مصر موتورز مجتمع السيارات - اختبار التصادم للجاك b15

مصر موتورز مجتمع السيارات (https://www.masrmotors.com/vb/index.php)

- جاك JAC (https://www.masrmotors.com/vb/forumdisplay.php?f=144)

- - اختبار التصادم للجاك b15 (https://www.masrmotors.com/vb/showthread.php?t=98029)

بصراحة يا جماعة أنا شوفت العربية امبارح عند معرض جنبى فى الهرم فى ش ترسا وبجد اللى خلانى أروح شوفها شكلها من بعيد .

يعنى وأنا ماشى كده حبيتها من أول نظرة GIFT4U وبجد العربية محترمة جدا وتقفلها هايل من جوه وعلشان كده قولت النهاردة لازم اشوف أراء الناس ايه ولقيت تشجيع كبير جدا منكم انى اقدم على قرار الشراء وربنا يسهل وابيع عربيتى واتوكل على الله واشترى الرقيقة الناعمة "جاك" .
مع انى لى تحفظ على موضوع السعر ولازم كان يكون اقل شوية علشان يبقى فى منافسة بس مش مشكلة العربية تستاهل وربنا يكرمكم جميعا . وأسف انى طولت عليكوا ... وشكرا
أحمد عبد الفتاح

اقتباس:

المشاركة الأصلية كتبت بواسطة a.abdelfatah (المشاركة 319102)

منورنا يا استاذ احمد وان شاء الله اختيار موفق بأذن الله

مشكور جدا يا باشا
وياريت تعرفلنا سعرها كام فى مصر ومين وكيلها

التجربة الفعلية لقيادة السيارة لفترة طويلة يعنى تجربتها اكتر من سنتين تلاتة ومعرفة توافر قطع غيارها من عدمه وحسن اداء الوكيل وتاثيرها من عدمه على ميزانية البيت هو المعيار الحقيقى للحكم على السيارة وليس التسرع باصدار الاحكام على المظهر الخارجى والتشطيب الداخلى فقط
السيارة تصميمها رائع ومن الداخل رائعة ايضا
ولكن الاهم هو الاداء والصيانة
شكرا لكم جميعا

ياجماعة برغم من انى مش من ملاك الجاك بس بعد مقابلة طنطا انا قابلت استاذ سيف واتفرجت انا وباقى الاخوة الاعضاء على العربية بالفصيل الممل وطبعا اسمحولى اشكر استاذ سيف اللى انا بجد سعيد انى اتشرفت عليه على المستوى الانسانى وبقى ليا اخ محترم وفاضل واحب انقل تجربتى للتفحص فى العربية
العربية من بره بسم الله ماشاء الله تصميم ملفت ومبهر للعين وبمنتهى الصراحة اشيك من عربيات كتير فى فئتها واغلى منها

ومن الداخل العربية مش ضيقة واوسع من سيارت فئتها وخصوصا ان طولى 191 سم وبالتالى اللى حيقعد ورايا حيقدر اوسع من الاكسنت والريو

التصميم الداخلى قمة فى الاناقة والخامات جيدة جدا وبالمقارنة بالام 11 الجاك افضل بمنهى الصراحة والمحرك وشككله وخامات المحرك انيقة ومحترمة والشنطة الخلفية جيدة الى حد كبير الملحوظة الوحيدة ان صاجها خفيف ودى عادى لان معايا النترا وصاجها ارق واضعف بكتييير ففى المجمل الجاك بسم الله ما شاء الله افضل بكثير من الام 11 وربنا يبارك لاستاذ سيف فى عربيته ويكفيه شرها ويديه خيرها ولكل ملاك الجاك وشكر خاص لاخويا استاذ سيف