رد: عملت كام حادثة مع الستات في حياتك؟
 

انا مرة كنت نازلة من كوبرى 15 مايو وفى طريقى للمحور الطريق كان مفتوح و انا جايبة ال 80 فجأة لقيت واحدة فى منزل الكوبرى وقفت مرة واحدة ايه السبب امووووووت و اعرف و طبعا انا وراها ملحقتش افرمل اوى مع ان عربية زحفت جامد رحت داخلة فيها من ورا بس الحمدلله هى طار الفانوس بتاعها اللى ورا وانا الاكصدام بتاعى اتقشر بس .. مع انى فكرت انى اتفاديها و احود يمين بس للاسف العربية كانت قريبة منها اوى و بصيت فى المرايا لقيت فى حد جاى بسرعة .. المهم نازلة عمالة تزعق فيا و اقولها انتى ايه اللى وقفك فى نص الطريق مرة واحدة تقولى اصلى على منزل لازم اهدى اقولها ماشى هدى بس متقفيش تقولى ماهى العربية اللى وقفت مرة واحدة الهانم باين عليها داست على الفرامل للاخر عشان كدا وقفت

ولقتها عمالة تزعق قلتلها بقولك ايه انا مش فايقالك على الصبح رحت واخدة عربيتى وسبتها عمالة تولول على الفانوس .. مع انى انا بنت انا كمان ليا اخطاء بس اخطائى تنحصر فى المرايات بس :D

رد: عملت كام حادثة مع الستات في حياتك؟
 

ربنا يسترها معانا من الرجالة الكبيرة و البنات , :D , بس برضو في بنات كدا تلاقيها فاتحه جامد و بتغرز و تيجي تاخد غورزه اودامي بس انا بقول فكك بكرا تكبر و تعقل

رد: عملت كام حادثة مع الستات في حياتك؟
 

بصراحه من اساسيات القياده اللي والدي علمها لي من وانا صغير كانت اول حاجه المرايات تاني حاجه علي طووووول لا امشي قدام او ورا او جنب اي واحده ست ولا حتي اركن جنبهم ولو حصل واضطريت اركن جنب واحده ست بقيت اخلي العربيه دايره اول ما تبدأ تتحرك ابدأ انا واصلح يعني بترجع لورا ابعد عنها او بتطلع لقدام اطلع اوسع لها

والحمد لله عشان بابعد عن الستات محصلش منهم حاجه ليا الا مره واااحده كنت علي طريق زراعي سريع وباعدي من عربيه لقيت العربيه كاسره عليا يمين جاااااااامد ابعد عنها الاقيها تيجي عليا لحد ما كنت هاطلع ع التراب الللي بره الطريق عملت كيك داون وقرصت وعديت وبعد ما عديت بقت العربيه ورايا اديت انتظاااار وهديت براحه عشان اللي ورايا تهدي لحد ما وقفنا ونزلت عشان امسح بكرامه اللي سايق الارض مكنتش اعرف اصلا انها بنت والعربيه كانت بيكانتو بصيت لقيت نازله من العربيه بنووووته اموووووره قوووووي بصراحه دووووووووخت وهديت اكني اخدت مخدرررر واتغير اسلوبي خااااالص كان معايا صاحبي ضحك عليا من طريقه كلامي باقول لها ينفع كده كنتي هتعوري نفسك ؟؟ ياااا حنيييييييييين المهم قالت لي ما شوفتكش ف المرايه
بس الللي لفت نظري ان المرايات الجنب ااتنين مقفولين طب هم معمولين ودان حمار يعني فتحتهم لها وقلت لها ابقي بصي ف المرايتين قبل ما تغيري الحاره شكرتني وميرسي ربنا يخليك ومشينا ومن يومها صاحبي ده وهو ماسكها عليا زله ويقولي ياد حتت بنت حلوه كانت هتموتك وخلتك تنزل تطمن عليها هههههههه

رد: عملت كام حادثة مع الستات في حياتك؟
 

رد: عملت كام حادثة مع الستات في حياتك؟
 

هما عيبهم انهم كتير بيسرحوا فى السواقة