رد: بيجو 208 ... اول صوره
ايوه دا موضوع و عم المواضيع كمان طالما الباشمهندس سامح هو اللي كاتبه:)
العربيه شكلها حلو بس هيا ال 207 لحقت علشان ينزلوا البديل بتاعها كده بسرعه شكلها حلو و طبعا متألقه بفوانيسها الاماميه زي اي عربيه بيجو عملتها عليهم فوانيس رهيبه فعلا اينعم فوانيس ال 208 شكلها جديد و انا مش مقتنع بيها اوي بس حاسس اني حتعود عليها و كتير حيقلدوها. سحبه جسمها ما فرقتش كتير عن ال 308 مافيش اي تميز في التصميم شكرا سامح باشا |
رد: بيجو 208 ... اول صوره
دايما البيجو بتركز اكتر على الشكل الخارجى والتصميم
لكن انا رأيي الشخصى المتواضع ان البيجو حرام ادفع فية فلوس لان العربية بعد فترة بسيطة اوى بتظهر عيوبها الكتير بعكس اليابانى الالمانى طبعا دة مجرد راى |
رد: بيجو 208 ... اول صوره
اقتباس:
طبيعي الشكل كل فتره انه يتغير علشان الناس متزهقش ... المهم يكون الجدي احلا مش اوحش شكرا ليكم يا جاعه على تشجيعكم ... هي لسه قدامها وقت .. بس المهم يكون ده شكلها النهائي فعلا ... و ميتغيرش مع التطوير لحاجه تانيه خالص ptmnlo123per1117 |
رد: بيجو 208 ... اول صوره
ايوه بس ال 207 لسه ما لحقتش
بصراحه احلي شكل في عائله ال 200 دي هو ال 206 تصميمها تحفه فعلا و نسبها مضبوطه و ماتحساش مكلكعه بتفكرني بالجولف 2 في عائله الجولف مثلا |
رد: بيجو 208 ... اول صوره
اقتباس:
دول بيجيبوا ناس تشم ريحه التابلوه ... و يشوفو درجه تحمل المواد المختلفه للحراره العاليه و البارده ... وده سبب ان الشركات الالمانيه خصوصا مرسيدس كانت بتقعد سنين بين الموديل و اللي بعده.. انا فاكر كويس اوي صوره لعربيه مرسيدس في مجله سبور اوتو ... كانت في اوائل التسعينات .. في عز الزلمكه .. و كاتبين انها نموذج للموديل المتوقع بعد الموديل اللي بعد الزلمكه ptmnlo123per1106 وفعلا الايام دارت وظهرت العيون بعد سنتين تلاته .... و بعد ها ب7 او 8 سنين ظهرت العربيه اللي كانت في الصوره انا فاكر كويس اوي لأن ساعتها استغربت جدا لأن شكل الزلمكه كان مكسر الدنيا و كنت فاكر ان العربيات كلها حتتطور على الشكل ده ... المرسيدس E 350 http://upload.wikimedia.org/wikipedi...-Benz_E350.jpg http://upload.wikimedia.org/wikipedi...E320_sedan.jpg http://mercedes300e.com/images/merce...0e%20black.JPG طبعا الصوره اللي في المجله كانت من الجنب (بروفيل ) و مش واضح اي تفاصيل ... لكن الخطوط العامه كانت واضحه جدا ... يعني كانو بيعملو التصميم للعربيه اللي بعد اللي جايه ومن قبلها بعشر سنين .... ليها حق مرسيدس موديلاتها تقعد بال 8 و ال 10 سنين شكلها ميتغيرش .. و الناس تستغرب شكل الموديل الجديد اول ما ينزل ... و شويه وتتعود عليه ... و شويه وكل العربيات تبقى شبهه ... عقبال كده ما نعمل حاجه تشبه للعربيات ... |
الساعة الآن 09:55 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017