رد: يوميات رينو رينبو ... اسعار قطع غيار وكل شيئ عنها
 

انا جبتها موديل 97 كماليات شغاله تكييف شغال بـ25500

رد: يوميات رينو رينبو ... اسعار قطع غيار وكل شيئ عنها
 

يوم السبت 7/5/2011 كنت بغير سلك السرعة وللاسف الراجل اللي اشتريت منه العربيه كان مفهمني ان السلك يا دوب محتاج يتركب فانا بحسن نية صدقته فعندما بدأت عملية تركيب او تغير السلك لاني جبت سلك جديد وكذلك بيبة سرعة جديدة كل بتوع الفتيس وكل ميكانيكية الرينو قالولي ان تركيب السلك في حالة تكسر البيبة البلاستيكية الموجودة بالفتيس سوف يضطرنا لتفوير او( فك) الفتيس ثم اعادة تجميعة ولن يعود كما كان وان عداد السرعة احتمال كبير ميشتغلش
وكمان كشفت ع الفتيس فوجدته مكسور وبيجيب زيت فلهذا قررت ان اشتري فتيس جديد فسالت في كذا مكان لقيته تقريبا بنفس السعر يعني مثلا عند زعتر بتاع جسر السويس بـ700 جنية وفي شركة بوخارست بتاعت حمامات القبة وشارع بورسعيد بـ 750 فقررت انزل الوكالة في واحد هناك متخصص في الرينو دخلت الوكالة من عند الكورنيش فسالت فطبعا لقطني سمسار من بتوع الوكالة فراح سال وقالي بـ 800 جنية فقولتله هم 600 مفيش غيرهم فقال انا كده خسران فقولتله انا هروح اجيبة من المحل احسن خصوصا اني شوفته وهو بيجيبة من المحل فعرفت المكان فلما سالت في المحل بعد فصال وصل لـ 650 جنية فالسمسار قالي انا هجيبهولك بـ 625 جنية بس امشي فطبعا وافقت لانه فيها وفر ... المهم الميكانيكي كان مبسوط جدا بالسعر وقالي دا ارخص من بتاع الـ127 الفيورا "هذا من فضل ربي " المهم ان شاء الله انا هجيبلكم تليفون وعنوان التاجر بتاع الوكالة لانه عنده كمية قطع غيار استيراد رهيبه
.... الى اللقاء في الحلقة القادمة
اخوكم / احمد عبدالحكم

رد: يوميات رينو رينبو ... اسعار قطع غيار وكل شيئ عنها
 

ياريت رقم تليفون حد محترم ف القاهرة عاوز اجيب الفتيس ......... انا من الزقازيق

والعربية قارفاني ......... هي حلوة وكل حاجة بس مش لبتوع الزقازيق عشان قطع الغيار

رد: يوميات رينو رينبو ... اسعار قطع غيار وكل شيئ عنها
 

محدش عاوز يرد :cry2W9:

رد: يوميات رينو رينبو ... اسعار قطع غيار وكل شيئ عنها
 

جزاك الله كل خير استاذ عبد الحكم
ياريت حضرتك تجيب نمره التليفون بتاعت التاجر في قصتك الاخيره
ربنا يجزاك عنا كل خير