مصر موتورز مجتمع السيارات - رحلة الى قلب اسرائيل

لم يكن ماعرضة -ميلاد-على من عمل لدى جدعون اليهودى
الا حركة جديدة من جابي يشوف من خلالها ردة فعلى وهل سوف اوافق
على ترك العمل عندة خاصا ان ماعرضة ميلاد كان يتضمن اكثر من بند اهمهم
زيادة فى المرتب ومساعدة على عمل اقامة
وبالطبع انا رفضت لسبب بسيط انى لم ارتاح لجدعون هذا وفى المقابل
كنت مرتاح جدا فى العمل عند جابي ومن ناحية اخرى
كنت على ثقة ان الاخوة المسيحيين فيما عدا مجدى لايريدوننى فى العمل
ويحاولوا يتخلصوا منى بأى شكل.. وكان جابي يستغلهم زى ماهو عاوز علشان يخبط كلة فى كلة
واتذكر ان ميلاد قد نصحنى ان لا اثق بيهودى وان اليهود عندهم قناعات
ان المسلمين يكرهونهم وهذة القناعة لن تتبدل.. برغم ان ميلاد نفسة
ابدا لم يكن محل ثقة لا لي انا المسلم ولا لجابى وجاكى وجيلو اليهود
ولا حتى من مجدى وسمير المسيحيين....
بعد رفضى للعرض توقعت ان تتحسن علاقة جابي بي وقد كان ولكن ..
لفترة قصيرة جدا...!!
وفى احدى المرات سألنى جابى شخصيا على مطعم كيبوتس ولم تكن المرة الاولى
ولكنة ذى قبل كان يتحدث عن ندمة لأنه باع هذا المطعم للفلاح المصري والذى اصبح معة مليونيرا
وكان فى كل مرة يسألنى هو او احد اقاربة كنت .. بفرح جدا(( بقيت مهم بقى))
واسرح بخيالى فى عظمة هذا المطعم وقد اية انة منجم ذهب لمن يحصل على ملكيتة..
حضر جدعون لمطعم الذى اعمل به وسأل على جابى لم يكن موجودا
ترك له اسطوانة سى دي ورحل وكان شكلة زعلان منى
صورة غلاف السى دى كانت هى نفسها البنت الهولندية اللى كانت معزومة
عند جابى عندما حضر جابى واعطيتة السى دي واخبرتة بزيارة جدعون
قاللى كويس انة مشي -مش عاوز يقتنع انة رجل عجوز
شوف ياحبيبى شوف
البنت دية 19 سنة بتحبنى!! وانا اللى عملت لها السي دي وح اخلليها مشهورة
طبعا ماردتش اقولة البنت دية كانت بتبص لي ازاى من وراة!!!!
وحسيت وقتها ان نظرات البنت غير عادية وكأن هناك من طلب منها ان تفعل ذلك
ولم استبعد ان تكون حيلة جديدة من جابى!!
وهو اللى زق البنت علي علشان يشوف مدى اخلاصى
ولطالما كنت اسمع خلال حوار اليهود معانا
انا وزملائى المسيحيين
ان نقطة ضعف المصريين هى المال والنساء
من وجهه نظرهم طبعا.
ذهبت الى اخى وكان ليس على مايرام وعندما سألتة؟
كانت المفاجأة!!.. أبيي يريد ان يبيع كيبوتس لأنة فى طريقة لشراء مطعم اخر
وانة (اى اخى) يريد شراء المطعم ولكن أبيي مصمم انة يبيعة مرة اخرى لجابي اليهودى
او بمعنى ادق لجيلو ابن اخت جابى!!!.. وقتها
انا قلت .. اااااااااة
شكلي كدة اتلعب بي وانا زى الرطل بوظت الدنيا وتذكرت كيف كنت امدح
امام جابى وجيلو وجاكى عن كيبوتس المطعم الذى ليس له مثيل....
طبعا ماقلتش الكلام دة قدام اخويا بس قلت له..
واية المشكلة ماتشوف مطعم غيرة
-قاللى المشكلة مش فى كدة.. المشكلة ان انا اولى من اى حد بالمطعم دة وأبيي منشف دماغة علشان 15 الف جيلدر من مجموع 300 الف و مش موافق يقسطها
وفى المقابل
اليهود فلوسهم جاهزة وكاش..!!
