|
رد: ذكرياتى مع السيارات فى هولندا
الف شكر يااستاز جنيدى
فعلا قصه حياتك مؤثره وكلها اثاره وجميله وشيقه لدرجه انى لم اترك قصه الزكريات مع السيارات والمشاركات والمداخلات من الاخوه الاعضاء حتى قراتها كلها لدرجه انى اتخيل فى سرى انها ممكن تنفع قصه فلم واقعيه مثل النمر الاسود او همام فى امستردام بس فيه سوال انا عاوز اسئله لحضرتك هل ان الهولندنيين لسه معاملهته حلوه كده زى ما حضرتك زكرت بعد دخول الاتحاد الاوروبى ودخول شركات الاى فيرما فى سوق العماله فى هولندا ولا معاملتهم اتغيرت بدرجه كبيره واصبحوا مملين بعد دخول الاتحاد الاوروبى اخوك عاطف عبده من ماينز |
رد: ذكرياتى مع السيارات فى هولندا
اقتباس:
الشكر موصول لسيادتك على المتابعة والمرور. اقتباس:
شكرا ياباشا على ذوقك العالى ولو حبيت تتواصل معايا اهلا وسهلا ويزيدنى شرف ودة عنوانى genedy8@hotmail.com اقتباس:
الشكر ليك يافندم الف شكر اقتباس:
فى البداية اشكر سيادتك على اهتمامك وعلى مرورك الكريم واما عن اسئلة سيادتك فيما يتعلق بالهولنديين ومعاملتهم.. عندما افكر فى اجابة لسؤال عن طبيعة الشعب الهولندى بسرعة مذهلة وبتلقائية اجدنى اقول انة شعب طيب.. وبالفعل هو شعب طيب ومسالم لابعد حد.. يحب الحياة ويحب الاخرين وهذة هى القاعدة العامة مع الوضع فى الاعتبار ان لكل قاعدة شواذها ولا ارى ان كون هولندا من الدول المؤسسة للاتحاد الاوربى ان تكون طرأت عليها متغيرات بسبب الاتحاد الاوربى على المستوى الانسانى.. وللتوضيح التغيرات طرأت بوضوح وتجلى على المستوى العملى او المادى او الرأسمالى بحكم انها دولة رأسمالية.. الهولنديين بعيدين تمام البعد عن الملل وهو شعب يعشق الحياة وروحة مرحة جدا.. واكثر ما يعيب الهولنديين انه شعب حريص شوية .. ولهذا تجد ان الشعوب المحيطة بة تتهمة بالبخل وبصفة خاصا الشعب البلجيكى وفى المقابل الهولنديين يتهمونهم بالغباء.. يبقى شىء اخير وللتوضيح ..... موضوع ذكرياتى عن السيارات فى هولندا هو ليس قصة حياتى كما ذكرت سيادتك وانما هى بالفعل ذكريات مررت بها اغلبها يخص السيارات وان كنت بعدت فى بعض الاحيان عن المقصود من الطرح فهذا كان من منطلق ان اكون اكثر مصداقية ووضوحا للمتلقى.. واما عن قصة فيلم النمر الاسود فهى حقيقية واما عن قصة فيلم همام فى امستردام المفروض انها قصة حقيقية وهى تخص رجل مصري من المنصورة على ما اتذكر اسمة شعبان حسين وهو فى حدود معلوماتى صديق شخصى للفنان سامى العدل وكان هذا الرجل فى وقت من الاوقات يمتلك 35 مطعم فى هولندا وهذا مايتردد هنا ولا اعلم مدى مصداقيتة.. ومن هنا جأت فكرة الفيلم ولكن حدث متغيرات كثيرة فى تفاصيل القصة او ماتم الاتفاق علية وانا شخصيا ارى ان قصة الفيلم مبالغ فيها جدا.. وهناك اصدقاء كثيرين قاموا بالتمثيل فى هذا الفيلم... هناك شىء اخير فى تعليق سيادتك انا لم افهمه جيدا والخاص بشركات الاى فيرما كل معلوماتى ان فيرما هى نظرية فى الرياضيات غير هذا لا اعرف . تقبل احترامى |
رد: ذكرياتى مع السيارات فى هولندا
