رد: تجربة جامد جدا مع لمبات فليبس رالى phillips rally
 

مشاء الله حلويين اوى على فكرة كونت بدور عليهم والله مشكورر جدا :010104~171:

رد: تجربة جامد جدا مع لمبات فليبس رالى phillips rally
 

أخي العزيز دراجون
الله يمسيك بالخير ويعطيك العافية على الموضوع الجامد ده
وكمان بيزيد احترامي ليك مع كل اجابة شافية وافية نافعة لكل عضو.
بصراحة ما شاء الله عليك.

انا دلوقتي عربيتي سيراتو 2010 وكان فيها اللمض الأصلية وبعد كام شهر اتحرقت
جبت لمض عادية صيني الواحدة بـ 20 جنيه وهي معي إلى الآن ولكنها غير كافية خصوصاً في السفر

دلوقتي ينفع اجيب رالي فيليبس والضفيرة والكتاوت وكمان لمض الشبورة لأنها مش عاملة حاجة خالص خصوصاً في الشبورة اليومية.

ولو سيادتك تعرف واحد محترم اجيب منه GPS شامل الشاشة الأمامية وشاشة المخادع ومزود بالبلوتوث وDVD وMP3 وتليفزيون وكاميرا اكصدام (أنا سمعت كل ده يباع مع بعضه) اكون شاكر جداً.

مع العلم اني سمعت أنه يباع في إيباي وأيضاً في فيديو باص العبور وعندما سألت فيديو باص العبور انتظرت حتى اليوم 24/1/2011 حتى تصل الشحنة الجديدة من الصين وفي النهاية قال لي ان ثمنه 4000 جنيه ومن غير الشاشات ولا الكاميرا!!!!!

فياريت تدلني على إيباي على اعتبار أنه موثوق فيه أو أي أحد آخر موثوق فيه.

ومنتظر ردك.

مع خالص شكري واحترامي ليك.

رد: تجربة جامد جدا مع لمبات فليبس رالى phillips rally
 

اولا احب اشكر حضرتك على المقدمة العظيمة الى حضرتك قولتها الف مليار شكر لحضرتك
بالنسبة للمض دلوقتى فى نوع كورى جميل انا لسة جايبة ومركبة عشان الرالى الله يرحمها كتر الف خيرها اسمها ديلوكس كورى الواحدة ب 25 جنية القوة بتعتها 200/260 بسم الله مشاء الله انا بمشى على الفوجات عشان الناس متتعبش وممكن نجيب الضفيرة مفيش مشكلة ونجيب نور الفوجات نشوف نوع اللمبة بتاعت الفوجات اية لائن كل فوج لية رقم ولمبة محددة مينفعش نجيب اى لمبة يعنى حضرتك لازم تعرف نوع لمبة الفوج عند حضرتك اية عشان نجيب نفس النوع الوات العالى بتعها ان شاء الله دة بالنسبة للنور بالنسبة لل gps نصيحة لحضرتك تجيب حاجة اصلى ومعروفة وابعد عن الصينى لائن مش بحب اى حاجة صينى نهائى حتى لو قالوا انها افضل من الامريكى لائنى جربت الصينى فى اكتر من حاجة وفى الاخر طلع اى كلام ومن اكتر الحجات الى جربتها فى الصينى كان الزينون وللاسف طلع اى كلام فى عند حضرتك المركز اليابنى فى ميدان الحجاز بجوار جاد وامام عمر افندى وفى عند حضرتك كمان ادريان فى صلاح سالم بجوار بنزينة موبيل الى فى صلاح سالم من ناحة المطار كدا وفى السجان فى شارع دمشق وفى عند حضرتك منطقة التوفقية فى وسط البلد دى عبار عن سوق للعربيات تقدر حضرتك تشرفنا فى اى مكان فى دول وتشوف وتقارن الاسعار والامكانيات ويارب ردى يكون مفيد لحضرتك ان شاء الله سلام عليكم

رد: تجربة جامد جدا مع لمبات فليبس رالى phillips rally
 

معلش ياحبى المهم ان انتة بخير
اهم حاجة فى الموضوع دة ان حضرتك تعرف نوع اللمض المناسب لفنوس عربية حضرتك يعنى
h4
h7
كدا بعد كدا حضرتك اى كهربائى نضيف يقدر يركبلك الكتاوت واللمض لائن الموضوع مش صعب خالص اسهل منة مفيش والناس فى الحرفيين كلهم كويسين الصراحة و اى سؤال انا فى الخدمة وعلى فكرة انا لسة جايب لمض جديدة اسمها ديلوكس كورى 200/260 تحفة برضة اللمبتين ب 50 جنية

رد: تجربة جامد جدا مع لمبات فليبس رالى phillips rally
 

السلام عليكم
اولا بحييك على موضوعك القيم وسعيك لافادة الاخرين ربنا يجازيك خير
وثانيا //يارب سلم مصر واهدي اهلها شعبا ونظاما للرشاد
ثالثا // عربيتي اكسيل مو 95 1500 مانيوال
النور العالى والواطى خافت ونور الطابلوه فسالت الكهربائي قالى العيب فى اللمبات ضعيفه وعاوزه تتغير لان اصلا معمول لكل فانون كتاوت تقويه
يا ترى ادور على اللمبات اللى انت قولت عليها وتركب عادى ع الكتاوت اللى عندى ولا لازم اغير الكتاوت (( ولو جربت على الكتاوت الحاليه هل هيحصل مشكله ))
نقطه آخرى كنت عاوز اركب رنجات للفوانيس الاماميه ( ياترى ايه نظامها سعرها وبتيجي منين ) هل تصلح للاكسيل تعديل شكل فوانيسها او شئ اخر يضفى عليها روح التجديد ارجو الافاده
وكنت عاوز اركب فوانيس شبوره نوع قوى يا ترى اسمه ايه وايه افضل نوع لمبات ليه
ولكم جزيل الشكر وآسف للاطاله

رد: تجربة جامد جدا مع لمبات فليبس رالى phillips rally
 

الف شكر لحضرتك ونورت الموضوع يا حبى
بالنسبة للنور ممكن حضرتك تجيب اللمض وتجرب على الكتاوت الى عندك لو مفيش فيها اى مشاكل وخلى الكهربائى يكشف عليهم بالجهاز وهوة حيقدر يحدد ان همة يستحملوا ولا لاء ولو لقدر الله لاء تقدر تجيب كتاوت المانى نضيفة زى الدوش مثلا بالنسبة للشبورة الى يناسب عربيتك هوة الكورى ممكن تتعب على متجيب حاجة كورى بس ان شاء الله تجيبهم عندك الحرفيين بيعملوا الرينجات هناك عمولة ب 20 جنية الرنج الواحد و اى سؤال انا فى الخدمة ان شاء الله :playing_music:

رد: تجربة جامد جدا مع لمبات فليبس رالى phillips rally
 

ربنا يعزك
انا اتشرفت بيك وانا من المنصورة
ياريت لو عندك حضرتك خلفيه ان للاكسيل فوانيس متعدله ولا مفيش وياريت لو فى صور ليها وسعرها
ياترى فى اسماء كويسه لفوانيس الشبوره وسعرها
ولكم جزيل الشكر