مصر موتورز مجتمع السيارات - تغيير زيت فتيس اللانوس المانيوال بالصور

اقتباس:

المشاركة الأصلية كتبت بواسطة عصام غنايم (المشاركة 462809)

استكمالاٌ لمواضيع الصيانه التى بدأتها منذ فتره
هنبدأ موضوع جديد
بسم الله

قبل ما ابدأ فى موضوعى عايز اسأل سؤال مهم واحترت فى اجابته

مين العبقرى صاحب افتكاسة ان زيت الفتيس المانيوال مبيتغيرش ولاكن يتزود بس ؟

لو حد يعرف يقولى ضرورى

زيت الفتيس عباره عن زيت مخصوص للتروس له خواص يفقدها مع مدة الأستخدام وايضاٌ طريقة الأستخدام وحتى لو العربيه مرفوعه فله مثل اى شئ آخر عمر افتراضى بعده يفسد ولا يستطيع تأدية وظائفه على اكمل وجه

لذلك فمن الطبيعى ان يتم تغييره على فترات تطول او تقصر تبعاٌ لطريقة القياده ( عنيفه او هادئه ) وايضاٌ عمر التشغيل

وطبعاٌ الحفاظ على مواعيد تغييره تطيل عمر الفتيس وايضاٌ تحسن مستوى استجابته ( سهولة التعشيق فى النقلات وهدوء صوت الفتيس )

ولأن الموضوع هام جداٌ وحيوى جداٌ وعليه اختلآف فى الرأى حبيت اعرضه بصوره واضحه حتى يستفيد الجميع

واكيد لما نشوف شكل الزيت اللى نازل من الفتيس وشكل الزيت الجديد والتغيير الكبير لأداء الفتيس قبل وبعد التغيير

هنقدر نرد كويس على اى حد يقول ان زيت الفتيس مبيتغيرش

وعلى فكره الموضوع مش مكلف خالص

نخش بقى على الجد

المكونات

هنحتاج علبتين زيت فتيس موبيل درجة لزوجته 90 الواحده ب 19 جنيه

هنحتاج جوان كرتيرة فتيس لانوس مانيوال ب 10 ( ممكن متحتجهاش لو طلعت القديم سليم )

1 لتر بنزين 92 لزوم الغسيل والتطهير ب 185 قرش

يعنى اجمالاٌ 50 جنيه بس

وطبعاٌ هنشتغل بأدينا من اجل توفير اجرة الصنايعى هههههههههه

دى صورة زيت الفتيس

http://i757.photobucket.com/albums/x...0110617355.jpg

هنسمى الله ونبدأ

هنرفع العربيه بطريقه مناسبه وعلى ارضيه مستويه علشان نقدر نشتغل تحتها ( لو فى مجرة تغيير زيت تبقى تمام اوى )

هنجيب لقمه او مفتاح 13 ونبدأ نفك العشر مسامير بتوع كارتيرة الفتيس

ملحوظه

( اللانوس من ضمن قله من العربيات التى لا توجد بها طبه لتغيير زيت الفتيس ولازم نفك الكارتيره بتاعت الفتيس علشان نفضى الزيت القديم )

الطبه اللى موجوده فى جانب الفتيس دى بتاعة قياس مستوى الزيت بداخل الفتيس فقط ولا تنفع فى سحب الزيت القديم او إضافة زيت جديد

هنخلى بالنا ونبقى حاطين حوض كبير لتجميع الزيت اللى نازل من الكارتيره

هنهوى المسامير شويه بشويه وندى فرصه للزيت ينزل فى الحوض

زى كده

http://i757.photobucket.com/albums/x...0110617334.jpg

لحد ما يخلص خالص وبعدين ننزل الكارتيره

http://i757.photobucket.com/albums/x...0110617335.jpg

هنبص على الفتيس بعد ما حلينا الكارتيره وسبناه لما صفى زيته كويس هنشوف تروس الفتيس قدامنا كده

http://i757.photobucket.com/albums/x...0110617337.jpg

هنبص على الزيت اللى نازل هنلاقى لونه اسود هباب وريحته محروقه ومليان رواسب وبرادة حديد ناتج عن تأكل التروس اثناء التشغيل

http://i757.photobucket.com/albums/x...0110617362.jpg

هنكب الزيت فى مكان آمن بعيد عن المياه الجاريه و الصرف الصحى وبعيد عن الزرع لأنه سام