شكرا يا استاز جنيدى على الرد بس انا قصدى بالاى فيرما يعنى شركات تسليف العماله المؤقته الى بيتنهب نصف مرتاباتهم عن طريق هزه الشركات وبالتالى اصبح من السهل لكل شركه او مصنع ان تاتى بائ عامل او موظف او حرفى او فنى او متخصص من هزه الشركات لفتره معينه للعمل وممكن ان تكون فتره طويله فى بعض الاحيان دون ان يتثبت او يعمل مباشرتا بعقد مع المصنع او الشركه Arbeitszeitfirma او باسم تانى Leihfirma ودى انتشرت اوى بعد الاتحاد الاوروبى لانه فى المانيا الشركات دى منتشره كتير خصوصا وفى اوروبا عموما
بالنسبه لسؤالى عن الشعب الهولندى ان كان لسه زى ما هوا كويس ومرح ومعاملته حلوه ولا اتغير ؟ لانه فى المانيا الشعب الالمانى عموما اصبح شعب ممل زياده عن اللزوم وخصوصا بعد دخول الاتحاد الاوروبى لانه طبعا زى ما حضرتك عارف ان اسعار كل شئ زى ما هى ويمكن فى الزياده المستمره لكن المرتبات خصموها الى النصف بالظبط فى كل المجالات بدون استثناء وده الى خلى الشعب الالمانى ممل ونظام الحياه الاقتصاديه اتاغير 180 درجه فى المانيا علاوه على نظام المعاشات الى اخروه الى حد سن 67 سنه وده زود نسبه البطاله فى البلاد الى حوالى 4مليون عاطل فى البلد وكل ده اثر بطريقه مباشره وغير مباشره على نفسيه الشعب الالمانى عموما واصبح شعب فى اغلب الاحيان ممل !! وكان سؤالى هل الهولنديين زى ما هوما رغم الازمات الاقتصاديه والقيود على نظام الحياه فى هولندا لعيون الاتحاد الاوروبى ولا اتغير الشعب بنسبه كبيره بسبب التغيرات الاقتصاديه زى الشعب الالمانى ؟ وتقبل تحياتى |
رد: ذكرياتى مع السيارات فى هولندا
طريقة عرضك للاحداث رائعة لدرجة اني فكرت في لحظات انها ممكن تكون منقولة من كتاب
انت لازم تألف قصص و رويات طريقتك رائعة |
رد: ذكرياتى مع السيارات فى هولندا
موضوع رائع وجميل قرائته من الالف الى الياء وماجذبنى اليه اشياء كثيره واهمها انك صححت مفاهيم كثيره لدى الكثيرين عن الغربيين اهمها على الاطلاق ان الغربى ليس بالطبيعه عنصرى ضد كل اجنبى وثانيهما انه يحترم دينك قدر احترامك انت لدينك .اخيرا اشكرك انك اعدتنى الى ذكريات جميله لايمكن ان تتكرر خلال 12 عاما قضيتها فى ايطاليا مع العديد من الاصدقاء اضطررت بعدها للعوده بسبب الاولاد وايام لن تمحى من الذاكره .وحنين وشوق الى اماكن عديده كانت يوما ملجئى اشكى اليها حنين البعد وعذاب الفراق.واصدقاء تعرفت عليهم منذ اكثر من عشرين عاما فى فيينا اخترنا الفراق فذهبوا الى هولندا وانا الى ايطاليا واخرالى امريكا ولم نلتقى مرة اخرى .خالص امنياتى لك بالتوفيق والحفظ من كل سوء
|
رد: ذكرياتى مع السيارات فى هولندا
بجد مش عارف اقول لحضرتك ايه ..
حضرتك امتعتنا بسرد القصة الشيقة دى ... واتمنى لك التوفيق فى حياتك ... تحياتى .... حسام البورسعيدى . |
رد: ذكرياتى مع السيارات فى هولندا
اسلوب حضرتك في سرد ذكرياتك اكثر من رائع
وكذلك خفة دمك ملهاش حل فعلا استمتعت واستفدت من ذكرياتك وبالتوفيق الدائم |
| الساعة الآن 10:09 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017