رد: سال وهتلاقى المتخصص الى هيجاوبك عن سوالك فى بيجــو
 

للأسف مش أعرف حد قريب منك... وبالنسبة للكاربرتير لازم بتاعاها

رد: سال وهتلاقى المتخصص الى هيجاوبك عن سوالك فى بيجــو
 

بشمهندس هيثم جزاكم الله خيرا
معايا 305 موديل 79
كنت عاوز اغير العفشه (مساعدين + طنابير ) تكون 405 او 504 و تكون ب 4 مسمار
ايه رأيك اغير ايه و اسيب ايه لاني لاحظت ان سعر المساعدين المتاح في السوق اغلي من مونرو و مش اصلي
فقلت اغير المساعدين بمساعدين مونرو بتاعه عربيه تانيه لان مفيش مونرو 305
و لك مني كل الشكر
و لو ليك اي نصايح علشان احافظ بيها علي العربيه لاني لسه عامله عمره كامله و بحاول احافظ عليها جدا ان شاء الله

رد: سال وهتلاقى المتخصص الى هيجاوبك عن سوالك فى بيجــو
 

السلام عليكم ورحمة الله وبركاته
شاكرين افضالك يا هندسة
انا عندى بيجو 307 st موديل 2007
وعندى نتشة فى العربية وهى بتنقل من الاول الى التانى فى بعض الاحيان مش دايما
فى السرعة الخفيفة والسريعه يعنى وانا كابس بنزين او عادى
وعندى النور العالى فاصل مش عارف اذا كان مشكلة فى اللمض بس ولا من الفيوزات
بس الدراع شغال وحتى لمبة التبلوه يتشتغل بتاعة النور العالى الزرقه
ومعلش اخر طلب نفسي فى دليل لعلبة الفيوزات عشان اعرف كل فيوز خاص باى حاجه مكانه فين

وشكرا جزيلا

رد: سال وهتلاقى المتخصص الى هيجاوبك عن سوالك فى بيجــو
 

1- بالنسبة للنتشة فى الفتيس دى لازم الاول تكشف على الفتيس بجهاز بيجو ويشوف لو فى اعطال فى كمبيوتر الفتيس وبعد كدة نقيس زيت الفتيس وعامة المشكلة دى بيبقى حلها تغير زيت فتيس وبلف فتيس.
2- بالنسبة للأنوار لازم اول حاجة تبص على المبات وبعد كدة علبة الفيوزات العمومية وبعد كدة وحدة الـــCV00 .
3- بالنسبة لدليل علبة الفيوزات فدة اكيد حاجة خاصة بالتوكيلات المعتمدة.

رد: سال وهتلاقى المتخصص الى هيجاوبك عن سوالك فى بيجــو
 

السلام عليكم
(بيجو 405 برستيج 1999)
انا عندى العربية بتنقط مياه و كل ما ازود الرادياتير الاقى المياه فى الارض
التنقيط مش عارف منين بالضبط بسبب المصفح بس غالبا الرادياتير مش مخروم

و لاحظت انى بازود المياه و الموتور شغال و العربية سخنة بس المياه مش بتتحرك و ده ممكن يكون معناه ان طلمبة المياه مش شغالة؟

برجاء توضيح سعر طلمبة المياه و وصلات المياه اللى تحت الموتور

خاصة انى راكن العربية عشان الناس كلها اجازة

رد: سال وهتلاقى المتخصص الى هيجاوبك عن سوالك فى بيجــو
 

السلام عليكم
الله ينور يا باشمهندس وربنا يجعله في ميزان حسناتك
معايا بيجو 307 فيها مشكله كبيره وخايف من حلها
العربيه في وحده تقريبا اسمها PSI ودي لاقيتها مكسوره وملحومه قبل كده
المهم العربيه مش عايزه تدور وديتها الحرفيين قالولي لازم تغير مجموعه دواره كامله
هل الكلام ده صح ؟ ومجموعه الدواره دي بتتكون من ايه ؟ وهل فعلا مش لازم اروح التوكيل عشان الشفره بتاعت المفتاح ؟ ولو فيها رخامه ممكن اعرف هتتكلف كام ؟ مع العلم انها 2007
وجزاك الله كل خير

رد: سال وهتلاقى المتخصص الى هيجاوبك عن سوالك فى بيجــو
 

يفضل نبص على العربية الاول علشان نعرف التنقيط منين بالظبط..... وبالنسبة للاسعار الطلمبة بحوالى 550 والخراطيم لازم بالشكل