رد: اية اطرف موقف حصلك مع بداياتك فى السواقة ؟؟؟؟
 

ههههههههههههههههههههههههه الله يسامحك يا عم باسم فكرتني بالبلاوي اللي كنت بعملها وانتا بتعلم السواقة

هحكيلك كام حكايه كد خفيفة علشان لو حكيت الحكايات كلها مش هتكفي 20 صفحة

المهم انا اتعلمت علي عربية واحد حبيبي معاه شاهين

المهم انا طبعا علشان كان في دماغي السواقة فكنت مركز علي الاخر المهم وانا ماشي في شارع معروف ان كل اللي فيه بيتعلمو السواقة وباخد مطب لقيت مره واحده ست رمت نفسها علي العربية وعملت فيها اللي دايسها قطر بسرعة 200 كيلو اه يا رجلي اه يا دراعي اه يا كتفي المهم من هنا لهنا قولنلها نوديكي المستشفي قالت لا وصلوني البيت وطلع في الاخر انها كانت عايزه توصيله لحد البيت ونزلت من العربية زي الحصان

وفي موقف تاني بس ديه كانت مصيبه ههههههههههههههه

المهم كنت في يوم بتعلم علي طريق المطار يوم الجمعه ووحنا راجعين من عند مدينة السندباد مره واحد عربية قطعة الشارع وراح اللي قدامي لابس فيها وانا في ضاهره مفيش بيني وبيني بتاع 10 متر وروحت عامل غرزة وديه كانت اول غرزة اخدها في حياتي وفاديت العربيتين في ملي وصاحبي اغم عليه من المنظر وافتكر ان العربية راحت روحت ركنت علي جنب وقعدت افوق في صاحبي ومصدقش ان العربية طلعت سليمة من الموقف ده ونزل فلا العربية حته حته قولتله ده بدل ما تطمن عليا بتطمن علي العربية قالي انتا سهل تتعالج لكن العربية لا ههههههههههههه

ودول الموقفين اللي فاكرهم دلوقتي ومع الوقت هعملكم داونلود ببقية المواقف بتاعتي

رد: اية اطرف موقف حصلك مع بداياتك فى السواقة ؟؟؟؟
 

صباح الفل على الكل:

أنا برضو كنت تقريبا عمرى ساعة الموقف ده 13 سنة كان عندنا عربية فيات 125 إيطالى وكان بابا مدلعها وكنت دايما ازن عليه وهو ابدااا وكان دايما يقولى إنت مش هتسكت إلا لم تخبطها يا عم احمد فى يوم خليته العصر شوية وخدت المفتاح الاحتياطى من وراه ونزلت غسلت العربية وقلت اخد لفة وهى نضيفة كده المهم لفيت وكله تمام وانا راجع كان فى شجرة بابا بيركن تحتها وانا داخل بجرى بالعربية بقا وفرحان انى رجعت بالعربية سليمة وجاى ادوس فرامل يا رجالة !!!!!!!!!!!!! مفيش لسه ببص على الدواسة لقيت دماغى فى الدريكسيون ونزلت لقيت الرفرف الشمال بالفوانيس رايحة ف داهية المهم سبت العربية زى ما هيه وطلعت وبعد ما نزل لقيته بيندهلى ويقوللى إيه ده قولتله اللى حصل كلنى علقة موت بس برضو ما توبتش وفيه حكايات تانية هقولكوا عليها إنشاء الله.


شكرا على الموضوع الجميلROSE4U

رد: اية اطرف موقف حصلك مع بداياتك فى السواقة ؟؟؟؟
 

شكرا جدا على المشاركات الكوميدية الجميلة من الأخوة الأعضاء المحترمين بجد كل قصة منهم تدل ان احنا كنا شياطين بس لابد ان نعترف انة لاولا هذة الحوادث ماكنا تعلمنا اوبدأنا نأخذ الخبرات ومرة تانية اشكر كل عضو شارك فى الموضوع .

رد: اية اطرف موقف حصلك مع بداياتك فى السواقة ؟؟؟؟
 

بمناسبة هذا الموضوع الجميل انا لسة هاتعلم السواقة وخايفة لحسن يحصلى زيوكم ويبقى عندى ذكريات سودة كدة فى بدايات السواقة خايفة اوى اضرب لخمة تنصحونى ابدأ بالاوتوماتيك اسهل والا المانيوال يعنى بحيث انى اقلل الخسائر على قدر المستطاع

رد: اية اطرف موقف حصلك مع بداياتك فى السواقة ؟؟؟؟
 

لو حتتعلمى على اتوماتيك عمرك ما حتعرفى تسوقى غير اتوماتيك
اتعلمى الاول على مانيوال