رد: عايزين مقابله فى نصف السنه فى الاسكندريه
 

السادة الاعضاء الكرام
السلام عليكم ورحمة اللة وبركاتة ,
نظرا لسوء الاحوال بالبلد سواء بالقاهرة و الاسكندرية ومعظم المحافظات وما يتبعة من قيام المتظاهرين اغلاق للطرق فقد قررت بعد تفكير عميق وانا فى غاية الاسف والحزن عدم حضورى مقابلة يوم الجمعة القادمة 1/2/2013 لانى سأكون قادما من القاهرة وسأقوم بالرجوع فى نفس اليوم مما يزيد المخاطر اكثر واكثر .
وكم كنت اتمنى مقابلتكم للتشرف بمعرفتكم والتزود من علمكم ولكن ظروف البلد صعبة جدا .
واننى اتمنى لكم من كل قلبى مقابلة موفقة .
مع تمنياتى للجميع بالصحة والعافية والسلامة .
حفظ اللة مصر والمصريين من كل مكروة
وتحياتى للجميع

رد: عايزين مقابله فى نصف السنه فى الاسكندريه
 

ليه بس كده ان شاء الله هيكون الاوضاع اتحسنت على الجمعه الى جى ان شاء الله وبعدين انا اه من صغر سنى وانا مليش فى السياسه ابدا بكره الكلمه دى ولا متابع اى حاجه ومش عايز اتابع وعايش حياتى ذى مانا عيزها مش ذى مالناس عايزه يعنى عايش بحريتى انزل اطلع برحتى ملناش دعوه بيهم هما عيزين يخربوا البلد بايديهم يخربوها وفى الا خر يشتموا الرئيس محمد مرسى على انه مش بيعمل حاجه فانا خلاص كرهت كده ومش بتابع خلاص وبعدين ممكن حضرتك تقولنا حضرتك منين وانا هقول لحضرتك على طريق كويس ان شاء الله

رد: عايزين مقابله فى نصف السنه فى الاسكندريه
 

عزيزى استاذ محمد
يارب الاوضاع تتحسن ولكن .............ما اظنش البلد سابت
انا ماليش فى السياسة ومش بحبها بس المشكلة فى غلق الطرق وشغل البلطجة والتثبيت فى وضح النهار وممكن تصل للقتل الاسلحة بقت فى ايدى الكل وانا مش بعرف اسيطر على اعصابى كويس الا لما يكون الاولاد معايا فى العربية بسكت واحط جزمة برقبة فى فمى
انا اسكن بمدينة السلام على الطريق الدائرى واعرف الطريق كويس للاسكندرية ولكن المشكلة فى قطع الطرق للمطالب السياسية لو دة حصل هتبقى بهدلة وخصوصا انى مش هكون لوحدى الاولاد معايا و قالو رجلنا على رجليك (يا نعيش عيشة فل لانموت احنا الكل )

رد: عايزين مقابله فى نصف السنه فى الاسكندريه
 

لأ يا أستاز وائل بلاش المشوار ده خالص الطريق اساسا وحش وزحمة
وبعدين الظروف اليومين دول مش مظبطة لو افترضنا انك اخدت الطريق الزراعى بدل الصحراوى هتلاقى متاهات وزحمة
انا كنت فى البحيرة الأسبوع اللى فات ومع الأسف الطريق كان بهدلة ونا رايح وقلة ادب المكروباص وبتوع النقل و 3/4 نقل
الأفضل المقابلة تتلغى إلى أجل غير مسمى

وده رأيى الشخصى عشان محدش يزعل مع العلم انى بسافر كتير لكن فعلا اليومين دول ربنا يستر

رد: عايزين مقابله فى نصف السنه فى الاسكندريه
 

السلام عليكم
شكرا للرد ولكن بما ان موقعنا مصر موتورز وهو خاص بالسيارات وان اهم شى بالسيارة هو انظمة الامان بالسيارة ( والمقابلة ستكون بعيدة نسبيا عنا وامان الاعضاء مهم ايضا ) ومع تزايد الانفلات الامنى فى كل مكان أنا حاسس بخطر متزايد من المشوار
علشان كدة انا اعتذرت بكل اسف برغم فرحى للمقابلة
عموما ربنا يهدى والامور تهدا
تحياتىلك