رد: ان شاء الله نويت اشتري opel vectra b2 2002
 

لا كولة الا القرض
اما اننا ناخد بكلام استذنا CARSADMIRE فى زيرو او كسر زيرو على اد فلوسنا
او اننا نجيب
بى 1 CD اوتو 2000 سي سي الموتور الاسود احادى الحقن هتلاقيها فى رنج المبلغ اللى معاك
لان الـ CDX اعتقد اقل حاجة فيها 60 الف
لو هاتجيب وتغير موتور بيركب عليها الـ 1600 ايكوتيك اوتو 101 حصان اللى بينزل فى الاسترا
بس غالى وبينى وبينك اللعب فى العربية بينزل من تمنها اوى وخصوصا ان الموتور دة مشهور ان الكنترول بتاعة بيحصلة مشاكل

حاجة محيرة صح
وخصوصا ان الاوبل تكييفها ضعيف ووحدة الـ ABS تملها تبوظ ونقول الصراحة ان صالونها مش بوسع حجم العربية
فى مقابل ثبات وخدمة شاقة وشكل وبرند نايم وحاجات كتير حلوة ........ اية الحل

رد: ان شاء الله نويت اشتري opel vectra b2 2002
 

بالنسبة للقرض ان شاء الله مفيش فيه شبهه حرمانية لاني هقترض من شخص قريب لي وسأسدد بدون فائدة علشان كده عاوز اقترض أقل مبلغ ممكن

بالنسبة للزيرو فهو هيعلي لي مبلغ القرض شوية وكمان مش محب لعربيات الصيني الصنع لاني ان شاء الله لا نيه لي في بيع ما اشترية حاليا لفتره قد تتجاوز ال 5 سنوات
سبب تعلقي بالاوبل هو انها الماني و عربيتي السابقة 131 كانت الماني الصنع وكنت الاحظ فرق بينها وبين اي 131 كنت بركبها
واسم الاوبل كاسم له وزنه اعتقد وان العربية من فتره كبيرة وهيا حافظة مكانها في السوق ( ع الرغم من انتشار الكوري)
معلومه ان تكييف الاوبل ضعيف دي جديده عليا هل ضعيف بمعنى انه مش بيوصل للكنبة الخلفية ولا بمعنى ايه؟
ووحده ال abs مالها

كنترول الاوتو كنت قرأت انه بيتعمل له عزل عن حرارة الموتور وكان ذكر اخوان مقار واعتقد ان سعر العزل 250 جنيه

معنى ان صالونها مش بنفس حجم العربية هل معناها ان الصالون مش واسع؟

انا رحت للاوبل علشان تكون سيارة عائلة بالنسبة لي وعلشان اقدر آآمن على عيلتي وانا راكبها

رد: ان شاء الله نويت اشتري opel vectra b2 2002
 

والله العظيم نفس تفكيرى بالظبط
لانى فى نفس حيرتك ودماغى رايحة اوى للاوبل عشان عربية محترمة وتحس فيها بالامان عن الكورى والصينى
وانا بكلمك وارد عليك انا بكرر الكلام لنفسي لانى مش عارف اخد قرار
اصل لو حبينا نجيب اوبلاية يبقى تيجى اوتو وعشان تيجى اوتو لازم تكون 2000 سي سي ......... طب دعم البنزين هانعمل فية اية ؟
وفعلا تكييفها هو سىء ضعيف اوى وبيبوظ على طول لدرجة ان فى فنيين تكييف مش بيرضو يشتغلوا فيها تجنبا للمشاكل
ووحدة الـ ABS مشكلة مشهورة اوى فيها
وصالونها اولا فقير وثانيا مش رحب او مش واسع مع ان العربية كبيرة
ما تحاول تشوف حد معرفة معاة اوبل تركبها تجربة عشان تعرف تاخد قرار طالما عربية اسرية
انا عن نفسي بحس انة ضيق والناس مش هاتكون مرتاحة خصوصا فى السفر

رد: ان شاء الله نويت اشتري opel vectra b2 2002
 

طب انت عارف
لما بيكون معايا سبرانزا 516
الصالون بحر
فعلا واسعة جدا جدا جدا
وشنطتها بتاخد اى حاجة لو جايب حاجات الاسبوع كولة برضة الشنطة زى الفل
لا واية
التكييف بتعها والله احسن من اليابانى
فرامل زى الفل وثبات معقول جدا وفى فرق موديل حوالى 8 سنين
وبفلوس اقل
طب ما الواحد يشترى دماغة من مشاكل هى حتمية لازم تحصل
انت اية رايك

يبقى ليه لاء بقى ؟؟!بيجو 405! بريستيج اوتوماتيك 2000 سى سى دفع امامى
 

طيب طالما دوخة بدوخة وقطع غيار غالية ومشاكل بمشاكل !:shwt:! يبقى ليه لاء بقى ؟؟!بيجو 405! بريستيج اوتوماتيك 2000 سى سى دفع امامى:shwt:. او بيجو 405 روا 1600 سى سى مانيوال دفع خلفى !!
http://www.carfolio.com/images/dbima...1/405mil6-.jpg

http://www.carsguide.com.au/images/u...Dumble-1LR.jpg

http://carphotos.cardomain.com/ride_...0012_large.jpg

انظر الرابط

http://www.mk3oc.com/forum/showthrea...5-MI16x4/page2
:Bravo::Bravo::Bravo::Bra vo: