رد: ألحقونى قبل ما جوزى يرجع فى كلامه
اقتباس:
ألف مبروك :260309~146: ... ربنا يرزقك خيرها ويكفيكي شرها ... وعقبالي يارب ، أنا مقدم تقسيط إسلامي من كونتاكت كار على أختها الجديدة النيو أكسنت اسبور وخلصت إجراءاتها والتعاقد في خلال يومين بالكتير إن شاء الله ... وأكيد مستنيين تقريرك عنها ... اقتباس:
سبحان الله ... لا الي قاعد في اسكندرية عاجبه ولا الي قاعد في القاهرة عاجبه !!! :thinkW19: ... حال البشر في كل مكان ... |
رد: ألحقونى قبل ما جوزى يرجع فى كلامه
الف مبروك العربيه وربنا يباركلك فيها وتكون سبب فى طاعة الله
ربنا يهبك خيرها ويكفيكى شرها اسف لانى لسه شايف الموضوع انهارده بس وقريته كله من اوله لأخره معلش : الخبطة الأولانيه دى لابد منها فى العربيات الجديده - حاجه تاخد العين زى ما بيقولوا نصيحه : ما تكسليش فى موضوع الغطا لانه حمايه للعربيه من الشمس والتراب وكمان الخرابيش المصرية وكذلك الفرش الداخلى يحمى الفرش الاصلى للسيارة خاصة انه يوجد اطفال صغار وطبيعى البيبسى والسندوتشات والكلام ده (والله والكبار كمان) . وياريت كمان فرش كامل للارضيه (فى انواع جلد او مشمع شكلها ظريف جدا ) برده تحمى فرش الارضيه الاصلى أما بقى الدباديب والحاجات دى - طبعا انتن زوقن عالى جدا ومش محتاج توصيه . اسف للاطاله ومبروك مرة تانيه |
رد: ألحقونى قبل ما جوزى يرجع فى كلامه
"هوه لســــه ما رجعش فى كــلامـه ? " ptmnlo123per1147
Dr. Bolbolan :00020080: |
رد: ألحقونى قبل ما جوزى يرجع فى كلامه
اقتباس:
أن شاء الله أصورهالكم قريب جدا وأشكرك على ذوقك العالى بالنسبه بقى للقاهره والأسكندريه أليكس بتخنقنا أوقات لأنها صغيره قوى والقاهره بتخنقنا لأنها كبيره قوى لو أسكندريه تكبر شويه أو القاهره تصغر شويه تبقى فله |
رد: ألحقونى قبل ما جوزى يرجع فى كلامه
اقتباس:
الله يبارك فى حضرتك ده انا اللى أسفه جدا لأنى ما كنتش متابعه من فتره بسبب عطل فى الكمبيوتر والله أنا مش زعلانه عشان الخبطه انا زعلانه بس لأنها كانت راكنه تحت البيت وكنت مستلماها قبلها بثلاث أيام وكانت متغطيه هى الحمد لله خبطه بسيطه بس حاجه تغيظ وزى ما بيقولو اللى يجيى فى الريش بقشيش لاء أنا جبتلها غطاء يوم ما أستلمتها وبعديها بيومين بالظبط ركبت فرش جلد وفرش للأرضيه جلد برضه وكفر للدركسيون ودباديب وفصوص أكسسوارات ألماظ وظبت الدنيا تمام ألف شكر للمره التانيه |
الساعة الآن 09:44 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017