمثلا لو حضرتك لا قدر الله عملتى حادثة بسيطة اتكسر فيها الاكصدام ووفانوس ولا اتنين بعربية كورى فى الغالب تكلفة الاصلاح مش هتعدى ال 5000 جنية وده معناه ان عملية الاصلاح من خلال التامين هتبقى سهلة ومن غير اجراءات معقدة او محضر فى القسم والعكس لو المبلغ تعدى ال5000 جنية ( ده مثال على بناء على قواعد الجمعية CIS) لاقدر الله لاقدر الله لو الحادث كبير كل ما تكون قطع الغيار غالية كل ما ده هيخليها اقرب للتوتال لوز Total loss كمان خدى بالك التامين مش بيغطى قطع الغيار الاستهلاكية او اللى تلفت نتيجة عن الاستخدام العادى وده معناة ان حضرتك هتشرتى مثلا ( فلتر البنزين / فلتر الزيت / فلتر التكييف/ البوجيهات / تيل الفرامل / سيور الخ الخ ) على حسابك وديه حاجات بتتغير بصفة دورية سواء فى الصيانات الدورية فى التوكيل او برة حضرتك اللى هتدفعيهم بخصوص التوكيلات اسمحيلى اقول لحضرتك ان مصر فيها توكيلات ممتازة وفيها توكيلات معقولة وان كان الغالب هيا التوكيلات اللى مش كويسة فمثلا توكيل تويوتا ايجبت لاغبار عليه وتوكيل محترم جدا وحاصل على المركز الاول فى افريقيا توكيل ديهاتسو ( عبد اللطيف جميل) نفس الكلام وراجل محترم سواء فى الخليج او فى مصر توكيل كيا ( محمد نصير ) توكيل جيد ويسعى للافضل اخيرا بخصوص البدائل بناء على طلبات حضرتك وهى 1- سيارة فى متوسط سعر 100 الف جنية ويفضل اقل 2- سيارة سيدان 3- ستايل يصلح لبنت او مدام 4- كاملة full option ارشح لحضرتك الاتى 1- تويوتا يارس 1300 سى سى فول اوبشن اوتوماتيك سعرها ما بين 100 - 105 الف جنية 2- هوندا سيتى 1300 فول اوبشن اتوماتيك سعرها ما بين 90 -93 الف جنية 3- هيونداى النترا 1600 فول اوبشن اوتوماتيك سعرها فى حدود 115 الف جنية التلاتة ستايل التلاتة اوبشن عالى التلاتة عربيات محترمة والخيار ليكى مرة تانية اهلا بيكى فى اسره مصر موتورز |
رد: عايزة رأيكم
اقتباس:
لا لا تسقيفة بجد والله http://www6.0zz0.com/2008/06/21/19/945849598.gif لأن الكلام ده في التمام وفعلا مظبوط 100% بس احب أضيف عربية كمان للعربيات دي وهي شيفورلية أوبترا |
رد: عايزة رأيكم
يا باشا حضرتك ادرى طبعا بس الميجان ستايل جدا وديه اهم حاجة للبنت او الستات عامة وكمان استهلاكهم بيبقى اقل فمش هتعمل مشاكل كبيرة يعنى ممكن بس حضرتك استخدامك زيادة او سيىء للعربية لاكن الميجان مش بالفظاعة اللى حضرتك بتوصفة ديه اكيد :w6w2005041122053268
|
| الساعة الآن 02:26 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017