رد: سرعة عالية + مطب مفاجئ ... اية احسن تصرف؟؟
 

يعني المطب قدامي اهه وعالي وانا لابسه لابسه
ادوس بنزين عادي وانط بالعربية من فوقه بدل ما العربية تتكحت من تحت

رد: سرعة عالية + مطب مفاجئ ... اية احسن تصرف؟؟
 

تزود السرعة وتنط ولا هيمك حاجة

رد: سرعة عالية + مطب مفاجئ ... اية احسن تصرف؟؟
 

وضع عشرة وعشرة هو الوضع الصحيح لمسك المقود في كل الأحوال.. وده اللي بيقوله الكتاب..
ميزة الوضع ده عن وضع تسعة وربع أن تحريك المقود لأي اتجاه أسهل ويحتاج جهد أقل بكثير ووقت أقل أيضاً بأجزاء من الثانية قد تكون فارقة في اللحظات الحرجة.. ليه بقى؟؟
لأن وضع اليد على وضع عشرة وعشرة يكون مرتفع عن نقطة اتزان المقود وهذا يعطي كل يد منهما "طاقة وضع" عالية ومجال أوسع للحركة (يعني ببساطة: لو رفعت يدك اليسرى عن المقود فقط فإن وضع اليد اليمنى المرتفع سيؤدي تلقائياً الى نزولها بفعل الجاذبية -بدون أي مجهود منك- وبالطبع لو بذلت مجهود فإنه يكون أسهل وأسرع- كما أن مجال الحركة المتاحة لك بدون أن تترك يدك المقود, يعطيك 60 درجة الى أوطى نقطة في المقود. على عكس وضع تسعة وربع فإن المقود سيظل متزن تقريباً وسيكون لديك 45 درجة فقط كمجال للحركة)
وضع تسعة وربع أريح لليدين فعلاً لأنه يجعلهما مسترخيتان.. لكن هذا بالضبط هو سبب عدم تحبيذه لأن اليد المتحفزة تكون أسرع في الاستجابة عند الطوارئ من اليد المسترخية. :)

رد: سرعة عالية + مطب مفاجئ ... اية احسن تصرف؟؟
 

فيه حاجة كمان ما كنتش مصدقها الا لما جربتها بنفسي و لازم تتعمل بعربية فراملها كويسه جدا و يا ريت تكون ABS. أنك تدوس فرامل جامد و تفضل تحود الدركسيون يمين و شمال لحد ما توصل للمطب و تسيب الفرامل قبل طلوع المطب. الحركة ديه بتخلي العربية تاخد مسافة أكبر ووقت أكبر لحد ما توصل للمطب ممكن المسافة ديه تكون أقل من نص متر لكن هتديك وقت حتي لو ثانيه زيادة و الثانيه ديه حاجة كبيرة في وقت الفرملة يعني هتفرق جامد في تقليل سرعة العربية. يعني لو أنت دايس فرامل لمدة 8 ثواني مثلا أحسن كتير من لو دست فرامل لمدة 7 ثواني. العربية اللي عملنا بيها الحركة ديه كانت سيراتو كوبيه و الصراحة أنا كنت متوقع أننا هنلبس المطب لكن الصراحة هدبنا قبلة ييجي ب متر.

رد: سرعة عالية + مطب مفاجئ ... اية احسن تصرف؟؟
 

والله لسه حاصل معايا الموقف ده امبارح معايا
بس للاسف قبل ماشوف المشاركه دى وطبعا دوست فرامل والعربيه اتهبدت حتة هبده
بس الحمدلله الفانوس االى قدام بس هوه اللى وقع والكابوت فتح سنه كده
بس ماعرفش فى حاجه حصلت فى الشاسيه ولا لا
ربنا يستر
المضحك بقى انى اخدت نفس المطب رايح جاى