رد: تصميم موتور الاسبيرانزا ومشكلة السحب
 

معلش أنا مختلف معاك في إللي قولته .. وأحب أقول لك إن الإسبرانزا A516 سحبها شديد جدا ونفسها طويل .. ومش بالحصان والله ولكن الرك على إللي سايق العربية ومهارته وأنا شوفت بعيني أكثر من مرة ال A516 وهي بتسحب حتى حاولت أجري وراها علشان أشوف مدى سرعتها لقيتها سريعة جدا وسحبها قوي جدا .. والتجربة خير دليل .. ونسيب الحكم لملاك ال A516 علشان يردو بنفسهم .


والسلام ختام

رد: تصميم موتور الاسبيرانزا ومشكلة السحب
 

اخي العزيز

احب اوضحلك بس حاجه
بالنسبه لكلام الخبارأ في مجال السيارت
المتور عليه نسبه 40% من السحب
والوزن والتصميم ومركز الثقل عليه نسبه 60% من السحب مع توافر سواق جيد دا اكيد
وخير دليل شوف التصميمات الجديده للعربيات عموما اختلافت عن زمان ولاحظ الخطوط الحاده والدورانات الي بتخترق الهواء عشان تعلي مقومه العربيه لضغط الهواء نتيجه السرعه
والبنسبه انك لقيت العربيه الاسبرنزا بتسحب جامد فدا انا مقدرس احكم عليه بمجرد اني اشوف
يعني انا جربت
الانترا لقيتها بتطلع من الثبات الى 100 في 11 ثانيه والوبترا واللالنسر القرش في 12 ثانيه والعربيات دي اوتوماتيك
والدايو م2001 الانوس في 17 ثانيه
والفيرنا في 13.8 ث
والانسر البومه 1300 منوال في 13.5 ثانيه
والاسبرنزا في 16 ث
دا عن طريق تصوير العداد مع البيرفكت الشفنت

ممكن حضرتك تجرب الاسبرنزا لو قدرت وتشوف
صور عداد السرعه وانت تعرف زمنها قد ايه

وبرضو لازم نسمع اراء اصحاب العربيه الاسبرنزا516 في سحبها


وانا حوريك فديو تجربه للعربيه وهي بنزين من غاز من 0-100 وانت احكم

http://www.youtube.com/watch?v=JZZKi...eature=related

وفي كمان فديو لل 113 البنزين والغاز

http://www.youtube.com/watch?v=p7oysvbKvtg

وكمان دا موقع بيثبت تجربتي للسبرنزا انها بتطلع فى 16 ثانيه لو مش مصدق

http://www.onemotoring.com.sg/publis.../chery_a5.html

رد: تصميم موتور الاسبيرانزا ومشكلة السحب
 

شكرا لك يا أخ سيرجنت على هذا المجهود الرائع .. ولكن لا يمنع أنها سيارة أثبتت جودتها وقوتها بين السيارات الأخرى كموديلات جديدة وأكيد السيارة إنتاج جديد والمصنع سيظل يتلافي العيوب في كل موديل يصنعه .. ولكن السيارات الناجحة والمطلوبة هي التي تظل على نفس الشكل والديزاين مدة طويلة .. مثل الA516 لم بتم تعديل شكلها وكذلك اللانوس والنيسان صني وغيرها من السيارات المطلوبة .. ولكن التعديلات التي تكلمت عنها ليست في هذه الموديلات ولكن هي تصميمات جديدة بأسماء وماركات مختلفة .. وبالمناسبة أنا أمتلك سيارة سبرانزا A620 ..

ولك جزيل الإحترام والتقدير .. والسلام ختام

رد: تصميم موتور الاسبيرانزا ومشكلة السحب
 

أ/حازم
اشكرك على التفاعل الجميل دا بالنسبه للعربيه الاسبرنزا 516 في ناس بتعدل فيها حجتين ومتور لنسر بومه 1.6 وعفشه البومه بردو استيراد وعلى فكره مبتحتجش اي تعدلت في حوض المتور او العفشه انت تشيل وتركب وماتور الانسر بالفتيس 8000 ج وبيتباع متور ال516 بحوالي 4000 وممكن تضيف 4000ج كمان عشان تجيب عفشه استيراد كامله يعني ممكن بحوالي 10000 تبقا معاك عربيه مجرمه بمعنا الكلمه من حيث متور او ابوشن او عفشه مع التحفظ في التقفبل والمواد الداخليه للصالون الي يعتبر فقير ودا شئ مقبول بالنسه لسعر العربيه

وفي رأي المتواضع بعد التعديل لازم تظبط زوايه العربيه نتيجه اختلاف وزنها ووزن المتور الجديد
وكمان تغير الفرامل لان اداء العربيه حيختلف وحسبات الفرامل لازم تختلف معاها حتى لو كانت ABS

وشكرا
.....

رد: تصميم موتور الاسبيرانزا ومشكلة السحب
 

صباح الخير يا صديقي العزيز .. واضح إن إنت بتفهم كويس في العربيات .. وشكرا علي المعلومة إللي ممكن تفيد أصحاب العربية ال A516 .. ولكن أنا طمعان في رآيك بكل أمانة في العربية الإسبرانزا ال A620 .. :3mla:

رد: تصميم موتور الاسبيرانزا ومشكلة السحب
 

حبيبي أ /حازم

احب اشكرا على الكلام الجميل الي قولتو في حقي اما بالنسبه للاسبرنزا ال 620 فا انا مجربتهاش وقدرش احكم عليها اما بالنسبه ليها فاحلها مثل باقي السيارات الصيني هناك من يشكر فيها وفيه من يزم فيها ولكن بيرجع التقدير لمالكها يعني العربيه مريحاك ولا لاء ولا هي فيها مشاكل امال لو مريحاك حتبقا عربيه حلوه وجميله لو فيها مشاكل كلو بيتحل مها كان وشكرن ليك يا باشا.......

رد: تصميم موتور الاسبيرانزا ومشكلة السحب
 

انا مبسوط جدا من المعلومات دي لاني فعلا استفدت كتير - انا معايا العربيه بس مش من زمان ولسه بدوره على مزاياها وايه اللي اقدر اعمله علشان احافظ عليها - انا بس ليا سؤال - انت قصدقك بال 3000 او 5000 اللي هو اخر مؤشر على الشمال بتاع قوة الموتو
وشكرا بجد
maged
MAGEDKMH_2010@HOTMAIL.COM