رد: سال وهتلاقى المتخصص الى هيجاوبك عن سوالك فى بيجــو
 

شكراً بشمهندس هيثم على المعلومات القيمة، و بإذن الله أعمل بنصيحتك و اروح التوكيل (في جدة) و هو فعلاً المتوكل على الطريق السريع باتجاه مكة، و ربنا يسهل لأن واضح إن هحتاج أعمل كشف الكمبوتر و أكيد داه حيطلع كل العيوب الكتيرة اللي فيها، لكن أنا حالياً يهمني في المقام الأول تتحل مشكلة ال
Automatic Gear Fault
الي منعتني إني أدوس دواسة البنزين براحتي، يعني تخيل حضرتك حتى لو ماشي على 50 و بعدين قمت دايس بنزين بسرعة شوية (بمعدل سريع) تلاقي الرسالة ظهرت، و الصوت بقى عالي، و عدد لفات الموتور زاد ...

هل هذا نوع من أنواع الدفع الرباعي أو التراكشن كونترول أو الدفرانس لوك؟
باحس إن أحياناً بيصاحب حدوث العيب سماع صوت تحت العربية زي ما يكون في جير تقيل تم تعشيقه وتقل العربية.

المهم إني لما بتحصل المشكلة دي و انا سايق على الطريق مش بقف .. لأ .. بنقل الفتيس على ال(N) و بعدين بطفي الكونتاكت و بعدين أشغل الكونتاكت و ادور العربية و تمام الرسالة بتختفي ، و المشكلة بتتحل، بس أحيانا أثناء طفي الكونتاكت الدركسيون بيقفل (يسوجر) و مرة كنت هلبس في الرصيف لأن الدركسيون قفل أثناء لفة لليمين :sd:.

رد: سال وهتلاقى المتخصص الى هيجاوبك عن سوالك فى بيجــو
 

طيب كويس على بركة الله وأن شاء الله التوكيل يحللك مشكلتك....
اما بالنسبة لموضوع ان الموتور صوتو بيعلى فدة معناه ان الفتيس مفوت وانا توقعى ان الفتيس دة هيتفك كلو ويتعملو عمرة..
هل هذا نوع من أنواع الدفع الرباعي أو التراكشن كونترول أو الدفرانس لوك؟
العربية دى مفهاش اى نوع من الحجات دى خالص اولا هى دفع امامى ومفهاش دفرانس ومفهاش تراكشن كنترول.
... معلومة اخيرة متحولش تبطل العربية ابدا وانت سايق علشان حصلت مع واحد صحبى وربنا ستر كان هيعمل حادثة لان الدريكسيون قفل. أرجو افادتى بما حدث فى التوكيل وخليه يطبعلك بالكمبيوتر الاعطال المسجلة فى كنترول الفتيس وكنترول المحرك علشان اشوفها.

رد: سال وهتلاقى المتخصص الى هيجاوبك عن سوالك فى بيجــو
 

حـــــــدد نوع العربية بالظبط.
بس احب اطمنك مبدئيا ان طنبورة سير الدينامو او حتى طنبورة سير الكاتينة
مش بتحتاج حل موتور طبعا.

رد: سال وهتلاقى المتخصص الى هيجاوبك عن سوالك فى بيجــو
 

شكراً لك بشمهندس هيثم على التوضيح بخصوص الدفع الأمامي .. أتاري كنت دايما أشعر عند بداية الحركة إن العربية متبتة في الأرض و بالكاد تبدأ تتحرك مع ارتفاع صوت الفتيس (طبعاً نتيجة العيوب اللي فيه) بس فعلاً كنت باشعر إن في صعوبة عند بداية الحركة و لما حضرتك ذكرت إنها دفع أمامي شعرت إنها فعلاً كأنه بتنسحب من الأمام بالعافية .. مش زي الدفع الخلفي اللي باشعر إنه أقوى و أفضل (مجرد إحساس أكدته العربية دي).

شكراً أيضاً على النصيحة الغالية و بإذن الله مش حطفي المحرك أثناء السير لأني معظم سيري على الطريق السريع ..
طيب لما المشكلة تحصل أعمل إيه .. هل أظل ماشي بالعربية على حالها؟ و داه معناه إني أنتظر إلى أن أترك الطريق السريع و أقف في إشارة مثلاً .. و عندها أجيب الفتيس على (N) و بعدين أطفي المحرك و أدور تاني علشان أبدأ من جديد نفس الدورة اللي عادي جداً ممكن تحصل خلال دقائق حسب دوستي على البنزين.

