رد: اصلاح الحوادث بمركز المتحدة لصيانة السيارات الحديثة
 

أستاذ محمود مركز المتحدة
اتمني ليكوا التوفيق , انا عملت حادث بعربيتي ال بي واي دي بس مش ال F3 اللي منتشرة كتاكسي لاء انا عربيتي موديل اسمه G3 2012 و خايف من التوكيل فوق ما تتخيل سواء فلوس او الصنايعيه نفسهم للأسف
الخبطة من ادام كبوت و رفرف و اكصدام و شبكه و ريداتير و الله اعلم بالموتور ارجو الافاده و وسيلة اتصال
01224952631 أخوكوا محمد :CHUBBY~36:

رد: اصلاح الحوادث بمركز المتحدة لصيانة السيارات الحديثة
 

بالنسبه للدهان دلوقتى لو فيه خدوش شالت البويه مثلا فى الباب لازم ارش الباب كله ولا ممكن اسرقها زى مبيقولو ؟

رد: اصلاح الحوادث بمركز المتحدة لصيانة السيارات الحديثة
 

استاذ محمد كل سنة وحضرتك وكل السادة الاعضاء طيبين وبخير بمناسبة عيد الاضحى المبارك
الف سلامة على حضرتك والحمد لله انك بخير

واما بالنسبة للاصلاح فى التوكيلات انا اجتهدت فى انى اوضح مميزات وعيوب الاصلاح فى التوكيل . وعلى فكرة بردو نسيت اضيف ملاحظة كمان بالنسبة للاصلاح فى التوكيلات مكنتش واخد بالى منها وهو انه فى حالة دخول السيارة بامر شغل اصلاح حادث او حتى مقايسة بيتم تسجيل ده فى ملف السيارة بالتوكيل وده ساعات بيصعب بيع السيارة بعد كدة
لانه دلوقتى ناس كتير اللى بيجى يشترى عربية بيسأل عليها فى التوكيل وطبعا لو عرف انها عاملة حادثة اكيد بيتردد انه يشترى ... مع العلم انى مش انصار عدم الصراحة فى الموضوع ده بس للاسف هو بيهم ناس كتير اوى بدليل انه لما بيجى حد يتفق على اصلاح حادثة بيقول انا مش عايز اللى يجى يشترى يعرف ان العربية عاملة حادثة طبعا قبل كدة . واحنا فى الحالة دى بنأكد له جودة الشغل باننا على استعداد لفحص السيارة من خلال اى حد حتى لو كان مهندس من التوكيل
وبالنسبة لوسيلة اتصال ممكن حضرتك تشرفنا بالاتصال على تليفونى 01112310801 محمود حسين ( مدير التسويق وخدمة العملاء )
او تليفون الاسطى وائل عبد الباقى المسئول عن السمكرة والدهان 01228896709

مرة ثانية الف سلامة على حضرتك استاذ محمد وعيد اضحى مبارك على حضرتك انشاء الله

رد: اصلاح الحوادث بمركز المتحدة لصيانة السيارات الحديثة
 

موفقين ان شاء الله
وما شاء الله شغلكم عالى جدا وشكل الفينشينج نظيف
بس كان لية سؤال دايما بيقلقنى من انى ارش العربية وهو كراهيتى للمعجون
هل لما بتسمكر الباب او الرفرف او الاكصدام بتستخدموا معجون ولا بتحرقوا على الصاج وبتستخدموا زى التوكيل بترش فيلر وبطانة من غير معجون ... تحياتى :018A1D~146:

رد: اصلاح الحوادث بمركز المتحدة لصيانة السيارات الحديثة
 

ومعلش سؤال تانى
حادثة اللانسر دى تكلفت قد ايه فلوس ووقت:fun_36_3_9[1]: