رد: متابعه يوم بيوم ل فك ماتور و عمل طقم شنبر
 

السلام عليكم ورحمة الله وبركاتة
اخى الكريم مصننعية عامرة كاملة 300 جنية لو اعتبرنا ان طقم الشنبر هو نفس العمرة يبقى 300 جنية
الموتور ممكن يتعمل وهو راكب عادى جدا بيفك البيلات من تحت ويطلع بالبستم كامل بالبيل ودى هاتكون اسهل لة واسرع ليك
الشكمان تغيرة بعد اما تعمل عمرة عشان ما يغرقش زيت من الموتور القديم
نفس الكلام للكاوتش مش فارق بس يستحسن بعد العمرة
نيجى بقى لاهم نقطة وهى السؤال لو حكمت فوق لازم تحكم تحت ولا لا واجيز الرد فى الكلام التالى
موتور عربيتك وحدة واحدة وعمر تشغيلى واحد يعنى الموتور كولة كومباتبول مع بعض تعالى نسال نفسنا سؤال لية طقم الشنبر تاكل مع جدار الشميز وسبيكة الكرنك زى ما هى وكويسة ومحكومة والكلام دة لية؟ مع ان عدد ساعات التشغيل واحدة فاكيد ان طالما الشنبر تاكل يبقى الموتور كولة حالة واحدة مع بعض والحل من وجهه نظرى لو مش عاوز تفتح على نفسك تجيب طقم سبيكة نوع مصانع حربية لانها الافضل فى السوق وتقريبا الطقم عامل لعربيتك 120 جنية بدون خرط كرنك
بالنسبة لطقم الشنبر هات البرازيلى
بالنسبة لموضوع الكارونا سيبك خالص من الاصلاح واعتقد ان افضل حل ليك هو كارونا التويوتا وانا عارف ان فى ناس جربتها وشغالة زى الفل

رد: متابعه يوم بيوم ل فك ماتور و عمل طقم شنبر
 

من واقع التجربة الشخصية فإن عمل شمبر فقط بدون تغيير طقم السبايك عمل فاشل بكل المقاييسوانا جربتة ورجعت حليت الموتور تانى وعملت عمرة كاملة ، ولكن وصف حضرتك لكمية الزيت المفقودة يؤكد ان المشكلة الاساسية فى حاجة اسمها دليل الصباب ودة عامل كدة زى السكس بلف دة بيحصل زى ما كان عندى انة بيتشرخ فبينقص الزيت من الموتور بكمية كبيرة جدا ، بدليل ان الموتور كلة بيبقى مفوت وجايب اخرة وبينقص بالكتير نص كيلو كل 3000او 4000كم، ولما نحسبها نلاقيك هتصرف حوالى 4000،5000 ج فى الموضوع دة ومش هتلاقيهم لو فكرت تبيع فى نفس الشهر اللى عمرتها فية مابالك بعد سنة او اتنين ، نصيحتى من واقع تجربتى الشخصية اخلع من الموديلات القديمة واضف تكلفة الصيانة الى ثمن السيارة واشترى عربية تانية تكون حالتحا احسن او لو غاوى نفس النوع اشترى واحدة لسة مشدودة هتاخدها صدقنى بتمن عربيتك من غير اى صيانة وتبقى وفرت فلوسك وقرف الصنايعية

رد: متابعه يوم بيوم ل فك ماتور و عمل طقم شنبر
 

الزيت عندي مش بيطلع من اي مكان غير من خرطوم الفايظ على شكل بخار يعني لون العادم مش اتغير فهل برضه يبقي دليل الصباب هوا المشكله؟

رد: متابعه يوم بيوم ل فك ماتور و عمل طقم شنبر
 

دة بيأكد كلامى فى الحالة دى بيبقة البخر من خرطوم الفايظ ومش واضح غى العادم لأن الصبابات كويسة والاورسيلات بتاعتها وعموما حتى دليل الصباب علشان يتصلح لازم وش السلندر يطلع ولما يطلع لازم شمبر جديد وطقم سبيكة ينى تعددت الاسباب والعمرة واحدة ههههههههههههههههههههههههه

رد: متابعه يوم بيوم ل فك ماتور و عمل طقم شنبر
 

لا كده العيب شنبر فقط

وكده مفيش مشكله فى الدلايل ولا الصبابات

ولكن ............

طالما هتحل لتغيير الشنبر

يبقى يجب تعمل روديه

وطالما هتعمل روديه

يبقى لازم تغير كاوتش صباب

على فكره

طقم كاوتش الصباب رخيص

بكتيره عندك ( حوالى 40 ج )

ولا يشترط تغيير سبايك الكرنك طالما حالتها جيده وركب الكرنك تمام

________________

300 ج

كويس جدا للصنايعى

كطقم شنبر وروديه

وكله يتعمل ومكنتك راكبه مكانها بحوض المكنه