رد: متابعه يوم بيوم ل فك ماتور و عمل طقم شنبر
 

ياباشا الف الف مبروووك مقدما .. انا د/تكلا م الزقازيق .. سعيد جدا بموضوع حضرتك وبستفاد منه جدا .. فالف شكر ليك
ثانيا : حضرتك كنت قايل انك هتروح لميكانيكي عادل الفلاح دا اللى ورا كشرى التحرير ولا قصدك ع واحد تانى .. عشان انا بتعامل مع عادل دا وممتاز بصراحه هو غالى شويه بس كويس
ثالثا : ربنا معاك وترجعلك عربيتك زيرو تانى انشالله

رد: متابعه يوم بيوم ل فك ماتور و عمل طقم شنبر
 

اهلا بيك يا دكتور
انا فعلا كنت بتعامل مع عادل الفلاح من زمان فى الحاجات التقيله اللى مش ينفع يبقي فيها غلط و هوا اه يعني غالي شوية عن الباقيين لكن لما يكون عارف تاريخ العربية و اتعامل معاها قبل كده
الميكانيكي اللى بعمل عنده العمره اسمه سمير رسلان موجود على طريق ميت غمر عند النكاريه
الميكانيكي ده جربته فى اكتر من موقف عادل الفلاح مش عرف يوصل فيه للمشكله
وكمان حسيت ان بيتكلم على اساس علمي وبعد كده عرفت انه كان مهندس فى السكك الحديد على ما اظن
وكمان اللى رشحه لي السمكري اللى بتعامل معاه وده راجل اثق فيه لانه من معارف الوالد ( الله يرحمه )
وكمان كنت قرأت فى احد المنتديات موضوع عن احد الاعضاء كان عمل عنده عمره وكان بيشكر فيه
فبعد ده استعنت بالله و توكلت على الله وحليت الموتور عنده
يعتبر اني مستريح نفسياً معاه بس اللى مقلقني انها اول فكه للماتور وخايف تحصل حاجه تخليه مش يرجع زي الاول
(اول مره اعمل شغل كبير فى الماتور )

نرجع تانى للموضوع
دلوقت انا وديت الردياتير يتسلك ويتنظف علشان احسن من كفاءه دورة التبريد
وطبعا النهارده اجازة عند الكل ف بكره ان شاء الله مرحله غسيل الماتور و اظن انه هيتجمع بكره ومعرفش هنلحق نسقطه فى الحوض ولا لا

رد: متابعه يوم بيوم ل فك ماتور و عمل طقم شنبر
 

محاوله اضافة الصور
http://img689.imageshack.us/img689/5703/photo0000.jpg

http://img13.imageshack.us/img13/9739/photo0001f.jpg

http://img849.imageshack.us/img849/3388/photo0003h.jpg

http://img263.imageshack.us/img263/8712/photo0002ev.jpg

http://img405.imageshack.us/img405/7839/23042011078.jpg

http://img687.imageshack.us/img687/5710/24042011079.jpg

رد: متابعه يوم بيوم ل فك ماتور و عمل طقم شنبر
 

اشكرك لذوقك ..
وانا متفائل جدا لعربيتك اولا هى من العربيات المحترمه جداااااااا ... واللى انا بعشقها
.. حضرتك ذكرت ان ف سمكرى حضرتك عارفه وبتثق فيه جدا وانا بدور على سمكرى كويس ومحترم وشاطر طبعا..فياريت تدلنى عليه وبعدين بشتغل ف االعربيات الورقيه زى عربيتي الأكسنت ولا شغله اكتر ف القديم .. معلش بتقل عليك واشكرك مره تانيه

رد: متابعه يوم بيوم ل فك ماتور و عمل طقم شنبر
 

السمكري معظم شغله فى الجديد بس لاننا نعرفه من زمان فبيشتغل فى عربيتنا وكمان هوا راجل فنان فى شغله بيحب يشتغل بالاصول ومفيش غلطه تطلع منه فى الشغل
اسمه عبدالله ابو السيد
مكانه فى الزراعه
عارف انت كوبري الزراعه اول ما تعديه وانت رايح فى اتجاه ابوحماد اول فتحه شمال تعديك للطريق المقابل اقطع منها الطريق بالعرض وادخل فى المباني اللى على الطريق التاني هتلاقي هناك محل كماليات اسمه عبد الله على ما اعتقد وبعد منه شوية مجيره مخزنين قدامها اسمنت ومواد بناء ورشه الراجل فى اخر الشارع ده و لو سئلت هناك عاوز اوصل ل عبدالله ابو السيد السمكري كتير هيدلك
عن نفسي وبكل امانه راجل لا يعلي عليه وكتير بقصده فى حاجات مش ف شغله وبيدلني اروح فين وكمان بيجي معايا لانه كان بيعز والدي و شغله لا يعلي عليه بعتبره رقم واحد ( كنت جربت اعمل سمكره مش عنده وندمت ) ان شاء الله فى التجديده الجايه هسيب له العربية يعمل فيها اللى هوا عاوزه لانه فنان فى رد الحاجه الى اصلها ( وبيصلح مدام الحاجه تنفع ولو مش تنفع بيغيرها )
و لما تروح عنده عرفه انك من طرف مجدى اللى معاه ال 131 الفضي ( كنت لسه عنده من كام يوم علشان يكشف و يشوف حوض العربية بعد ما فكيت الماتور )
ولو عاوزني اروح معاك انا تحت امرك
الا حضرتك منين فى الزقازيق