رد: ازاي تكشف الردار موضوع مهم لكل المصرين
 

اية الحلاوة و الجمال دة

و الرادار ممكن يشتغل من بدري انا حصلت معايا الساعة 6.15 الصبح لما كنت هاتشل

و عن تجربة الي يمشي ورا عربيات التيوتا يبقى ينسى موضوع الرادار

رد: ازاي تكشف الردار موضوع مهم لكل المصرين
 

ياراجل ياطيب ده انا رايح وادى النطرون النهاردة وبضرب عينى فى المراية الداخلية ولقيت واحد لازق لسواق الميكروباس لزقة سودا فى مدخل مدينة السادات (يظهر قرأ الموضوع ده قبل ميسافر) وروحت مفوت الميكروباس وطلعت دراعى وشاورت له وفهمته ان فى رادار راح مهدى السرعة وفعلا لقينا الرادار بس ورا شوية قبل مدخل العلمين

رد: ازاي تكشف الردار موضوع مهم لكل المصرين
 

الرجل اللي انتا انقذته من الردار ده كان المفروض ينزل يعمل معاك اي واجب دور قصب او علبة كانز يعني مش تنبه ببلاش كدا

رد: ازاي تكشف الردار موضوع مهم لكل المصرين
 

يابنى احنا بنشتغل لله ولو سافرت معايا هتعرف يعنى اول م ادخل على الكيلو 80 اقول فى نفسى نشتغل شوية بقى و لو قافل زجاج العربية افتحه وابتدى اطلع ددراعى واشاور للناس لحد مدخل النوبارية ومرة من اسبوع فوجئت من كتر م بشاور للناس محدش عايز يتخطانى ولقيت طابور طويييييييييييييييييييييل على 3 حارات ماشى ورايا ولا الناظر صلاح الدين
المهم جات عربية سيراتو فضلت تتعكرت بين الطوابير دى وبشاور له راح مشوحلى بطريقة بايخة وربك يمهل ولايهمل يادوب دخلنا السادات والطوابير ورايا ولقيتلك ده عمال يتأخر يتأخر يتأخر فكرنى باسماعيل ياسين فى فيلم الاسطول كل مييجى ينط فى الميه يتاخر طب وانت بتتاخر ليه ياعم سيراتو م انت اتصورت خلاص
ولمحت واحد من اللى كانو ماشيين ورايا بيقول له كلمتين فى اجنابه
بس على م دخلنا على الكمين سمعت ييجى كام مليون شكرا وكام دعوة اقل واحدة فيهم لو استجابت مش هعرفك تانى ابدا ياكروزيرههههههههههههههه
بس كنت سعيد انى خدمت الناس دى كلها
واحيانا افضل اشاور ويبقى مفيش كمين الاقى ناس اتريقت عليا والا قال كلمة مش تمام لكن لانى بعمل لله فمبزعلش

رد: ازاي تكشف الردار موضوع مهم لكل المصرين
 

ليه يا عم كانوا بيدعولك ولا بيدعوا عليا ولا كانوا بيدعولك يقولولك ايه بالظبط