رد: الزجاج الأمامي بيعمل شبورة من جوه
 

مفتاح تغيير الحرارة بيتحكم فى بوابة داخل التابلوه و حسب زاوية البوابة يتم خلط هوا جاى من ناحية سربنتينة الميه السخنة مع هوا جاى من ناحية سربنتينة التكييف

و اكيد الاتنين (سربنتينة السخن و سربنتينة الفريون الداخلية) بينهم حاجز يمكن مش باين من بره

رد: الزجاج الأمامي بيعمل شبورة من جوه
 

الكلام معقول في حالة أن مفتاح تغيير الحرارة علي الأحمر لأنك هتخلط الهواء السخن اللي أنت مش دافع فيه فلوس مع هوا عادي من ناحية الفريون و أنت مش خسران حاجة لأن الكباس و الفريون مش شغالين أصلا. لكن فرضا أنك مشغل الفريون و الكباس شغال وعمال تحرق في بنزين أروح لأنا أجيب هوا سخن وأخلطه معاك؟ و الا في حالة التبريد بيقفل بوابة الهوا السخن تماما؟ و سؤال تاني التدريج بتاع البرودة (الؤشر الأزرق) بيتحكم في البرودة ازاي؟ ثرموستات زي التكييف بتاع البيت و الا فيه فكرة تاني؟ و شكرا للحوار المفيد.

رد: الزجاج الأمامي بيعمل شبورة من جوه
 

فعلا لما يكون مفتاح الاختيار فى اقصى الازرق بتبقى البوابة قافلة اللى جاى من ناحية سربنتينة الميه تماما و ناحية سربنتينة الفريون مفتوحة تماما و العكس فى حالة اقصى الاحمر

الدايو لانوس عندى مفيهاش ثرموستات يفصل الكومبريسور .................... الكومبريسور شغال مستمر
اما فى انواع اخرى زيى الهيونداى i10 مثلا انا متأكد ان فيه ثرموستات و حسيت بيها مع مفتاح سرعات المروحة ...................... يعنى لو سبت المروحة على 1 الاقى كل شوية الكومبريسور يفصل حبة و يرجع يلقط حبة ............ و لو على 2 بيبقى مدة اللقط اطول من الفصل و هكذا لغاية سرعة 4 تقريبا يكاد يكون مش حيفصل
انا عارف ان المنطقى ان يكون فصل الثرموستات منصل مع وضعية مفتاح اوضاع الحرارة بس دا اللى انا لاحظته فى ال i10
اكيد العربيات العالية بيبقى الثرموستات مع اختيارك لدرجة الحرارة الواقعية

رد: الزجاج الأمامي بيعمل شبورة من جوه
 

كلام حضرتك معقول جدا. شكرا علي سرعة الرد.

رد: الزجاج الأمامي بيعمل شبورة من جوه
 

مؤشر درجة الحرارة (أزرق - أحمر) هو باختصار عامل زي خلاط المياه في الحمام.... لو عايز مية ساقعة اقفل السخن، ولو عايز مية سخنة اقفل الساقع... ولو عايزها نص نص... افتح شوية من هنا وشوية من هنا

التكييف لما بيشتغل ... بيطلع درجة حرارة ثابتة... والتحكم فيه يا إما بإنك تطفي الكمبريسور كل ما تجيب الدرجة المطلوبة (زي الثلاجة وتكييف المنزل) ... أو إنك تخلط عليه هوا سخن من الدفاية

بس لو الهوا الطبيعي حلو ... تشغل التكييف ليه؟؟؟ :)


...