رد: تقرير عن نيسان صنى (تم التحديث) اسعار ومواصفات
اقتباس:
وانا بحاول اخدم اى حد وانقذه من الفتاوى لان الفتاوى ضيعت عليا ال505 ودى عربية ممتازة بس ملهاش حظ بسبب الفتاوى ومشكلتنا ان كل واحد يسمع المعلومة بدل م يتاكد منها يرددها ويزود عليها كمان اقتباس:
ولازم تعرف ان اليابانيين ملوك العربيات الاقتصادية وهم اول من اختراع عربيات مبتاكلش بنزين يبقى ازاى فلتر البنزين مبيتغيرش ده كلام ؟ وانا مش ناوى اغيره لانى محول عربيتى غاز وكان الفلتر عامل 30 الف وطالما غيرت لغاز فلتر البنزين مبيستهلكش ثم لازم تعرف حاجة كثرة سفرياتك معناها انك تمون من اى محطة مش لازم اللى عندكو فى قنا ولو ال 92 عندكم قليل يبقى بلاش نيسان لانى مرة اتفلسفت وحطيت لها بنزين 90 كركرت وروحت بيها التوكيل فرغو ال90 ورموه وحذرونى منه وقال مفيش لها اقل من 92 ولما قريت الكتالوج مكتوب فيه تحذير انه ممنوع اقل من 92 لان موتور النيسان قوى وبيحتاج نسبة انضغاط عالية والا مش عارف ايه (ناسيها ) المهم ان سحب الموتور هيبوظ فلازم مش اقل من 92 |
رد: تقرير عن نيسان صنى (تم التحديث) اسعار ومواصفات
شكرا يا خالد باشا على الافادة
بس انا بشوف عربيات نيسان صنى كتير اليومين دول عندنا بس للاسف معرف حد منهم عشان اسألة عن نوع البنزين بتاعة طيب لو انا حاطط 92 واضطريت احط 90 بصراحة العربية عجبانى وباتلكك عشان تطلع ملهاش عيوب |
رد: تقرير عن نيسان صنى (تم التحديث) اسعار ومواصفات
الاضطرا ده معناه انك صبرت على التنك لحد م خلص الاحتياطى كمان و ده غلط لانه بيدخل رواسب البنزين على الفلتر
ولعلمك لما علامة البنزين تنور فى النيسان يبقى معنى كده انك ممكن تمشى بيها 187 كيلو لحد متجيب اخر البنزين خالص لانها بتنور وبيبقى فاضل فى التنك 15 لتر لكن الاحسن ان عند العلامة الى قبل الاخيرة يعنى بيكون باقى لسه على م تنور 10 لتر يمشوك 125 كيلو تدور على بنزين 92 ولما تنور تمشى بيها اقصى حاجة 125 كيلو علشان يبقى فاضل 5 لتر لكن نصيحة متخليها ش تنور ابدا لكن ممنوووووووووووووووع البنزين 90 ومتخليش حد يتفلسف ويلعب لك على وتر التوفير لانه هيبوظ لك حاجات تانية فى الموتور وهو اغلى مافى النيسان ( الموتور تمنه فى التوكيل25 الف جنيه غير تركيبه) |
رد: تقرير عن نيسان صنى (تم التحديث) اسعار ومواصفات
شكرا يا خالد باشا
|
رد: تقرير عن نيسان صنى (تم التحديث) اسعار ومواصفات
طيب والخلط بين الاتنين يعنى يبقى فية فى التنك 15 لتر ولما اروح امون مالاقيش 92 ودة ممكن هل ممكن احط صفيحة تعين مثلا(انا اسف انا والله مش قاصد اتفلسف بس دة ممكن فعلا يحصل)
|
رد: تقرير عن نيسان صنى (تم التحديث) اسعار ومواصفات
الله يسامحك ياشيخ اقول لك بلاش 90 خااااااااااالص تقول اخلطه على 92 ؟ ياعم للمرة المليون متحطش اقل من 92 دى تجربتى الشخصية اللى حطيتهم وقتها 10 لتر 90 والعربية شمت ريحتهم وطلعت صوت كركرة وتنط منى وجريت على التوكيل رمو ال10 لتر ال90 اللى حطيتهم + ال 15 لتر92 اللى كانو فى الاحتياطى بتاعها مهو انا محطيتش 90 غيرلما نورت ولما بتنور بيبقى باقى فى التنك 15 لتر 92 وساعتها اضطريت انى احط 90 لانى العربية نورت منى وانا خارج من شبين الكوم وجاى من شبين الكوم لبنها لحد قبل طنطا بشوية ومفيش 92 وخفت على الفلتر لان العربية ماشية حوالى 60 كيلو بعد م نورت واضطريت احط 90 وعذبتنى بسبب الصوت اللى طالع منها لانى مش فاهم فى ايه وخايف عليها لانها زيرو
انا شرحت بالتفصيل الممل اهو بالله عليك ياشيخ م تقول طيب لو انا مزنوق فى 90 اعمل ايه او مش معايا غير تمن 10 لتر 90 اعمل ايه اقول لك حط 7 لتر 92 وانا عملتها مرة بدور فى جيبى لقيت الفلوس نسيتها فى اسكندرية وكنت فى بنها وكان معايا حوالى 7 جنيه فى جيبى ودخلت المحطة وراكب نيسااااان وانا لابس بدلة كاملة وكرافتة واتفضل ياباشا وقلت للعامل 3 لتر 92 فاتخض وكررتها مرتين لحد م استوعب وحطهم واستغرب جدا وسبته ومشيت انت حر هيجيلك فيلسوف من حبايبنا المصريين والفلاسفة كـــتـــــــــــــااااااا ااار جدا وهيقوللك ياعم سيبك منه ويلعب لك على وتر التوفير وانا هعمل كذا فى الموتور واسوى كذا واخليها متطلعش صوت لو حطيت لها 80 وهيتحايل عليك كمان الكلام ده حصل معايا والراجل فعلا عايز يخدمنى ويخلينى احط 80 بدل 92 يعنى فرق75 قرش فى اللتر مش بريزة فرق بين 90 و92 ومع ذلك رفضت عايز تعمل الحكايات دى اعمل معروف بلاش نيسان عربية غالية نوعا ما خليك فى الفيرنا انا شفتها واقفة فى طابور ال80 كذا مرة او البيجو 504 عندنا فى الصعيد عاملين لها قيمة كبيرة مع انها فى نظرى لاتساوى كل الهيصة المعمولة ليها دى وال505 احسن منها مليون مرة لو سالت تانى بعد الشرح ده كله هجيلك قنا واكلفك غدوة محترمة واضربك بعدها مش قبلها واوعى تفتكر قنا بعيد انا السفر بالنسبة لى مش قصة ده كلهم 671 كيلو عمى هههههههههههههههMADMADMADM ADMADMADILILILILILILMADDR IVEMADDRIVEMADDRIVE |
رد: تقرير عن نيسان صنى (تم التحديث) اسعار ومواصفات
معلش تصحيح بسيط لاعلاقة له بالموضوع القاهرة /قنا 609
واما ال671 دول القاهرة /الاقصر بالقطار طبعا |
الساعة الآن 06:09 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017