رد: نيساان ... وقصتي مع ابو رواش وصيانه 50 الف
 

رد: نيساان ... وقصتي مع ابو رواش وصيانه 50 الف
 

الحقيقة يا دكتور محمد انا مش عارف اقولك ايه انت احتملت منهم ما لايطاق كان الله فى عونك ، وطبعا مش هقولك غير ان دول ناس مش محترمين لكن ده لأن مفيش شركات فى مصر تعرف يعنى ايه عميل غير وقت الشراء بعد كده العميل ده بيتحول الى عميل درجة تالته ميفرقش معاهم فى حاجة ، قضتك بتقول منتهى قلة الذوق و الاستهتار و اللامبالاة من الشركة و من كل العاملين فيها .
انا عارف كويس ان كل ده انت حاسس بيه و ان الطرق اللى قدامك محدودة و ان انت مضطر تمشى معاهم للاخر لكن برده الموضوع لو تقدر انك تكمل الشكوى فى حماية المستهلك كمل ، لو تقدر تراسل نيسان الأم بكل التفاصيل راسلهم ، لو حتى عندك وقت او طاقة و تقدر تعملهم محضر فى القسم اعملهم لأن بجد الناس دى لازم تاخد درس على كل البهدله اللى بهدلوهالك دى .

رد: نيساان ... وقصتي مع ابو رواش وصيانه 50 الف
 

رد: نيساان ... وقصتي مع ابو رواش وصيانه 50 الف
 

بجد يادكتور انا احسدك على هدوء اعصابك وتمرير كلمه قليل الادب دى من المهندس المفروض انه شغال لخدمتك (مركز خدمه نيسان) مش صح ان ده هو الاسم انت يادكتور تكمل شكواك فيهم وتجيب كل المستندات اللى تدعم موقفك وابعت للشركه الام وانشر موضوعك ده فى كل منتديات السيارت لازم تاخد حقك وخلى الاسماء بتاع المهندسين دول واضحه وبلون مختلف يعنى اعمل لهم فضايح وبعدين هى 22 سنه دى بقت شتيمه اليومين دول ربنا معاك:GROWIN~12:

رد: نيساان ... وقصتي مع ابو رواش وصيانه 50 الف
 

أخي الفاضل ، ديه بقت سمة التوكيلات في مصر ، بس صدقني مش كلهم ، المهم علشان حضرتك تاخد حقك ، إعمل التالي ( وبالمناسبة الطريقة ديه متجربة ) :
1 - حضر كل ورق العربية والصيانة وكل ورقة ذكر فيها إنك بتشتكي من حاجة فيها وصوره .
2 - صور رخصة العربية إللي مثبوت فيها موديل العربية 2010 .
3 - إعمل شكوي علي النت بكل حاجة حصلت فيها بالتفصيل ، وإذكر فيها قله الذوق بتاعت التوكيل والمهندسين الموجودين فيه وترجمها الي الإنجليزيه واليابانيه ، وإبعتها للشركة الأم ، وإذكر ليهم إنك حتنشر الشكوي ديه علي منتديات السيارات المحلية والدولية ، وحتنشرها في جرايدهم بالإيميل ، وحتعرضها علي لجنه هندسية محلية ودوليه ، وحترفع عليهم قضية سواء علي الشركة الأم أو الوكيل المصري .
4 - إعمل توكيل لمحامي كويس في الشهر العقاري وده حيكلفك 35 جنيه ونصف ساعة من وقتك ، وخليه يبعت ليهم إنذار لصاحب الشركة بعدم صلاحيه السياره وعدم مطابقتها للمواصفات القياسية والهندسية ، ويطالبهم بتغييرها وتعويض يساوي مبلغ السياره ، ده غير النشر في الجرائد الرسمية وخصوصا المهتمة بالسيارات .
4 - إبعت نسخة من كل ده برضة بالإيميل للوكيل المصري وإرفق بيه كل صور الشكاوي بتاعتك ، وإرفق بيه الشكوي بالإنجليزي والياباني ،وعرفه إنك حترفع قضية ، وكده كده إنت بتصرف والعربية واقفه ، فخليها عليا وعلي أعدائي ، ويشوفوا الدكتور أبو 22 سنه حيعمل فيهم إيه .
وإن شاء الله يادكتور هما حيخافوا علي سمعتهم وحيعملوا لحضرتك كل حاجة إنتي عايزها ، وخصوصا لما يلاقوا الموضوع جد وفيه إنذار وقضية ومحاكم .
وبالتوفيق