مصر موتورز مجتمع السيارات - محبى و مالكى الريجاتا

لكربراتير : ازاي تنضف الكربراتير بنفسك من الالف للياء الشرح على نوعين كربراتير بتوع الريجاتا .. " للمحترفين واللى قلبهم جامد " الاشباح فقط .
الكربراتير ف الريجاتا نوعين مدور ومربع وف الاتنين الاختلافات بسيطة .
1 - هتفك العمة .. بعدها هتفك 4 مسامير بتوع الكربراتير بيبة 13 . يجيب مرعاة الفك بحرص لعدم ضياع اي مسمار
2 - هتحط فوطة او اي حاجة ف المانفول عشان ميدخلش تراب جوة المانفول ومنة للبساتم . ودي حاجة مش بيعملها الصنايعي اساسا بيكبر دماغة " صورة رقم 1 "
3 - فى الكربراتير المدور هتفك المسمارين اللى ظاهرين دول فى الصورة رقم 3 . فى الكربراتير المربع هتفك 4 مسامير عادة موجودين 2 فوق و2 تحت " صورة رقم 2 "
4 - الوش هيطلع معاك يراعي الحرص وانت بترفع الوش عشان الجوان ميتقطعش .. ويفضل تغيير الجوان بجديد عموما يعني بعد ما تفك تجيب زية " صورة رقم 3
5 - هتفك الابرة ف الصورة رقم 4 فية بنز هتلاقية ف الجمب شيلة ببنسة رفيعة ببوز هيطلع معاك الابرة
6 - فك الالبكات واحداّ تلو الاخر مش كلهم مع بعض عشان متنساش وتركب واحد مكان التاني .. فك الاول بتاع الهوا ونضفة بأسباري زي الصور وركبة وبعدها خش ف اللى بعدة وهكذا صورة رقم 5
7 - لو فية كومبرسور هوا يكون افضل مفيش يبقي هتستخدم منظف الكربراتير ومتبدء ترش كل الاجزاء اللى ف الصورة القادمة .. ويكون معاك ابرة رفيعة او دبوس رفيع ودخل الابرة في مجاري البنزين الموجودة ف الصور وبعد الابرة اديها اسبري كربراتير
7-1- نضف الرشاشات عند طريق فكها ببنسة لفوق " مينفعش تلفها لان لها مكان بشفة بتركب فية " نضف الاول بضغط هوا او بأبرة رفيعة البوز والمدخل بتاعة ثم اسباري لحد ما تلاقي الرشاش بيرش اسبراي كدة يبقي تمام .. صورة رقم 6 " *
8 - بعد مرحلة التضيف رجع الابرة مكانها بالعوامة .. وشيك ع العوامة شوفها مخرومة ولا شغالة .. لو مخرومة تتغير .. لو شغالة ارفع العوامة لفوق لوضع الغلق .. وابدء انفخ في مدخل البنزين " البوز اللى بيركب فية خرطوم البنزين اللى جاي من الطرمبة " انفخ فية اثناء غلق العوامة المفروض يمنع يعني تلاقي مقاومة .. لو منع يبقي تمام الابرة سليمة .. ممنعش يبقي تنزل تجيب ابرة اخت اللى معاك من اي قطع غيار
9 - تابع الشرح في الصور نفسها ..
10 - بعد انتهاء عملية التنظيف بالكامل هتبدء تركب عكس الخطوات .. اخر حاجة فكيتها هتبقي اول حاجة تربطها . لاي استفسار انا موجود .
ملحوظة مهمة : بعد تركيب الكربراتير ف العربية هدور معاك بصعوية شوية لان الكربراتير فاضي بنزين دة عادي .. بالاضافة ان العربية هتبقي " مبرجلة دة عادي لازم نظبط هوا وبنزين من جديد .. ودي نعملها شرح ف بوست لوحدة رغم انها مشروحة قبل كدة من كام سنة بس نشرح تاني
http://up.harajgulf.com/do.php?img=658254

http://up.harajgulf.com/do.php?img=658255

http://up.harajgulf.com/do.php?img=658256

http://up.harajgulf.com/do.php?img=658257

http://up.harajgulf.com/do.php?img=658258

http://up.harajgulf.com/do.php?img=658259

http://up.harajgulf.com/do.php?img=658260

http://up.harajgulf.com/do.php?img=658261

http://up.harajgulf.com/do.php?img=658262

http://up.harajgulf.com/do.php?img=658263

http://up.harajgulf.com/do.php?img=658317

http://up.harajgulf.com/do.php?img=658318

http://up.harajgulf.com/do.php?img=658319

http://up.harajgulf.com/do.php?img=658320

http://up.harajgulf.com/do.php?img=658321

http://up.harajgulf.com/do.php?img=658322

http://up.harajgulf.com/do.php?img=658323

http://up.harajgulf.com/do.php?img=658324

http://up.harajgulf.com/do.php?img=658325

http://up.harajgulf.com/do.php?img=658326