رد: موسوعة اسئلة هيونداى أكسيل ( لو عندك اى سؤال ادخل هنا واسئله وهنجاوب عليك)
 

السلام عليكم ورحمة الله وبركاتة

انا لسه عامل عمرة ماتور لسيارتى الاكسيل وماشى بيها بعد العمرة حوالى 1500 كيلو متر
بعد العمرة مباشرة وبعد حرق صفيحة بنزين وهى واقفة ابتديت امشى بيها بالراحة لمدة 1000 كيلو وبعدها روحت للميكانيكى علشان يظبط التكيهات وغيرت زيت وقالى خلاص امشى براحتى
المهم من ساعتها ابتديت امشى بسرعة لقيت دواسة البنزين تقيلة اوى وبتقفش منى روحت جبت سلكة بنزين جديدة وركبتها وبرضوا وجدت نفس القفشة والعضة فى الدواسة - روحت للميكانيكى تانى راح مزيت سلك البنزين. المهم من ساعتها اجى اطلع بالعربية تكون ماشية كويس الى ان اعدى سرعة 100 كيلو فى الساعة على الدائرى ( انا بمشى عليه كل يوم ) - اول ما اعدى ال 100 الاقى الدواسة قفشت تانى مش عارف لية وتفضل كده لحد ما اركن العربية فترة واجى اطلع بيها تانى تبقى كويسة.
هل من سبب لما يحدث ؟ هل بسبب حاجة فى العمرة ؟ هل بسبب نوع زيت الماتور الجديد مثلا ( انا حطيت زيت شل ال 3000 كيلو متر )؟ افيدونى بالله عليكم وشكرا

رد: موسوعة اسئلة هيونداى أكسيل ( لو عندك اى سؤال ادخل هنا واسئله وهنجاوب عليك)
 

المشكله كلها اللى عند حضرتك مالهاش دعوه بالعمره نهائيا
المشكله كلها متعلقه بثلاث حاجات
الاولى الكربراتير الدراع اللى متوصل بيه سلك البنزين عاوز يتراجع عليه وعلى سوستته ويتعمل له الصيانه اللازمه

ثانيا سلك البنزين لازم يتراجع عليه كله

ثالثا دواسة البنزين نفيها لازم يتراجع عليها كلها

ولازم يكون حد فايق وعنده خبره علشان يمشى مع الحاجات اللى ذكرتها لحضرتك واحده واحده لغاية ما يجيب العيب المطلوب

رد: موسوعة اسئلة هيونداى أكسيل ( لو عندك اى سؤال ادخل هنا واسئله وهنجاوب عليك)
 

شكرا يا استاذ سيد - هعمل الى قولت علية وربنا يسهل ان شاء الله

رد: موسوعة اسئلة هيونداى أكسيل ( لو عندك اى سؤال ادخل هنا واسئله وهنجاوب عليك)
 

معلش سؤال كمان : بالنسبة للزيوت ما افضل زيت اضعه للماتور الاكسل 1300 بعد العمره ؟ انا حطيت شيل الاحمر بتاع ال 3000 كيلو بس حاسس انه مش كويس. برجاء الرد وشكرا

رد: موسوعة اسئلة هيونداى أكسيل ( لو عندك اى سؤال ادخل هنا واسئله وهنجاوب عليك)