مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - موتور الفيرنا (https://www.masrmotors.com/vb/showthread.php?t=121615)

رد: موتور الفيرنا

اقتباس:

المشاركة الأصلية كتبت بواسطة mostafakamal (المشاركة 934425)

:shwt::shwt::shwt::shwt:: shwt::shwt:

ايه يا جماعة؟ مفيش اي افادة؟؟

رد: موتور الفيرنا

نصيحتى ليك كالاتى

لو جبت ماتور استيراد حاجه من اتنين
ياما هيطلع بايظ وساعتها يبقى ياريتك عمرت من الاول وريحت دماغك
او
لو الماتور طلع كويس يبقى بالكتير اووى قدامك سنه والماتور يبوظ تانى

نصيحتى ليك

تفك ماتورك وتشوف ميكانيكى ممتاز وخراط ممتاز وتشتغل فى ماتور وتعمله صح الصح وتغير كل ما يلزم تغيره ويفضل بالمره كمان تغير طرمبة الزيت والمايه اثناء العمره وعلى فكره مفيش حاجه اسمها الماتور ده مبيتعمرش اى ماتور فى الدنيا بيتعمر اهم حاجه الخراط والميكانيكى وتجيب قطع غيار اصليه

ديه نصيحتى ليك

وعموما لو برضوا مصمم على استيراد يبقى اعمله طقم شمبر قبل ما تركبة علشان يعيش معاك

رد: موتور الفيرنا

صلح موتورك القديم بس مش عند الميكانيكى اللى بيقوللك هات استراد
ومش اى حد بيعرف يفك موتور الفيرنا ويرجعه تانى

رد: موتور الفيرنا

شكرا للاستاذ sayed والاستاذ Hisham.Elgazzar على الأراء القيمة وانا فعلا ميال لرأيكم بس انا روحت النهاردة لميكانيكي تاني والميكانيكي ده كويس جدا وصنايعي كشف على الموتور وقالي ان الموتور بيرزع وخفيف وصوته عالي عشان عايز تغيير كوستبانات وتغيير طلمبة الزيت وكمان تغيير غطاء "التاكيهات" طبعا الفيرنا مفيهاش تاكيهات بس هو الغطاء اللي فوق عند غطاء الزيت وكل ده ولسه هيتعمل عمرة مع الحاجات دي، فقالي كده انت هتدخل في مصاريف كتير والاحسن تجيب موتور استيراد، وانا دلوقتي مش عارف اعمل ايه؟ عمرة ولا موتور استيراد

رد: موتور الفيرنا

النهاردة فكيت الموتور وطلع محتاج الأتي وطبعا سألت على اسعارهم:
وش سلندر استيراد بغطاء التاكيهات ب 1200 وممكن يخلص ب 1000
طقم بستم جي ام اصلي 350 جنيه
طقم سبيكة 160 جنيه
طقم شنبر 140 جنيه
طقم شميز 160 جنيه
طقم جوانات 140 جنيه
الاسعار دي من محل واحد وبكرة هأسال في التوفيقية
خراطة 450 جنيه

إجمالي 2400
وتقريبا الميكانيكي نسي طرمبة الزيت فبكرة هتأكد من تغييرها ولا مش محتاجة وغالبا هنغيرها

وسألت على شورت بلوك ب 2300 بس موتور اسمه افانتي خليجي موديل تقريبا 97 او 98

وطبعا هيتغير شوية حاجات كمان ودول مشترك إذا كان عمرة أو شورت بلوك وهما:
سير كاتينة 90 جنيه
2 بلية كاتينة مش عارف السعر
طقم دبرياج 350 جنيه
بوجيهات 50 جنيه
طقم سلك بوجيهات 40 جنيه
زيت موتور
فلتر زيت

ما رأيكم؟