قلت له يبقى خلاص لو انا او انت مكانة ح نعمل نفس الشئ
قاللى طيب قوم امشى شوفلك حاجة تعملها مش نقصاك..
فى خلال اسبوعين كان المطعم تم بيعة بالفعل لجيلو ولغاية دلوقتى مش عارف جيل جاب فلوسة ازاى
فى خلال سنة من وجودة فى هولندا --المهم
تم تعيين اخى ايضا كمدير للمطعم ولم يتخلص جيلو الا من قريبى اللى ماعرفوش
واضطر أبيي ان يأخذة معة فى مطعمة الجديد بوعد ان يزودة مرتبة مقابل ان يبطل خبث...!!
اتذكر فى اول يوم استلم فية جيلو المطعم ..
لم ارى مثل هذا الزحام من قبل فى كيبوتس وذهب يبشر جابى الذى ابتسم
ابتسامة كلها ثقة وغرور وتقريبا كان هو اليوم دة وخلصت...!!
نجحت ان احصل على اقامة فى هذة الاثناء وفوجئت بجيلو يقيم لي حفلا كبيرا
على نفقتة الخاصة قمت بدعوة زملائى فى العمل ولم يحضر منهم الا مجدى..
بعدها بشهرين تقريبا لم تقوم لهذا المطعم قائمة وكأن أبيي اخذ الزبائن معه اصبح كل يوم
اسوء من اللى قبلة فى خلال 6 شهور كان جيلو بيعرض المطعم للبيع
واصبح لا يبتسم فى وجهى مجددا قام اخى بشراء المطعم بسعر يقل 160 الف جيلدر
عن ماكان ينتوى دفعة لأبيي
حاول أبيي ان يسترد المطعم مجددا ولكنة كان يخشى اليهود وتركة لأخى
والمفاجأة التى لم تكن تخطر لي على بال عندما عرفت ان مجدى زميلى فى العمل
اصبح شريك أخى فى المطعم كيبوتس...
وهو ماقابلة جابى بغضب عارم من أخى بالطبع
كان قد مر وقت على عملى مع جابى وكنت قد تعلمت الكثير عن العمل وخباياة
وكنت قد حصلت على اقامة فعلية وبعد مغادرة مجدى توقعت او انتظرت ان احل محلة..
ولكن هذا لم يحدث وقام سمير وميلاد بأحضار صديق لهم اسمة مظهر ايضا
عن طريق الكنيسة وجابى اعجب به جدا خاصا
بعد ان عرف ان زوجتة هولندية..!!!
وساءت بعدها معاملة الاخوة المسيحيين لي ما بين غيرة من مجدى الذى اصبح صاحب محل وكان لديهم قناعة ان اخى ساعدة
وكان جابى يؤكد هذا الاحساس خاصا ان ابن اختة خسر كثيرا من جراء كيبوتس
وكان واضح ان جابي ساعدة فى شراء المطعم..المهم
وقتها تحدثت مع جابي بشكل مباشر وطلبت الرحيل...!!
كانت ردة فعلة مفاجأة.. وقال لي
انا فعلا مش بكرهك..!! يمكن زعلان من اخوك ومعظم اقاربك لكن مش بكرهك
لو عاوز تفضل تشتغل انا ماعنديش مانع بس ماعتقدش انك ح تكون مرتاح
وبعدين انت ماقتلتنيش؟؟؟
قلت له يعنى اية؟
قاللى ماتحطش فى دماغك..!!
قلت له لا .. لازم افهم تقصد اية؟
قاللى .. لما جيت تشتغل هنا جديد لأول مرة وروحت انا
اقول لسمير وميلاد ومجدى ان فى واحد اسمة محمد جاى يشتغل
ابتسموا ابتسامة سخرية وقالوا لي.. انت مصمم تموت على ايد مسلم؟
ولما سألهم لية بتقولوا كدة؟
كان رد احدهم والذى رفض جابى ان يحدد من منهم... كان ردة
ان هناك نص صريح فى معتقدات المسلمين يقول
اذا انفردت بيهودى ... اقتلة
شكرا لكل من تابع واهتم شكرا لكل كلمة اطراء
شكرا للمهندس وائل مجدى على سعة صدرة وسماحة لي بتكملة سرد الاحداث هنا.