رد: مغامرات أبو كمال فى الصحارى و الجبال من الكويت لمصر
اقتباس:
مساء الخير يا ابو كمال .... انا كنت عاوز اسألك عن موضوع حجز العبارة من الكويت بيكون ازاي و منين؟؟؟ و ياريت كمان لو تديني رقم تليفون أمين الشرطة ده يبقى كتر خيرك جدا ... انا قررت اني انزل عن طريق العقبة |
رد: مغامرات أبو كمال فى الصحارى و الجبال من الكويت لمصر
اقتباس:
تروح و ترجع بالف سلامة ان شاء الله و على فكرة انا عدلت موعد نزولى و هنزل قبل المدرسين باسبوع يعنى يوم 24 - 6 إن شاء الله بالنسبة لحجز العبارة بيكون من مكتب النادى الاهلى الكويتى و هو نفس المكان اللى بتعمل منه دفتر التربتك و مكانه فى الكويت أمام مطافى الكويت فى شارع الشهداء اللى هو فيه محلات الموبايلات و زينة السيارات فوق البنك اللى قدام المطافى تقريبا هو بنك الخليج على ما اتذكر او الكويت و الشرق الاوسط.. مش فاكر بالظبط أما عن رقم أمين الشرطة هبعتهولك على الخاص يا باشا |
رد: مغامرات أبو كمال فى الصحارى و الجبال من الكويت لمصر
صباح الخير الأخ أبو كمال
انا رجعت مرة تانية كنت بسأل عن موضوع العودة مش هتكتبه عشان نستفيد منك وجزاك الله خيرا بالنسبالنا قررنا خلاص نسافر بر.. وزوجي جاب سيارة باجيرو 2002 حالتها كويسة تبارك الرحمن وبدأنا نستعد كنت عيزة بس رقم أمين الشرطة إذا ما عندك مانع وتاني حاجة زوجي قالي ابئي اسألي عن موضوع العبارة الي بتوصل السويس !! انا مفهمتش قصده بس هو بيقولي الطريق دة اسهل وفي حاجة كمان.. هو احنا لما نحجز العبارة من هنا.. افرض اتأخرنا لأي سبب بتروح علينا التذاكر ولا ايه الي بيحصل بالظبط وشكرا ليك بجد مليون مرة على المساعدة |
رد: مغامرات أبو كمال فى الصحارى و الجبال من الكويت لمصر
اقتباس:
صباح الخير عليكى أختى العزيزة والله موضوع العودة مكتوب بنسبة 80% ,, للأسف كل ما آجى اكمله ماعرفش علشان العيال مجنينى... بس ان شاء الله أخلصه قريبا جدا و ألف مبروك على العربية ربنا يديكو خيرها و يكفيكوا شرها يا رب.. بس جوز حضرتك يعمل تشييك سريع عليها برده و يظبطها قبل السفر إن شاء الله .. و مهم قوى التشييك على الكاوتش (العجل ) و تروحوا و ترجعوا بألف سلامة إن شاء الله ... و أنا إن شاء الله نازل مبدئيا يوم 24 /6 يعنى بعد شهر و نص تقريبا و طبعا معايا العائلة ... لو ظبطوا مواعيدكو ممكن ننزل مع بعض ان شاء الله رقم أمين الشرطة هبعته لحضرتك على الخاص أما بالنسبة لعبارة السويس على ما اعتقد انها بتطلع من ضبا و ليس من العقبة بس دى مواعيدها محدودة و بتاخد وقت كبير جدا فى الرحلة و ماعرفش تفاصيل عنها بصراحة و طبعا حجز العبارة مابيروحش ولا حاجة فى حالة التأخير لأن حضرتك كدة كدة لازم تأكديه من العقبة قبل ما تطلعوا العبارة و انا تحت أمر حضرتك فى اى وقت |
رد: مغامرات أبو كمال فى الصحارى و الجبال من الكويت لمصر
اقتباس:
|
الساعة الآن 04:29 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017