المشاركة الأصلية كتبت بواسطة AbOnOrA (المشاركة 779249)

والله قلبى عندك بابا يظهر بيربيكى مش بيعلمك السواقة بس :ROFL_C~118:

بس عموماً لو عرفتى تتأقلمى مع ال 131 هتبقى سواقه جامدة بجد لان العربيات ديه بتعلم كل حاجة سواقه وميكانيكا وصبر وكل حاجة ")

لكن لو انا مكان والدك كنت جبتلك كيا برايد او بولو الحاجات ديه سواقتها ناعمة وكماليات ادمية وعملية جداً عن ال 131

اما موضوع الانسر ده فاعتقد انه لسه مش وقته لما تتمكنى شوية الاول

المشاركة الأصلية كتبت بواسطة michohat (المشاركة 779255)

من ناحيه العربية ف 131 كويسة
ولكن من وصف حضرتك لحاله العربية من الواضح ان العربية عاوزة شغل كتير علشان تبقى مظبوطه و مش تكون هم في السواقه

فممكن حضرتك تقولي كل المشاكل اللي حضرتك قابلتيها لوالد حضرتك ويشوف ميكانيكي يعملها ليكي
( دركسيون ال 131 مش خفيف قوي هو بيقولوا عليه نص باور او هاف باور)
الحدفه غالبا ظبط زوايا
بعض العربيات بتنزل فيها تكييف ولكن الاغلبيه لا
الفيتيس لازم حد يشوفه لان حضرتك بتقولي تقيل فدي ليها اكتر من احتمال ( زيت الفيتيس - اسطوانه الدبرياج )
صوت الماتور عالي احتمال لان لسه رجلك مش مضبوطه على العربية او الماتور فعلا مش مضبوط
او مضبوط والعزل اللي بين الماتور والصالون مش مضبوط وواقع

تكارك العربية علشان تحضر بنزين وتدور ده عادي دوسه مره واتنين وثلاثة لان العربية كاربراتير

لازم تخلي الوالد يظبطها ليكي علشان تسوقيها بدون مشاكل اهم حاجه تخليه يظبطها ال موتور والعفشة

المشاركة الأصلية كتبت بواسطة RaNoOoNa (المشاركة 779241)

فيدونى اعمل اييه فى الكارثة اللى انا فيها دى


القيها عربية فيات 131 :pty: طالع عين ابوها
جربت اسوقها .. ايه ده ؟!!!
اولا : الدركسيون تقيييييييييل بطريقة مش طبيعية
ثانيا : عربية بتحدف منى يمين و شمال مع نفسها
ثالثا : مافيهاش ولا تكييف ولا باور
رابعا : لما بكون على التانى و عايزة انقل على التالت مبيجيييش غير بخناق لدرجة انى بحس ان الفتيس هطلع فى ايدى
خامسا : صوت الماتور عالى اوووووى .. و كأنى سايقة جرار
سادسا : لما بدور العربية لازم اكارك (ادوس على البنزين كذا مرة ) علشان تدوور
سابعا : ركنة العربية .. ايه جدعان ده :O حاسة انى بركن مقطورة

من الاخر مش عارفة اتعامل معاها نهائى و بابا بيقولى انتى كدا مش بتعرفى تسوقى

فى انا بفكر اجيب لانسر مو 2008 هى معروضة عليا دلوقتى ب 80000 جنيه
اتوماتيك و باور و زى الفل و امشى بيها و اتعلم عليها
لكن بابا بيقولى كل اللى بيبتدى يسوق لازم يبتدى على عربية قديمة عشان مهما خبط فيها فهى بملاليم لكن فى جديد بتكلف

و فى مشكلة اكبر هى انى مشاويرى كلها مش داخل المدينة كل مشى على محور و دائرى عشان الجامعة ازاى بقى اروح ب 131 على المحور ؟!! طب لو عطلت منى اعمل ايه

حد يفهمنى اعمل ايه عشان اتعلم اسوق وسط الزحمة عشان بجد تعبت و جالى عقد من السواقة :w6w200504112220146b

سورى انى طولت شوية بس من همى بفضفض

المشاركة الأصلية كتبت بواسطة mhamdy75 (المشاركة 779275)