هنبص للرواسب الباقيه فى آخر حوض التجميع هنلاقى بلاوى

http://i757.photobucket.com/albums/x...0110617363.jpg

هنفك مسمار ظبط معيار الزيت من جانب الفتيس

المسمار ده بداخله مغناطيس هنلاقيه لامم برادة حديد كتير اوى هننضفه ونغسله كويس وبعدين نربطه تانى

وده شكله

http://i757.photobucket.com/albums/x...0110617359.jpg

هنغسل الكارتيره بالبنزين ونشفها كويس لحد ما تبقى بالشكل ده

http://i757.photobucket.com/albums/x...0110617336.jpg

هنغسل العشر مسامير كويس بالبنزين وننشفهم كده

http://i757.photobucket.com/albums/x...0110617348.jpg

هنبص على الجوان لو طلعناه سليم وحالته جيده هنركبه تانى كما كان

ونقفل الكارتيره كما كانت ونتأكد من الرباط كويس ونقفل المسامير ونحرق على رباطها تباعاٌ وبطريقة الكروسات ( اقصى اليمين ثم اقصى الشمال )

هنطلع بقى من تحت العربيه

ونفتح الكبوت

ونبص على طبة ملو الزيت الجديد ودى مكانه تحت البطاريه من ناحية صدر العربيه وفوق عقربة النقل بالظبط

http://i757.photobucket.com/albums/x...0110617361.jpg

هنلاقى غطاها اسود بلاستيك هنفكه وبعدين لقمه 17 و نركب دراع تطويل ونفك الطبه ونطلعها بره ونغسلها بالبنزين

http://i757.photobucket.com/albums/x...0110617349.jpg

هنبتكر قمع طويل ورفيع لملو الزيت الجديد

وده فكرته بسيطه اوى

هنجيب جلاده بلاستيك بتاعة اى كشكول كبير

http://i757.photobucket.com/albums/x...0110617353.jpg

وهنلفها على هيئة قرطاس ونلفه بالشيكرتون علشان يبقى جامد وميفكش

http://i757.photobucket.com/albums/x...0110617354.jpg

هندخله مكان الطبه اللى فكيناها ونبداء فى ملو الزيت الجديد

http://i757.photobucket.com/albums/x...0110617356.jpg

حد شاف الزيت الجديد لونه ايه ؟

http://i757.photobucket.com/albums/x...0110617357.jpg

طب فاكرين لون القديم ؟

http://i757.photobucket.com/albums/x...0110617362.jpg

اكيد الفرق واضح !

طيب هنحط زيت قد ايه ؟

هنفضى زجاجه على الآخر

والتانيه هنلاقيها مدرجه من الجانب هنصبها بس هنسيب فيها 200 مللى

يبقى مجموع الزيت المضاف 1800 مللى

ودى قيمة ملو الفتيس المانيوال

هنركب الطبه تانى ونربطها كويس ومننساش نركبلها غطاها البلاستيك مانع الأتربه

كده خلاص

ايوه خلاص بس زيادة تاكيد هنفك طبة المعيار اللى فى جانب الفتيس من تحت ونبص على مستوى الزيت فيها لازم تكون بتسيل زيت بس بسيط يعنى متكبش كتير وبرده متبقاش مانعه زيت

نربطها تانى

وبكده الف هنا وشفى

هندور العربيه ونجرب الفتيس

واستمتع

حد اقتنع بفكرة تغيير زيت الفتيس ولا لسه هنزوده بس ؟

طيب

حد عجبه الموضوع ؟

ولا طلع اى كلام !

طيب لو بالفرض عجبكم الموضوع

ادعولى ربنا

يشفى زوجتى ويسدد عنى دينى

اللهم آمين

و

سلام مؤقت

(بسم الله)
اول حاجه مجهود فوق فوق الممتاز
بس كان عندى سؤال !!
الجنط الى فى عربيه حضرتك مقاسو كام ؟؟؟؟