رد: نصيحة فى شراء باسات
 

وعليكم السلام ورحمة الله وبركاته
المشاكل اللي في الفتيس ظهرت مع نزول المحركات ال 1400 تربو يعني من أواخر موديل 2009..و المشاكل بتنحصر في حاجتين 1- قطعة الميكاترونكس 2- طقم الدبرياج
قبل كده يعني 2006 الى منتصف 2009 العربية كانت بتنزل بمحرك 1600 FSI بس شرط اساسي 95 علشان تاخد اداء منه انك تحط 95 غير كده بتبقى العربية بطة بلدي
هناك فرق رهيب في الأداء ما بين المحركين طبعا لصالح ال 1400 تربو
لو حضرتك عجباك الباسات من هذا النوع(1400 تربو) و عايز تشتريها حيبقى بشروط أساسية
1- أنها تكون فابريكة كلها (ما تكونش حتى راشة إكصدام)
2- أنها تكون بتعمل صيانات منتظمة في التوكيل
3- يستحسن إنها تكون غيرت وحدة الميكاترونكس علشان الجديده ما بتبوظش بسهوله
العربية طالما سليمة و بتعمل الصيانات بانتظام في التوكيل يبقى هما ملتزمين باصلاحها حتى لو انتهى الضمان طبقا لسياسة الشركة الأم