ملحوظة: إذا وقفت في إشارة و حطيت الفتيس على (P) و بعدين دورت العربية، المشكلة مش هتتحل و حلاقي اللمبات (S) ، و (*) منورة برضه، و لازم لحل المشكلة إني بعد ما أقف أجيب الفتيس على (N) ثم بعد ذلك أدور العربية ، و عندها فقك تنطفئ اللمبات (S) ، و (*) و أبدأ الحركة عادي لكن كما ذكرت هناك ثقل في الحركة عند البداية، أما إذا لم احاول حل المشكلة و بدلاً من ذلك بدأت المشي من السكون و اللمبات دي (S) ، و (*) منورة ، يعني لو حاولت اتحرك من السكون و المشكلة موجودة فالعربية بتكون اثقل ما يكون و مش عاوزة تتحرك خالص و طبعاً بكون واقف في إشارة و العريات اللي ورايا .. نازلين كلاكسات و باضطر في النهاية إني أطفي المحرك و أحول الفتيس على (N) و أدور المحرك مرة تانية و أبدأ السير .. طبعاً بتكون الإشارة الأولانية قفلت و فتحت مرتين و الناس ورايا إيه .....أمم .. و أنا و لا هنا ... عادي ي ي خالص .. :fun_36_3_3[1]: مهو مفيش غير كداه هعمل إيه ..
و بإذن الله أروح التوكيل و اطلب منه طباعة كافة العيوب.

كل التقدير لك بشمهندس أيمن على تفاعلك و معلوماتك و نصايحك القيمة.

رد: سال وهتلاقى المتخصص الى هيجاوبك عن سوالك فى بيجــو
 

شكراً لك بشمهندس هيثم على التوضيح بخصوص الدفع الأمامي .. أتاري كنت دايما أشعر عند بداية الحركة إن العربية متبتة في الأرض و بالكاد تبدأ تتحرك مع ارتفاع صوت الفتيس (طبعاً نتيجة العيوب اللي فيه) بس فعلاً كنت باشعر إن في صعوبة عند بداية الحركة و لما حضرتك ذكرت إنها دفع أمامي شعرت إنها فعلاً كأنه بتنسحب من الأمام بالعافية .. مش زي الدفع الخلفي اللي باشعر إنه أقوى و أفضل (مجرد إحساس أكدته العربية دي).

شكراً أيضاً على النصيحة الغالية و بإذن الله مش حطفي المحرك أثناء السير لأني معظم سيري على الطريق السريع ..
طيب لما المشكلة تحصل أعمل إيه .. هل أظل ماشي بالعربية على حالها؟ و داه معناه إني أنتظر إلى أن أترك الطريق السريع و أقف في إشارة مثلاً .. و عندها أجيب الفتيس على (N) و بعدين أطفي المحرك و أدور تاني علشان أبدأ من جديد نفس الدورة اللي عادي جداً ممكن تحصل خلال دقائق حسب دوستي على البنزين.

ملحوظة: إذا وقفت في إشارة و حطيت الفتيس على (P) و بعدين دورت العربية، المشكلة مش هتتحل و حلاقي اللمبات (S) ، و (*) منورة برضه، و لازم لحل المشكلة إني بعد ما أقف أجيب الفتيس على (N) ثم بعد ذلك أدور العربية ، و عندها فقك تنطفئ اللمبات (S) ، و (*) و أبدأ الحركة عادي لكن كما ذكرت هناك ثقل في الحركة عند البداية، أما إذا لم احاول حل المشكلة و بدلاً من ذلك بدأت المشي من السكون و اللمبات دي (S) ، و (*) منورة ، يعني لو حاولت اتحرك من السكون و المشكلة موجودة فالعربية بتكون اثقل ما يكون و مش عاوزة تتحرك خالص و طبعاً بكون واقف في إشارة و العربيات اللي ورايا .. نازلين كلاكسات و باضطر في النهاية إني أطفي المحرك و أحول الفتيس على (N) و أدور المحرك مرة تانية و أبدأ السير .. طبعاً بتكون الإشارة الأولانية قفلت و فتحت مرتين و الناس ورايا إيه .....أمم .. و أنا و لا هنا ... عادي ي ي خالص .. :fun_36_3_3[1]:
مهو مفيش غير كداه هعمل إيه ..!
و بإذن الله أروح التوكيل و اطلب منه طباعة كافة العيوب.
كل التقدير لك بشمهندس هيثم على تفاعلك و معلوماتك و نصايحك القيمة.

رد: سال وهتلاقى المتخصص الى هيجاوبك عن سوالك فى بيجــو
 

رد: سال وهتلاقى المتخصص الى هيجاوبك عن سوالك فى بيجــو
 

وعليكم السلام......
لا تحتاج الى فك موتور